Matiu 16:28 - Vato Vari Vakameka Voru Ia Batu Ne

²⁸ Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 16:28 ပူးပေါင်းရင်းမြစ်များ

Matiu 10:23

Ṉalu iri vasasakata qamue kaki komala, katikili kasi ne, mana za napue kaki komala go. Masine ne qamu pata ogoto, tamuniki valupo kaega zazu ramu loborona ro komakomala na ro Izirel do era Tuna basoe tuna za ule me.

Matiu 16:13

Ṉalu Jesu i za dokae kena i garogaro komala Kaesaria Pilipae, i tana ne qira disipoloro ia, “Avigo, basoero ne iri nanao akena tane era Tuna basoe?”

Matiu 24:3

Taramuzina ṉalu nae Jesu i na koloku e Kubolo na Olivi, gonae disipoloro ia iri lama mia vamikia ia, iri go, “Sine ne qemu, ava ṉalu tane tina sadaka go patoro igogo ne? Mana ava lalana tina sadaka go, go tina vasadake i doka to ṉalu aro tono lama mana vudu pua dena tina lupo go.”

Matiu 24:34

Nanao tarua osina pataro dena tina sadaka bana qira so basoero iri kogo ninidena ia tarinara le go.

Matiu 24:42

Iago muna miasoka, tanego qamuki rove kaega ṉalu era Batu ramu tuna za ule mego.

Matiu 26:64

Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”

Matiu 8:20

Jesu i sine ne ia, “Sika piru ro i ko de kamukamu ria mana pale ro i ko kubasa ria, do Tuna Basoe i kaega kade tina zakoe go tina ziṉo velake go.”

Maka 13:26

Ṉalu nae era Tuna basoe, tuna sadaka lulume popokona toba ne, tina lulua go karaputa mazala ia God.

Maka 8:38

Basoero na ṉalu ninidena iri zazu ne soso adoadona pata sakata mana iriki soti ze kaega tanuqira de ikoego God. Iago, ṉalu ka basoe i agava nava era, era tuna agava napu ne so ia, ṉalu tuna lamae go karaputa na tatavata ia Mamae mana aqeloro tabo ia ne go.”

Maka 9:1

Jesu i sine ne qira, “Ma sine ne qamu pata ogoto. Kakiaro ramu dena tamuniki le kaega, go tina za doka go ṉalu tamuna miasoba, Too ikoe go vari miasoka ia God tina za lama go.”

Luka 18:8

Ma sine ne qamu. Ia tina tavisi katikili ne qira va totoloṉo na makuru ro ria. Do era Tuna basoe, avigo tuna soba ze kolabana pua dena vano iri vaogoto go, ṉalu tuna za lama go?”

Luka 2:26

Spirit tabo ne iva rove bana ze dekoe Simion, mana ia tiniki mazala kaega le, go za doka so ṉalu tina miasoba go Kristo Batu ne.

Luka 9:27

Mava nanao taru bana qamue, kakiaro ria iri ko go dena, tariniki le kaega go tina doka so ṉalu tarina mia go Too ikoego vari miasoka ia God.”

Tarama Velaka Ia Jesu Kristo I Karo Go Jon 21:22

Jesu ivataule ne Pita igo, “Ṉalu tu soko go era, ia mara kasi le go doka so ṉalu era tuna ule napu mego. Do ia igogo ne iki pata mazala kaega de qo koego aro Pita. Ba aro ne, mo lulu ava era!”

Tarama Velaka Ia Jesu Kristo I Karo Go Jon 8:51

Ma sine ne qamu pata ogoto, ka basoe i vaogote mana i lulua vari vatatana ro era, tiniki le kaega.”

Tarama Velaka Ia Jesu Kristo I Karo Go Jon 8:52

Vano Jiu ne iri vane de ia, “Ninidena to qiara lete rove, aro i ko ogoto banae to manuru tokamamu, tanego Abra-am ile, mana propetaro iri le, do aro qo go, ka basoe i vaogote mana lulua vari vatatana aro, tiniki le kaega.

Zazu Ria Apostoloro 1:11

Mana iru go dena, “Ramu vano na Qalili, avigo tane qamu degere nae, mana reṉa popoka qe rani ne na? Iato Jesu i kasi ne qamu, mana izae go rani ne tina za lama napu, gerena so qamu mia go ipopoka za go rani ne ninidena.”

Kameka Korinti 15:23

Do nogotona basoe tina lulua dego zukazuka na, ṉalu tarina too me tepa le, kenaqana. Kristo, mana taramuzina ṉalu tina za ule me, ita to basoero ia God go.

Kameka Tesalonika 1:10

Mana de go ramu qamu piri ne go lama napu na sale ia tina reqe mego rani ne. God i vatoo napu mego ia tepa le ne, mana Jesu to tina vakavele qitae go ita muna mana varitanae ia God kene ṉalu.

Iburu 2:9

Do ita qata mia Jesu, iato Jesu dena God i taru ze ia pola qira aqelo ro desuka so ṉalu, go ia loborona manava ia God, ia tina le sauqira osiqira basoero. Ninidena qata mia ia God i vazakazaka vitoṉona mana i teke ia karaputa mazala ia, tanego i sauna to le i vokara ne go.

Jemisi 5:7

Turaquro, muna konoto so go tina za dokae go ṉalu tina lama napu go Batu ne. Ramu qamu rove, ṉalu basoe i leba lupo go pata lebaleba na barue ia, ia iko piri ne so saṉa mana nare go tina lama vamomorua go pua ne mana go tina vaure go pata lebaleba ia ni leba go.

Karua Pita 1:16

Ṉalu qimu sine ne qamu ramu, lama napu na Jesu Kristo Batu ita ne, na lulu me karaputa, qimuki sine so kaega pepeu volomo ria basoero ne. Do remu qimu mia ze to mataqemu karaputa ia.

Kameka Jon 2:28

Iago salero era, muna ko vanadu tarue so loborona Kristo osina ṉalu, go tatana purake go karaputa ṉalu tina lama sadaka qita go. Mana ita mara kaega ne qita agava de ikoego ia musaqara tina lama go.