Matiu 18:15 - Vato Vari Vakameka Voru Ia Batu Ne

¹⁵ Jesu igo napu dena, “Ṉalu togamu i kebu e deqo koego, zae de ikoego mana vamia ze kebu ro ia. Do buru na zazu vamiki neso tanuqaburu. Ṉalu ia i gata go pataro qo sine go aro, raburu qaburu vari vakameka napu tamakena.

Matiu 18:15 ပူးပေါင်းရင်းမြစ်များ

Matiu 18:14

Igere napua so Tamaqamu ikoego rani ne, iki soko kaega kaki kameka ria salero suka ia tarina rore go.”

Matiu 18:21

Gonae Pita i lamae de ikoego Jesu, mana itana ne ia, igo, “Batu! Ṉalu go togaqu i kebu taru e de qa koego era, ava via ṉalu tuna nanao ule ne ia? Torana kavitu ṉalu?”

Matiu 18:35

Iago Jesu igo, “Mamae ikoego rani ne tina go napu so, ṉalu qamuki nanao ule ogoto ne qira kaega onotoqamu ro.”

Leta Ia Pol I Karo Ne Qira Basoero Na Rom 12:21

Iago, kasi vamao ne na sakata go mara va qoqori go, do vaqoqoro ze sakata nae loborona zazu velaka aro.

Kameka Korinti 8:12

Mana sauna to pataro igogo ne, aro tono vasakata pata e de ikoego Kristo, tanego qo vasakata pata e de iri koego vakitaka lotu ro, qo vasakate nanaoqira tanego, iriki karaputa kaega.

Karua Korinti 7:12

Iago ṉalu qa karo zatu go leta nae, qaki va paqo ze kaega ka basoe bana i zazu ne kaki pata kebu, ba kebu ia ka basoe. Qa karo ne qamu go ma vatatavata velake, God i rove ramu qamu lete nanao qemu remu.

Qalesia 6:1

Turaquro, ṉalu qamu mia go kakia basoe izazu ne go kaki pata sakata, ramu qamu lulua go too ia Spirit tabo muna vatotoloṉe too iago tina tavisi ne go ia, mana muna miasoka napua tanuqamu go ramu tamuniki soru napue go kaega pata sakata ro nae.

Kolosia 3:13

Vari va nanao ule ne qiru ṉalu kaki karua basoe iru vari vasasakatae, mana ṉalu kake raburu qaburu vari va legu, buruna vari va nanao ule, gere Batu ne i nanao ule nigo.

Kameka Tesalonika 4:6

Sauna pata dena, kaega kaki basoe mara tatakiu ne, ba zazu ne zena pata i sakata go kene basoe lotu. Remu qimu sine vamoqere mana vabanabana qamue ramu, God tinara vakimata qira basoero iri zazu ne go vatovato igogo ne.

Karua Tesalonika 3:15

Do ramu muniki vasakata ne ia, do varove ze go ia i gerena kakia turaqamu lotu.

Taetusi 3:10

Ka basoe i vari vatatana ne pataro i mazala vari va pera mana vota qira basoero ne, ono sine ne ia karua ṉalu, do ṉalu iki soko kaega gatana, tabali kakamu neto aro basoe nae.

Kameka Pita 3:1

Gerena napu so ramu qolero busi, muna va mazala qira valeke ro ramu, sauna ianae go valeke ro ramu iriki vaogote kaega seko ia God, tarina vaogoto go, patavolomo qamuki sine ne qira kaega seko.