Matiu 16:16 - Vato Vari Vakameka Voru Ia Batu Ne

¹⁶ Saimon Pita i vataule, “Aro qo Kristo, qo Tuna go God i too sivala go.”

Matiu 16:16 ပူးပေါင်းရင်းမြစ်များ

Matiu 1:16

mana Jekop tamana Josepo valeke ia Maria, mana Maria iva podo Jesu Kristo.

Matiu 14:33

Gonae disipoloro iri koego koluka ne iri vazaka Jesu. Iri go dena, “Pata ogoto bana, aro to qo Tuna go God!”

Matiu 16:15

Gonae Jesu i tana napu ne qira, “Do avigo ramu? Akena tane era qamu go?”

Matiu 26:63

Do Jesu i duduli so, gonae batu lavata ria patere ro ne i sine napu ne ia, “Qa odo odo nigoe to vitoṉona God i too osina ṉalu, ono sine me pata ogoto, avigo aro to qo Mesia ni Tuna go God?”

Matiu 27:54

batu ria vano varitara mana soldia ro iago iri mia tarua go Jesu, iri mia go nunu ne mana pataro i sadaka go, iri lete sareki mana iri go, “Valeke dena i Tuna ogoto bana to God!”

Matiu 4:3

Gonae Satana i lama pada ne Jesu, i sine ne, “Ṉalu aro qo Tuna God, mo sine ne qira i pakaro dena mara kavala go mara bureri.”

Maka 14:61

Do Jesu i duduli so mana iki sine so kaega kaki seko. Batu lavata patere i tana napu ne Jesu, “Aro to qo Tuna go God iko mego zaza zaka ne ba?”

Luka 2:11

Ninidena to tepa komala ia Davita, ia tina vakavele qamu i podo, iato Kristo Batu ne!

Tarama Velaka Ia Jesu Kristo I Karo Go Jon 1:49

Natanel i vataule, “Valeke vari vatatana, aro qo Tuna God! Aro to qo Batu lavata na Izirel.”

Tarama Velaka Ia Jesu Kristo I Karo Go Jon 11:27

Mata ivataule, igo, “Oveto Batu, qa vaogote aro qo Kristo mana Tuna go God, iato tina lamae go vudu pua dena.”

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Tarama Velaka Ia Jesu Kristo I Karo Go Jon 6:57

Mamae ni soso ne go too iki rove go kaega lupo, ia to i turi nava go era, mana era qa pala too tanego iato iteke nava go. I gere na napua so, ṉalu ka basoe i ge go tokamaqu era ne, ia tina pala too iki rove go kaega lupo, tanego era tuna teke ne ia.

Tarama Velaka Ia Jesu Kristo I Karo Go Jon 6:68

Saimon Pita i vataule igo, “Batu, akena to timuna zae go? Aro to qo toṉove go seko ikoego too iki rove go kaega lupo.

Tarama Velaka Ia Jesu Kristo I Karo Go Jon 6:69

Remu qi vaogote mana qi rove aro to qo tabo qo reqe mego de ikoego God.”

Zazu Ria Apostoloro 14:15

“Ramu, avigo tane qamu vele zazu ne go komakoma dena? Raru qaru basoe gere qamu so ramu! Raru qaru lama, go taruna sine vasadake Tarama Velaka ia God, go tamuna tarua go vazaka na pata volovolomo ro nae, mana vazaka God ni too sivala go, ni vazaria go rani, pua, masi, mana osina pataro ikoego loborona.

Zazu Ria Apostoloro 8:36

Loborona zaza iru vaego zuka ne, iru lama dokae de i koe kaki besi, valeke na Itiopi i sine ne Pilipi, “Besi to dena. Avana tane tinara va makuru ava go era go tuniki bapitema go kaega?” [

Zazu Ria Apostoloro 8:37

Pilipi i sine ne ia, “Ṉalu qo vaogote Jesu mana qo mamaligara ze ia osina puṉumu, qo mazala to bapitema,” valeke ne i vataule, “Era qa vaogote Jesu Kristo i Tuna God.”]

Zazu Ria Apostoloro 9:20

Iza totoloṉe so Pade Lotu ria vano Jiu, mana i tamana ne, Jesu i Tuna ogoto to God.

Leta Ia Pol I Karo Ne Qira Basoero Na Rom 1:4

Too totoloṉo, mana too tabo ia i vasadaka me karaputa ia Tuna ogoto God, go i too napu mego tepa le ne.

Karua Korinti 1:19

Era, Saelas mana Timoti, qi tarama ne Jesu Kristo i Tuna God, ia iki sine kaega ‘Ove’ mana ‘Kaega’, ba iane osina ṉalu i sine ‘Ove’ de ikoego God.

Karua Korinti 3:3

I lete tatavata bana so, Kristo i karo bana leta dena mana remu to qi pala valama ze leta dena de qamu koego ramu. Iki karo ze kaega ink ba ipaka, do i karo za Spirit ia God i too go, mana loborona nogonogotona puṉuna basoe go.

Karua Korinti 6:16

Pade Lotu ia God i makuru tina vakameka ne pade manumanuru, tanego ita to qata Pade Lotu ia God! Gerena God tanuna i sine, “Era na zazu ze komala era, de iri koego basobasoero era mana tuna ko tavisi qira. Era tuna God ria mana ria tarina basobasoero era go.”

Kameka Tesalonika 1:9

Tanego basoero dena iri sine lupo bana so ria osina pata i sadake go, ṉalu remu qimu lama tove qamu go ramu mana de igogo qamu vana ne go vazaka na beku ro ne mana qamu lama basoe zazu ia God, i too osina ṉalu topu ro ne.

Kameka Timoti 3:15

Do ṉalu qaki garetu katikili kaega, qamu mazala toere na leta dena de go too velaka na ko tatamana ia God. Iato nae eklesia ia God i too osina ṉalu. Mana eklesia nae i pala taru vanadua seko ogoto, go kaega kakia tina vasakate go.

Kameka Timoti 4:10

Ita qata zazu vokara taru so, tanego qata vaogote God i too. Iato i mazala go vakavele qira osiqira basoero ne, mana tina vakavele qita ita qata vaogote go iago.

Iburu 10:31

I kaki pata i lete vari vasareki sakata basoe tina soru za go karisina God i too sivala go.

Iburu 12:22

Do ramu, qamu doka banae to kubolo Zaion, mana komala lavata ia God i too go, Jerusalema ikoego rani ne, de iri koego mao ria aqeloro.

Iburu 3:12

Vakitaka ro era loborona lotu, muna miasoka niki go kakia ramu niki sakata nanao na mana vaogoto ia niki pela mana zaza kakavata ne God i ko osina ṉalu topu ro ne.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Kameka Jon 4:15

Basoe i sine vasadake go Jesu i Tuna God igogo, God i too e go loborona too ia basoe nae, mana basoe nae ne ikoe loborona God go.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Kameka Jon 5:5

Iago, akena to i mazala go vasivala nena vatovato sakatana vudu pua dena? Tanuqira to ria iri vaogote go Jesu i Tuna ogoto go God iri mazala go.

Revaleson 7:2

Mana qa mia napua kakia aqelo i za popoka me tepa keba na saṉa ne, aqelo nae i pala me lala ria basoero ia God ni teke ne qira go too. Aqelo ne i koru valavata qira qe ria kavasi aqelo ni teke ne qira go God karaputa go tarina vasakate go vudu pua mana masi lavata go.