Matiu 13:40 - Vato Vari Vakameka Voru Ia Batu Ne

⁴⁰ De go tarina pala go seuseu sakata mana subi zaqe nako ne go, ianae tina gere napua so pata tina sadaka go musaqara muzimuzi.

Matiu 13:40 ပူးပေါင်းရင်းမြစ်များ

Matiu 12:32

Mana ka basoe i seko sakata va era Tuna basoe, God i mazala nanao ule ne ia. Do ka basoe i seko sakate zazu ia Spirit tabo, God iki mazala to kaega nanao ule ne ia, pasi ninidena ba ṉalu iara ko mego.”

Matiu 13:22

Paturu ro iri soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne iki ure kaega de iri koego.

Matiu 13:39

Mana basoe vari kanae i leba go seuseu sakata ne, Satana. Ṉalu vuiti i ṉara go, iato ṉalu musaqara muzimuzi, mana vano tarina vaego urena vuiti ne ria to aqeloro ne.

Matiu 13:49

Tina gere to vapadapada dena ṉalu musaqara muzimuzi ne, ria aqelo ro ia God tarina lama vota vakuziki ne qira basoero sakata de iri koego basoero velaka ro ne,

Matiu 24:3

Taramuzina ṉalu nae Jesu i na koloku e Kubolo na Olivi, gonae disipoloro ia iri lama mia vamikia ia, iri go, “Sine ne qemu, ava ṉalu tane tina sadaka go patoro igogo ne? Mana ava lalana tina sadaka go, go tina vasadake i doka to ṉalu aro tono lama mana vudu pua dena tina lupo go.”

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Kameka Korinti 10:11

Osina pataro dena i dokae de iri koego kazigarataro ita, go mara vasadake vapadapada de iri koe kero ne basoero, mana iri karo bana gerena kameka vabanabana de qata koego ita. Tanego ita qata too ninidena, qata garogaro za to lupolupo na vudu pua.

Iburu 9:26

Ṉalu ia tara zazu ne topu na ṉalu, ia tara pala vokara topuna ṉalu tupi me ṉalu God i vazaria go kolabana pua ne, doka ninidena go, do kaega, ia i lamae de qata koe ita kameka so ṉalu, torana de vudu pua i vele lupo go. I teke ne too ia de i koego God gerena kaki komakoma sauna vatalupase na vasakata pata ria basoero ne.