Matiu 16:27 - Vato Vari Vakameka Voru Ia Batu Ne

²⁷ Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 16:27 ပူးပေါင်းရင်းမြစ်များ

Matiu 13:41

Era Tuna basoe tuna turine qira aqelo ro era tarina za pala vakuziki ne osiqira vano iri va soru qirae vasakata pata kero ne basoero, mana basoero i sakata go too ria. Tarina pala vakuziki ne qirae basoero dena, de ikoego Too vari miasoka ia God.

Matiu 13:49

Tina gere to vapadapada dena ṉalu musaqara muzimuzi ne, ria aqelo ro ia God tarina lama vota vakuziki ne qira basoero sakata de iri koego basoero velaka ro ne,

Matiu 24:30

Torana to nae, lala i vasadake go lama qu era Tuna basoe tina sadake toba ne, mana osiqira basoero na kolabana pua ne, tarina dae va lavata ṉalu tarina miava era Tuna basoe tuna goe mego toba ro ne mana lulu me moqere mana tatavata na karaputa mazala ia God go.

Matiu 25:31

Jesu i sine napua, “Ṉalu era Tuna basoe na lama Batu lavata go mana aqelo ro ne tarina luluava, tuna kolokue de ko batubatu era.

Matiu 26:64

Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”

Matiu 8:20

Jesu i sine ne ia, “Sika piru ro i ko de kamukamu ria mana pale ro i ko kubasa ria, do Tuna Basoe i kaega kade tina zakoe go tina ziṉo velake go.”

Maka 14:62

“Era to,” igo Jesu, “osiqamu tamuna miava era Tuna basoe tuna kolokue tepa matauna God ni lete moqere sivala mana tuna za lulume toba ikoego rani ne.”

Maka 8:38

Basoero na ṉalu ninidena iri zazu ne soso adoadona pata sakata mana iriki soti ze kaega tanuqira de ikoego God. Iago, ṉalu ka basoe i agava nava era, era tuna agava napu ne so ia, ṉalu tuna lamae go karaputa na tatavata ia Mamae mana aqeloro tabo ia ne go.”

Luka 21:27

Mana ramu tamuna mia sobava era Tuna basoe, tuna za goe me toba ne, lulu ne karaputa mana tatavata ia God.

Luka 22:69

Do pasi ninidena, i popoka za go, era Tuna basoe tuna koloku e karisi matauna God i moqere sivala.”

Luka 9:26

Ka basoe i agava nava era mana vari vatatana ro era gogo ne. Era Tuna basoe, tuna agava napu ne ia, ṉalu tuna lamae go tatavata era mana tatavata ia Mamae mana ria aqelo tabo ro iago.

Tarama Velaka Ia Jesu Kristo I Karo Go Jon 21:22

Jesu ivataule ne Pita igo, “Ṉalu tu soko go era, ia mara kasi le go doka so ṉalu era tuna ule napu mego. Do ia igogo ne iki pata mazala kaega de qo koego aro Pita. Ba aro ne, mo lulu ava era!”

Tarama Velaka Ia Jesu Kristo I Karo Go Jon 21:23

Pepeu na pata nae i goe to loboro qira disipoloro ne, iri go, disipolo nae tiniki le to kaega. Do Jesu iki sine kaega, basoe nae tiniki le kaega. Ia i sine so, “Ṉalu tu soko go era, ia tariki le kaega, go doka so ṉalu era tuna ule napu mego. Do ia i gogone iki pata mazala kaega de qo koego aro Pita.”

Zazu Ria Apostoloro 1:11

Mana iru go dena, “Ramu vano na Qalili, avigo tane qamu degere nae, mana reṉa popoka qe rani ne na? Iato Jesu i kasi ne qamu, mana izae go rani ne tina za lama napu, gerena so qamu mia go ipopoka za go rani ne ninidena.”

Leta Ia Pol I Karo Ne Qira Basoero Na Rom 14:12

Iago ita osiqita tatana sine vasadaka ne God osina pataro qata zazu ne go.

Leta Ia Pol I Karo Ne Qira Basoero Na Rom 2:6

Tanego God tina teke ne qira sasarapa osiqira basoero ne sauna pata ro iri zazu ne go.

Kameka Korinti 15:23

Do nogotona basoe tina lulua dego zukazuka na, ṉalu tarina too me tepa le, kenaqana. Kristo, mana taramuzina ṉalu tina za ule me, ita to basoero ia God go.

Kameka Korinti 3:13

Mana mazala na zazu ia nogotona basoe tina lama mia rove, ṉalu musaqara muzimuzi. Tanego ṉalu musaqara nae, nako tina va sadaka me, velaka na ba sakatana zazu ia.

Kameka Korinti 8:8

Pata gege ni gogo ne i makuru tina vagarogaro ba va laqalaqa qitae dekoe God. Ṉalu qata ki ge go kaega, pata gege ni gogo ne, qatiki vana ne kaega kaki pata, mana ṉalu qata ge go, qatiki pala ze kaega kaki pata go.

Karua Korinti 5:10

Do osiqita tatana sadaka e tarakenaqana Kristo ṉalu tina zazu nego vivine ia. Ia tina vine too ita, mana tina teke ne qita voli ba kimata i tora go pataro qata zazu nego, Kristo tina zazu ne iadena, sauna osina zazu velaka ba zazu sakata ro qata zazu nego, ara too qata vaego pua dena.

Epesus 6:8

Muna nanao tarua, Batu ne tinara teke ne qira voli basoero iri zazu velaka go, patavolomo i basoe seka ba basoe talukasa.

Kolosia 3:25

Mana vano iri zazu ne vatovato sakata, tarina pala napua so volina dego vatovato sakata ro ria, tanego God loborona vivine ia, i vari pada ne so osina pata.

Kameka Tesalonika 1:10

Mana de go ramu qamu piri ne go lama napu na sale ia tina reqe mego rani ne. God i vatoo napu mego ia tepa le ne, mana Jesu to tina vakavele qitae go ita muna mana varitanae ia God kene ṉalu.

Kameka Tesalonika 4:16

Basoero ne tarina gata seko tamana lavata, ovaṉa na batu ria aqelo ro mana kuvili ia God go, ṉalu nae basoero iri vaogote Kristo iri le bana go, tarina too ule kenaqa me tepa le ne.

Jemisi 5:7

Turaquro, muna konoto so go tina za dokae go ṉalu tina lama napu go Batu ne. Ramu qamu rove, ṉalu basoe i leba lupo go pata lebaleba na barue ia, ia iko piri ne so saṉa mana nare go tina lama vamomorua go pua ne mana go tina vaure go pata lebaleba ia ni leba go.

Kameka Pita 1:17

Ṉalu ramu qamu pene go God qamu koru ze ia Tamaqamu, ia nae i vari pada neso osina basoe, do vivine ia so iara taru ze go nogotona basoero sauna pataro iri zazu ne go. Iago ko qamu ara vae go pua dena muna vazaka ia mana ko padapadae de ikoego ia osina ṉalu.

Kameka Jon 2:28

Iago salero era, muna ko vanadu tarue so loborona Kristo osina ṉalu, go tatana purake go karaputa ṉalu tina lama sadaka qita go. Mana ita mara kaega ne qita agava de ikoego ia musaqara tina lama go.

Judi 1:14

Inoke i vaonomona to basoe ireqe mego tapoko ia Adamo, i sine bana me seko dena de iri koe go ria igo, “Muna mia! Batu ne tina lulu me qira mao na aqelo tabo ia

Revaleson 1:7

Muna rove Jesu tina za reqe me popokona toba ro ne. Osina basoero mana ria iri paqo bana go ia, do, tarina reṉa napu neso, osiqira basoero iri koego kolabana pua ne, tarina maqata mana dae va lavata sivala, ṉalu tarina reṉa paqale ia. Iato nae de tina za gogo.

Revaleson 2:23

Mana ria iri lulua go ia, era tuna vae vale lupo qira, go osiqira basoero na eklesia ne tarina rove, era qa rove lupo osina nanao ro ria mana pataro iri soko go. Era tuna teke vaule ne ia lepulepu i tora go kebu ro ia.

Revaleson 20:12

Mana qa mia qira vano iri le bana go, vano iri pala mazala mana vano volomo, iri lama degere tarakenaqana de kolokoloku ia Batu ne. Iri papaqa buka na too, mana iri papaqa napu buka i koego osina pataro iri zazu nego vano basoe ara too iri vaego. Valeke ne i zazu ne varitanae ia, lulua so pataro iri zazu nego basoero ne, ikoego loborona buka ne.