Matiu 19:9 - Vato Vari Vakameka Voru Ia Batu Ne

⁹ Ma sine ne qamu, ṉalu kaki valeke i vaule qole ia, patavolomo qole ia iki zazu ne kaega kaki pata sakata mana valeke nae i za busi napua qole kakavata, valeke nae i vae tamana na busi.”

Matiu 19:9 ပူးပေါင်းရင်းမြစ်များ

Matiu 19:10

Gonae disipoloro ia iri sine ne ia, “Ṉalu igogo nae tamana na busi ne, i tora valeke mara kasi busi bana so.”

Matiu 19:8

Jesu i vataule ne qira, “Mosese i teke ne qamu va toqe tepa ia vaule na qole, tanego i lete makuru vatatana qamu. Do kokoso vatupiana na me ṉalu God i vazaria go kolabana pua ne, iki go kaega nae.

Matiu 5:32

Do era ma sine ne qamu, ṉalu kaki valeke i busi kasine qole ia, do qole ne iki vasakate kaega kapata gogone, valeke nae tane iva taunata go qole bana ia, ṉalu go i za busi napu. Mana valeke i busia go qole busi kasi nae ne i taunata napu go.”

Luka 16:18

Jesu igo, “Ka valeke i kasi ne qole ia, mana i busi napua kaki qole kakavata, valeke nae i taunata, mana ka valeke i busia go qole i busi kasi go, valeke nae i taunata napu so.”

Kameka Korinti 5:1

Aria era qa gata kaki kameka basoe i koe de qamu koego, i zazu ne too vari vagabu, patavolomo vano iriki vaogote go kaega God do, iri agava ne zazu too vari vagabu igogo ne. Era qa gata basoe ni gogo ne i poro kamuku tavise qole muzi ia tamana.

Kameka Korinti 7:39

Qole busi iki ko talupasa kaega ṉalu valeke ia iara too, do ṉalu valeke ia i le, ṉalu nae to qole ne iara ko talupasa, i mazala to busi na ka valeke i soko go, do ṉalu go valeke voru nae i basoe lotu.

Kameka Korinti 7:4

Qole busi nae iki batu ne kaega tokamana tanuna, do valeke ia ni batu ne go, i gere napua so valeke busi nae iki batu ne kaega tokamana tanuna, do qole ia ni batu ne go.