Matiu 15:11 - Vato Vari Vakameka Voru Ia Batu Ne

¹¹ Patagege i keba zago saqe na basoe ne iki mazala kaega nava poṉo go basoe ne, do seko i siporo ego saqe ne tane i mazala go va poṉo go basoe ne.”

Matiu 15:11 ပူးပေါင်းရင်းမြစ်များ

Matiu 15:10

Gonae Jesu i koru qira basoero ne, go mara ria ziki za de i koego, mana i sine ne qira, “Muna vavaroṉo velaka go tamuna nanao rove go!

Matiu 15:12

Gonae ria disipoloro ia, iri lama mana sine ne ia, “Vano Parisio ne iri gata pataro qo sine go aro, iri lete maqata.”

Maka 7:15

Pataro i reqe go tepa peka dena mana keba za loborona basoe gogo ne, iki vakore kaega basoe. Do pataro i reqe me loborona basoe mana siporo me peka dena, tane ivakore go basoe.

Leta Ia Pol I Karo Ne Qira Basoero Na Rom 14:14

Era loborona ko kameka era de ikoe go Batu ita Jesu, ivarove zave kaega kaki pata gege isakata go. Do ṉalu kaki basoe i vaogote kakiaro pata gege iki dalo go kaega, igogo nanao na ne, pata gege nae mara kasi gena to.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 14:20

Kasi vasakata zena zazu ia God sauna pata gege qata ge go. Tanego osina pata gege ro ne iri velaka lupo so. Do i sakata ṉalu qamu gego pata tina vasoru qamue go vasakata pata.

Kameka Timoti 4:3

Basoero dena iri vari vatatana ne, busi itabo iri go, mana niki poro ge topu ado na pata gege go. Do God i vazaria go pata gege go tatana ge go. Ita qata vaogote go God, mana qata rove seko ogoto ne, qata mazala seko velaka zaqe God sauna osina pata gege ne, mana qata mazala so ge na go.

Taetusi 1:15

Basoe i velaka go nanao na, i rove osina pata i velaka mana i tora vazazu na go. Do basoe iki velaka go kaega nanao na, mana iki vaogote kaega God, i rove osina pata iki velaka kaega. Iago basoe nae ne, nanao na mana vatovato ia gogo ne i sakata lupo bana to.

Iburu 13:9

Niki vamao ne varivatatana poqepoqe ro, niki pala va riro qamue zuka totoloṉo ne. I pata velaka Mana ia God qata koego i teke ne karaputa velaka puṉuqita, iato dena pata i tavisi ne qita, tanego lulu na tamana na patagege na ge go ba pata gege niki ge go kaega, iki tavisi so kaega.

Karua Pita 2:18

Iri zazu ne seko vazakanapu mana vari va bulaṉoi. Iri vaqalo qira basoero go mara va zazua nanao sakata, visara na tokama qira, go ia mara vasoru qira basoero iri ara vatupiana ne go vana nena too sakata ro ria ne, iri go.