Matiu 13:38 - Vato Vari Vakameka Voru Ia Batu Ne

³⁸ Barue ne iato kolabana pua ne, paturu velaka ne ria to basoero na Too ikoego vari miasoka ia God. Seuseu sakata ne ria to basoero iri lulua go Satana.

Matiu 13:38 ပူးပေါင်းရင်းမြစ်များ

Matiu 13:19

Ria iri gata go tarama na Too ikoego vari miasoka ia God, do iriki nanao rove kaega, iri gere to paturu i soru ego zuka ne, i lama Satana mana i lama pala vakuziki ne ze puṉuqira.

Matiu 24:14

Mana Tarama Velaka na Too ikoego vari miasoka ia God, tarina sine vasadaka ze kolabana pua ne, go osina basoero tarina gata. Mana taramuzina tina dokae to lupo na vudu pua dena.”

Matiu 5:37

pata mo sine ‘O’ ba ‘kaega’ ṉalu qo sine napua kaki pata kakavata, ianae i reqe me dekoe manuru sakata.”

Matiu 8:12

Do basoero ivine bana qira go God tarina koego Too ikoego vari miasoka ia ne, ria nae to God tina kale vasiporo napu qira qe de i rodoko go. Dego tarina za dae mana vari kizaka ne saqe qira go.”

Luka 24:47

Mana loborona vitoṉo na ia, seko na nanao maqata na vasakata pata ro, mana nanao ule na vasakata pata gogo ne, tina vari vatatana ze osina dia kolabana pua ne, tina tupi e Jerusalema.

Tarama Velaka Ia Jesu Kristo I Karo Go Jon 12:24

Ma sine ne qamu pata ogoto, ṉalu paturu na sila i ṉara mana i sorue pua gogo ne paturu nae, tina podo me mana urena na ne tina lete topu go. Do ṉalu paturu nae ki leqese kaega, paturu nae tina koso tanuna.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Zazu Ria Apostoloro 13:10

mana igo dena, “Aro qo sale ia manuru! Aro to qo kana ne go osina pata velaka ro ne. Puṉumu i purake osina pata tatakiu sakata, mana osina ṉalu qo pada ne vapoqe na seko ogoto ia Batu ne.

Leta Ia Pol I Karo Ne Qira Basoero Na Rom 10:18

Do era qa tana napu, avigo, i ogoto tane ria iriki gata bana go kaega tarama dena? Kaega! Iri gata bana to, gerena i sine go Buka tabo ne, “Seko ria i za banae to osina basoero na vudu pua. Mana i za dokae to valupolupona vudu pua go.”

Leta Ia Pol I Karo Ne Qira Basoero Na Rom 16:26

Do ninidena ogoto nae i sadaka me to loborona koru ria propetaro ne, mana seko ia God i too go osina ṉalu topu ro ne, i sadaka e to osina dia kolabana vudu pua go osina basoero ne tarina vaogote God mana lulua iago.

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Kolosia 1:6

Tarama Velaka i valame tarua makaolo mana i zadavae kolabana pua ne, gere na so de igogo lama doka kenaga i vae go de gamu koego. Ramu, qamu gata go de igogo Mana ia God, mana gamu rove go pata i ogoto go.

Jemisi 1:18

Vatovato ia tanuna i valame ne qita ita seko ogotona too, mana go ita tatana ko kenaqa ne qira osina pataro i vazaria go.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Kameka Pita 1:23

Tanego seko ia God i too mana i dokae ka ṉalu gado kutona i kaega, iago ramu qamuki podo napue kaega tamaqamu ikoego vudu pua dena, do qamu podo e de ikoego Tamaqamu i too sivala go.

Kameka Jon 3:2

Ramu turaquro, ita qata salero ia to God nini dena, do iara kaebo sadaka vavelaka me de tina gogo tatali qita kene ṉalu. Do ita qata rove Kristo tina za lama napu, ita tatana reṉa ne ia mana ita tatana gere to iago.

Revaleson 14:6

Gonae qa reṉa napu ne zaqe kameka aqelo, i bauku e zakazaka sivala na varioka ne. I pala seko na Tarama Velaka i too gado kutona i kaega, i zae de iri koego vano na vudu pua ne, de iri koego soso adoado na basoero, soso sinaqe ro, soso seko ro mana vuduvudu ro go.