Matiu 19:29 - Vato Vari Vakameka Voru Ia Batu Ne

²⁹ Mana osiqira ria iri kasi ne pade ria, togaqira ba vavaniqira, tamaqira, sinaqira, ba salero ria ba barue ro ria sauqu era, tarina pala vatopu napua kameka vasa sivala ne de iri kasi bana nego, mana tarina toṉove too iki rove go kaega lupo go.

Matiu 19:29 ပူးပေါင်းရင်းမြစ်များ

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Matiu 13:23

Mana paturu ro iri soru ego pua velaka i gere qira to ria iri gata go Tarama Velaka ia God mana iri nanao rove go, iri ure kakiaro kameka vasa, kakia ro onomoṉaulu mana kakiaro pisaṉaulu go.”

Matiu 13:8

Do kakiaro paturu iri sorue pua velaka, iri podo velaka mana ure velaka go, kakiaro i kameka vasa urena, kakiaro onomoṉaulu mana kakia ro pisaṉaulu go.”

Matiu 16:25

Tanego ka basoe i soko va kavele na too ia, tiniki pala kaega, do ka basoe i va riqo ze too ia sauqu era, tinara za pala too ogoto.

Matiu 19:16

Kaki kameka valeke vavagado i lamae de ikoego Jesu mana ivane dena, “Valeke vari vatatana, ava pata velaka na tuna zazu nego go tuna toṉove go too iki rove go kaega lupo na?”

Matiu 25:34

Goto nae ia, tunara sine ne qira basoero iri koego tepa matauqu, ‘Ramu to qamu pala go makaolo ia Mamae, lama mana pala pataro ikoego Too ikoego vari miasoka ia God, ni vanama bana ne qamu go vazari i vae nego kolabana pua dena.

Matiu 25:46

Basoero dena tarina pala to kimata iki rove go kaega lupo, do ria basoero totoloṉo tarina zae de ikoego too iki rove go kaega lupo go.”

Matiu 5:11

Kula ria basoero iri seko sakata qira, iri vasasakata qira mana iri poqe ne qira, tanego iri luluava era.

Matiu 6:33

Iago taru kenaqa zaqe puṉu qamu dekoe vari miasoka ia God mana muna zazu ne pataro i soko qamue go. Ṉalu gogo nae God tinara tekene qamu kero ne pataro.

Luka 14:26

“Ṉalu ka basoe i lamae de qa koego era, do mamaligara ia iara koe de koego tamana, sinana, qole ia, salero ia, kaena ro mana vavanina ro mana too ia tanuna i sivale ne deqa koe go era basoe nae iki disipolo era kaega.

Luka 5:11

Gonae iri toqo va vasore karua koluka rikisi ne, iri tarua osina pata mana iri lulua Jesu go.

Luka 6:22

Kula ramu iriki soko qamu go kaega basoero ne, iri sila qamu, iri seko sakata qamu, mana iri vagere qamu e vano vatovato sakata, tanego i sauqu era.

Tarama Velaka Ia Jesu Kristo I Karo Go Jon 15:19

Ṉalu tamu basoe na kolabana pua dena, ria tarina mamaligara ne qamu, tanego qamu basoe na pua dena. Do era qa vine bana qamu go, mana qamuki ke ia kaega kolabana pua dena go, iato go basoero na kolabana pua dena iriki soko qamu go kaega.

Tarama Velaka Ia Jesu Kristo I Karo Go Jon 4:36

Basoe i vae go urena pata lebaleba ne tina pala voli, urena neto, basoero tarina pala too iki rove go kaega lupo. Iago basoe i leba go pata gege ne, mana basoe i vae go ure na go, tiruna mazala so kameka ko vari kulae go.

Zazu Ria Apostoloro 9:16

Mana era tanuqu tunara vamia ze ia topuna pata makuru tina soba go ṉalu ia tina tarama nego sauqu era.”

Kameka Korinti 2:9

Patavolomo nae, Buka tabo ne igo, “Pata iki mia kaega basoe ba iki gata bana kaega gogo ne, iato pataro i vanama go God sauqira vano iri mamaligara nego.”

Karua Korinti 5:16

Ninidena qatiki ara toere kaega too ia basoe na pua de, patavolomo kameka ṉalu qata toere go too ia Kristo gerena too ia basoe. Pasi dena remu qiki zazu ne to kaega too igogo ne.

Pilipae 3:8

Iki pata nae so kaega, do osina to pataro qa zazu bana nego, qa vana lupo neto, go tuna toṉove go pata ni lete lavata sivala go volina, iato tarove ia Jesu Kristo Batu era. I sauna ia, era qa vana lupo ne osina pata qa nanao iki tora to kaega babanane na, iago qa nanao va gere ze uzaka osina pata, go era qa mazala pala na Kristo.

Kameka Pita 4:14

Muna kula ṉalu basoero iri seko vasakata qamu, tanego ramu qamu lulua vatovato ia Kristo, tanego ramu qamu rove Spirit ia Batu ne ilete karaputa, i ko taru e de qamu koego.

Kapisa Jon 1:7

Tanego ria iri zaza ne to zazu ne na zazu ia Kristo, mana iriki pala kaega kaki tavisi de iri koego vano iriki vaogoto go kaega Kristo.