Matiu 2:12 - Vato Vari Vakameka Voru Ia Batu Ne

¹² Do loborona kukureka ria, God i sine ne qira tariniki ule za de ikoego Erode. Gonae iri lulua kaki zuka kakavata mana iri gado ule za komala ro ria.

Matiu 2:12 ပူးပေါင်းရင်းမြစ်များ

Matiu 1:20

Josepo i vanama neto tina kasi ne Maria, do aqelo ia Batu ne i lama sadake de ikoego ia loborona kukureka, i sine ne ia, “Josepo sale ia Davita, oniki sareki, lulua Maria i qole ogoto aro, tanego sale i kakate go nae, i zazu ia Spirit tabo.

Matiu 2:13

Taramuzina vano tarove iri zaza, aqelo ia Batu ne i lama sadake Josepo loborona kukureka, mana i sine ne ia, “Dogara! Pala sale nae, mana sinana paqa za Izipito go. Za koe nae go na doka so ṉalu tuna sine napu nigo era, tanego Erode i nanao tina taqia sale nae mana vae vale igo.”

Matiu 2:19

Taramuzina Erode i le, aqelo ia Batu ne i sadaka ze Josepo loborona kukureka tepa Izipito.

Matiu 2:22

Ṉalu Josepo i gata Akelus i kavale go tamana, i batu ego Judia, i sareki na zae na de go, tanego i rove bana ze ia loborona kukureka ne, iago Josepo i zae tepa kena Qalili.

Matiu 27:19

Torana nae Pilato i kolokue pade vivine ia, gonae qole ia i valame seko ne ia, igo, “Ke qa pene go oniki zazu ne kaki pata de ikoego valeke nae, tanego i valeke totoloṉo. Tanego kuse ne qa kukureka ia mana qaki kamuku velaka neto kaega go.”

Luka 2:26

Spirit tabo ne iva rove bana ze dekoe Simion, mana ia tiniki mazala kaega le, go za doka so ṉalu tina miasoba go Kristo Batu ne.

Zazu Ria Apostoloro 10:22

Iri vataule, “Konilias batu ria vano soldia, i turine qemu go, i valeke velaka mana i vazaka God, mana osiqira vano Jiu iri mia vamazale ia. Aqelo ia God i sine ne ia tina koru vakeba zigoe aro pade ia, go mara gata go pataro tono sine go aro.”

Zazu Ria Apostoloro 4:19

Do Pita mana Jon iru vataule ne qira ria, iru go dena, “Ṉalu raru taruna nanao kasupe ne seko ia God mana vaogoto qamu ramu gogo ne, avigo itotoloṉoe tarakenaqana God ba kaega? Ramu muna nanao velake pata dena.

Zazu Ria Apostoloro 5:29

Pita mana kero ne apostoloro ne iri vataule, iri go, “Remu timuna vaogote so God, basoe kaega.

Kameka Korinti 3:19

Tanego tarove i nanao go vudu pua dena, i patavolome tarakenaqana God. Gerena Buka tabo ne i sine, “God tina va soru qirae tarove ro iri vazazua go.”

Iburu 11:7

Loborona vaogoto ia, Noa i vaogote seko vabanabana ia God sauna pataro iara komego, mana pataro iara kaebo mia na go. Noa i zazu ne kameka koluka mana iva kavele ze ko tatamana iago. Tanego Noa i tatadaṉa e de ikoego God, iago i vasadake basoero na vudu pua ne iri vano sakata, iago God i va sadake Noa i valeke totoloṉo tanego Noa i vaogote God.

Iburu 8:5

Zazu iri zazu nego patere ro i dudulena so pataro i zazu ego rani ne. I gere napua so de i koe Mosese, ṉalu God i sine ne Mosese dego zazu na pade iri pala zaza ne go, ia igo, “Ono mia velake zazu tono vae nego, ono valulu velaka ze so de qa va mia goe era popokona kubolo ne.”