Matiu 16:19 - Vato Vari Vakameka Voru Ia Batu Ne

¹⁹ Era tuna teke nigo aro kii na Too de ikoego vari miasoka ia God, iago pata qoki vamao zego kaega aro vudu pua dena, God i vakaega napu ze tepa rani ne, mana pata qo va mao zego aro vudu pua dena, God tina vamao napu ze tepa rani ne.”

Matiu 16:19 ပူးပေါင်းရင်းမြစ်များ

Matiu 18:18

Ma sine ne qamu pata ogoto, pata qamuki vamao ze kaega ramu vudu pua dena, God iki vamao napu ze kaega rani ne, mana pata qamu vamao ze ramu vudu pua dena, God tina va mao napu ze tepa rani ne.

Tarama Velaka Ia Jesu Kristo I Karo Go Jon 20:23

Ṉalu ka basoe qamu nanao ule ne vasakata pataro ia, God tina nanao ule ne ia, mana God tiniki nanao ule ne kaega, basoe qamuki nanao ule nego kaega vasakata pata ro ia.”

Zazu Ria Apostoloro 15:7

Taramuzina iri vari vaevae lupo ne sekoro ria, Pita i degere, mana igo dena. “Onotoquro, ramu qamu rove ṉalu bana me God i vine ava era loboro qamu ramu go tuna tamana ne Tarama Velaka de iri koego vano iriki Jiu go kaega, go ria, do tarina vaogoto napua so go.

Karua Korinti 2:10

Ṉalu qamu nanao ule ne kaki basoe i zazu ne kaki pata i kebu go, era do qa nanao ule napu neso ia ṉalu tara kone kaki pata basoe nae, go qa mazala go nanao ule ne era, qa nanao ule bana ne ia, de koe tarakenaqana Kristo tanego i sauqamu ramu.

Kameka Tesalonika 4:8

Iago, basoe iki soko go kaega vari vatatana dena. Iki talukasa goe kaega iki soko kaega nanao na basoe, kaega! Basoe nae iki soko kaega nanao ia God ni teke ne qamu go Spirit tabo ia.

Revaleson 1:18

Era to, basoe qa too ogoto go, era to qa le bana go ninidena qa too, mana tuniki ara le napu kaega, doka to ṉalu gado kutona i kaega go. Era to qa pala go karaputa i sivala nego le, mana qa pala karaputa i sivala ne go komala ria vano le go.

Revaleson 11:6

Riru ne i ko ne qiru karaputa go tiruna kokoqua go nare go tiniki soru me kaega torana iru tarama nego seko ia God. Iko napu ne qiru so karaputa, iru mazala itana va parasa na besi sukasuka ro, iko napu ne qiru karaputa ṉalu iru soko go vakimate na soso sinaqe na pataro na vudu pua ne.

Revaleson 3:7

Ia i seko, igo napu dena, “Ono karo ne zaqe aqelo na eklesia na Piladelpia. Iato dena seko era, qa valeke tabo mana qa ogoto osina ṉalu, mana qa pala kii gere kii ia Davita, mana ṉalu qa papaqa go, i kaega ka basoe i mazala go kokoqu na, mana ṉalu qa kokoqua go, i kaega ka basoe tina papaqa go.

Revaleson 9:1

Gonae valima na aqelo ne i puqo kuvili ia. Ṉalu qa reṉa qa mia zaqe kameka domiri, i kasi ne rani ne i soru me vudu pua. Domiri dena iri teke ne ia kii na bolu na uṉaṉa ne.