Matiu 17:22 - Vato Vari Vakameka Voru Ia Batu Ne

²² Ṉalu osiqira disipoloro iri lama kameka ko lupoe Qalili, Jesu i sine ne qira, “Era Tuna basoe i garogaro tarina pala vazao ve de iri koego basoero ne,

Matiu 17:22 ပူးပေါင်းရင်းမြစ်များ

Matiu 16:21

Tupi to ṉalu nae, Jesu i lete vatatana velaka qira disipoloro ia igo, “Era tuna za bana eso Jerusalema, tuna za pala ze vokara de iri koego vano kazigarata, vano batu ria patere ro mana vano vari vatatana na Tamana go. Tarina vae vale ava, do taramuzina so kapisa musaqara era tuna too napu me.”

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 17:12

Do ma sine ne qamu, Ilaiza i lama bana to, do basoero ne iriki mia rove kaega ia, mana iri vasasakata ne ia, lulua so soko ria tanuqira. Mana tina gere napua so de tarina vane ava era Tuna basoe go.”

Matiu 17:23

go tarina vae vale ava, do taramuzina kapisa musaqara era tuna too ule napu me tepa le ne.” Pasi nae disipoloro ne iri lete maqata sakata.

Matiu 17:9

Goto nae iri qoqoro ule me tepa kubolo ne, mana Jesu i sine vamoqere ne qira, igo, “Muniki sine ne ka basoe sauna pata qamu mia go, go na doka so ṉalu era Tuna basoe tuna too ule napu me tepa le ne.”

Matiu 24:10

Ṉalu nae topu basoero tarina vana ne vaogoto ria mana va besa ne kene basoe mana tariniki soko kaega kene basoe go.

Matiu 26:16

Tupi to ṉalu nae Jiudas i taqia ṉalu velaka go tina vabesa ne go Jesu.

Matiu 26:46

Degere, mata zaza, valeke tina vabesa nava go era i lama goto dena!”

Maka 8:31

Gonae Jesu i vatatana qira disipoloro ia igo, “Era Tuna basoe tuna pala vokara tanego tariniki soko ava kaega. Ria to vano kazigarata ro, vano batu ria patere ro, vano vari vatatana na tamana go. Ria to nae tarina vae vale ava, do taramuzina kapisa musaqara era tuna too napu me tepa le ne.”

Luka 24:26

Avigo iki tora kaega Mesia tina vokara ne pataro dena go tina ra keba za go Too ikoego vari miasoka ia God?”

Luka 24:46

Mana i sine napu ne qira, “Iato dena pata ni sine go Buka tabo ne, Mesia ne tina pala vokara mana tina le, taramuzina kapisa musaqara ia tina too napu me tepa le ne.

Luka 9:22

I sine napu ne qira, “Era Tuna basoe tuna lete vokara, tariniki soko ava kaega vano kazigarata ro, batu ria Patere ro mana vano tarove na tamana, tarina vae vale ava, do taramuzina kapisa musaqara era tuna too napu me.”

Luka 9:43

Osina basoero ne iri lete nureke ne karaputa lavata ia God. Topu ria basoero ne iri ara nureke ne so osina pataro ni zazu ne go Jesu, gonae i sine ne qira disipoloro ia.

Zazu Ria Apostoloro 7:52

Avigo i ko kaki propeta iriki vasasakata ne kaega vanovano bana ramu? Iri vae vale qira vano palapala seko ia God, ṉalu iri tarama ne lama na kameka Tuna, mana ninidena ramu to qamu vabesa ne mana vae valeiago.

Kameka Korinti 11:23

Vari vatatana i teke nava go era Batu ne, iato qa tarama lupo ze de qamu koego, mana vari vatatana nae iato de. Kuse na ṉalu Jiudas i va besa ne ia, Jesu i pala bureri