Matiu 18:7 - Vato Vari Vakameka Voru Ia Batu Ne

⁷ Manava sakata de iri koego basoero na vudu pua dena, tanego sauna pataro iri vasoru qirae vasakata pata basoero ne, tina sadaka bana so, do basoe izazu ne go pataro igcgo ne tina miasoka go.

Matiu 18:7 ပူးပေါင်းရင်းမြစ်များ

Matiu 16:23

Do Jesu i tabali mana i sine ne Pita, “Kasi ne de, Satana! Oniki pada ne vanoto ava era, pata go sine go aro ne, iki nanao na kaega God do i nanao na so basoe na vudu pua dena.”

Matiu 26:24

Era Tuna basoe tuna le gerena i sine go Buka tabo ne, do manava sakata de ikoego basoe tina vabesa nava go era, itora basoe nae tara kasi podo bana so.”

Maka 13:7

Do ramu muniki sareki ṉalu qamu gata go nakina kana ro iri ko garogaro qamu mana taramana kana ro iri ko laqalaqa mego. Pataro dena tina sadaka bana so, do ia dena iki talukase kaega vudu ne i garogaro to lama lupo.

Luka 17:1

Jesu i sine ne qira disipoloro ia, “Pataro tina mazala go va soru qirae vasakata pata basoero ne tinara sadaka me, do makuru lavata sivala tina soba basoe niva sadake go pataro igogo ne.

Tarama Velaka Ia Jesu Kristo I Karo Go Jon 17:12

Torana qa kotavisi qira go, qa bara ne qirae karaputa na vitoṉomu, iato vitoṉo qo teke nava go, qa miasoka velaka qira iato go kakia iki rore kaega. Do kameka i rore go ne, tina rore bana so, go tina va voto go seko i sine bana go Buka tabo ne.

Zazu Ria Apostoloro 1:16

Igo dena, “Ramu turaquro! Buka tabo ne ilama ogoto, Spirit tabo i sine bana ne go Davita go ni sine go sauna Jiudas tina kenaqa ne qira ria iri pala go Jesu.

Kameka Korinti 11:19

Ramu qamu vari vota bana to, go tamuna mia rove akena tane i lulua go seko ogoto.

Kameka Timoti 6:1

Vano kristiano iri vazazu qira go, mara nanao vamazale batu ro ria, go basoero ne tariniki seko vasakate vitoṉo na God mana varivatatana na lotu go.

Taetusi 2:5

mana mara vasadake vatovato velaka na too ria go. Tavisi ne qira go tarina ko basoe dalo, miasoka velake ko tatamana ria mana vamazale valeke ro ria go, go kaega ka basoe tina seko vasakate go Tarama Velaka i reqe mego de ikoego God.

Taetusi 2:8

Seko ne, seko totoloṉo ro, go basoero ne tariniki seko vasakate kaega seko ro aro, go vano iri vasasakata nigo tarina agava ne sine vasakata qita ita qata lulua go Kristo.

Judi 1:4

Tanego kakiaro basoero iri keba siko me de qata koe go ita vano lotu mana ria dena iriki soko kaega osaka ne na God mana iri itane Mana ia God valulu ze vatovato sakata ro mana iriki toqe ne kaega Jesu Kristo qata va Batua go ita. Do Buka tabo ne i sine bana meso ia tane kimata tina pala qira basoero dena.