Matiu 16:18 - Vato Vari Vakameka Voru Ia Batu Ne

¹⁸ Iago ma sine nigo Saimon ninidena vitoṉomu, Pita mana aro qo bakoso, mana popokona to bakoso nae era tuna va degere ze go zazu na eklesia era, go karaputa ia le ba kaki pata napu tiniki sivala ne kaega eklesia era.

Matiu 16:18 ပူးပေါင်းရင်းမြစ်များ

Matiu 10:2

Iato dena vitoṉo qira, manoga karua disipoloro ne, ke kenaqa, Saimon iri vitoṉo ze Pita, mana kaena ia Aduru, Jemisi mana Jon, karua sale ia Zebedi.

Matiu 11:23

Mana ramu basoero na Kapanaum, qamu nanao God na pala vapopoka qamu aqe rani ne? Kaega! God tina vanaqe qamu aqe nako ne. Zazu vari vapoloso ro i sadake go de qamu koego, tara vasadaka bana ne qira basoero na Sodom, qa nanao Sodom tara koso ninidena bago.

Matiu 18:17

Do ṉalu basoe nae iki toqe ne so kaega pataro iri sine nego ria ne, ṉalu nae, sine vasadaka ze de iri koego vano ne eklesia ne. Mana ṉalu ia iki toqe neso kaega gata na pataro iri sine go vano na eklesia ne, ono mia vagere ze to ia kaki basoe rodoko ba basoe palapala takisi go.

Matiu 4:18

Jesu i lama zazae rikisi masi Qalili i mia qiru karua tamakena Saimon kakia vitoṉona, Pita mana kaena vitoṉo na Aduru. Iru za gabe masi Qalili, tanego zazu riru vae iṉana so.

Matiu 7:24

Jesu igo napu dena, “Basoe i gata go seko ro era mana lulua igogo ne, i gere basoe i nanao tarove go. Basoe i nanao tarove go i zazu ze pade ia popokona ipaka go tina nadu pade ia.

Tarama Velaka Ia Jesu Kristo I Karo Go Jon 1:42

Gonae i lulu me Saimon de ikoego Jesu. Ṉalu Jesu i reṉa ne Saimon igo dena, “Aro vitoṉomu Saimon sale ia Jon, do vitoṉomu tina Kepas to ninidena.” Vitono dena i gere napua so Pita, talupasana bakoso.

Zazu Ria Apostoloro 2:47

Iri vazaka God, mana basoero ne iri kuia ne de igogo vatovato ria. Mana osina musaqara God i vazazao popoka topu qira basoero i vakavele qira go.

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Zazu Ria Apostoloro 8:1

Mana Sol i toqe ne vae vale na Sitivini. Torana musaqara ro nae eklesia i koe Jerusalema iri ko makuru, tanego basoero ne iri lete vasasakata ne qira, osiqira ria iri vaogote go Kristo ne iri soso tapero lupoe kena na Judia mana Samaria, do apostoloro ne so iri ko go.

Kameka Korinti 15:55

“Le, ade to karaputa qo kenaqa nego? Le, ade to karaputa aro go tono vari va vokara ne go na?”

Qalesia 2:9

Jemisi, Pita mana Jon to iri mimia gere go vano iri kenaqa ne go lotu, go iri mia rove go God iteke nava go era zazu mazala qa pala go dena, iato go iri sikani qaru raru Banabasi, ilalana raru qaru zazu kamekae go de iri koego. Ianae go remu qimu varitoqe ne raru Banabasi taruna zazue de iri koego vano iriki Jiu go kaega, mana ria tarina zazue de iri koego vano Jiu go.

Epesus 3:10

Do ninidena God i va zazua eklesia go tina vasadake go nanao velaka ro ia God, de iri koego aqeloro ne mana kero ne karaputa ro zakazaka ne.

Epesus 5:32

I lete lavata sivala to nanao pipika i sadaka mego loborona seko pipika dena, iago era qa mia rove ia i seko ne Kristo mana eklesia ia.

Kolosia 1:18

Iato i kuzuku na go tokamana eklesia ne, mana iato i kutamana eklesia ne go. Iato i sale podo kenaqa ia i too kenaqa me tepa le, go tanuna so ia tina pala go de koko kenaqa. Sivala ne qira kero ne pataro.

Kameka Timoti 3:15

Do ṉalu qaki garetu katikili kaega, qamu mazala toere na leta dena de go too velaka na ko tatamana ia God. Iato nae eklesia ia God i too osina ṉalu. Mana eklesia nae i pala taru vanadua seko ogoto, go kaega kakia tina vasakate go.

Kameka Timoti 3:5

Ṉalu go basoe nae iki rove velake kaega miasoka na ko tatamana ia, ava tina go tina miasoka go eklesia ia God.

Iburu 12:28

Ita mata seko velake God, tanego ita qata koe de ikoego vari miasoka ia God i makuru go vizu na. Sauna to ianae, ita mata seko velake God mana vazaka ze ia loborona zuka tina vakula go ia, loborona va tabo tabo mana vamazala go,

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Revaleson 21:14

Bari na komala lavata ne, i vakutama ne manoga karua ipaka lavata. Manoga karua ipaka dena iri karo ze vitoṉo qira manoga karua apostoloro ia Tunana Sipi ne.