Matiu 13:37 - Vato Vari Vakameka Voru Ia Batu Ne

³⁷ Jesu i vataule ne qira igo, “Basoe i leba go paturu velaka ne iato era Tuna basoe.

Matiu 13:37 ပူးပေါင်းရင်းမြစ်များ

Matiu 10:40

Jesu i sine napua igo, “Ka basoe i va kapo velaka ne qamu go, i vakapo velaka napu nava era go, mana basoe i vakapo velaka nava era, i vakapo velaka napu ne Mamae ni turi nava go.

Matiu 13:24

Jesu i sine napu ne qira kakia seko vapadapada, “Too ikoego vari miasoka ia God i gere ṉalu kaki valeke i leba ze paturu velaka na vuiti loborona barue ia.

Matiu 13:27

Vano zazu ro ia batu na barue ne, iri lama mana sine ne ia, ‘Batu, paturu velaka so qo leba zego barue aro, do adetepa tane i reqe mego seuseu sakata ro na?’

Matiu 13:4

ṉalu ia i za repene go paturu ro ia loborona barue ne, kakiaro iri soru e zuka ne, gonae pale ro iri lama mana ge lupo go.

Matiu 13:41

Era Tuna basoe tuna turine qira aqelo ro era tarina za pala vakuziki ne osiqira vano iri va soru qirae vasakata pata kero ne basoero, mana basoero i sakata go too ria. Tarina pala vakuziki ne qirae basoero dena, de ikoego Too vari miasoka ia God.

Matiu 8:20

Jesu i sine ne ia, “Sika piru ro i ko de kamukamu ria mana pale ro i ko kubasa ria, do Tuna Basoe i kaega kade tina zakoe go tina ziṉo velake go.”

Luka 10:16

Jesu i sine ne qira disipoloro ia, “Ka basoe igata qamu ramu, i gatava era. Ka basoe iki soko qamu kaega ramu, iki soko ava kaega era. Mana ka basoe iki soko ava kaega era, iki soko kaega ia ituri nava me era.”

Tarama Velaka Ia Jesu Kristo I Karo Go Jon 13:20

Masine ne qamu pata ogoto, basoe i vavelaka ne ia qa turi ne go era, i vavelaka napu nava era go. Mana basoe i vavelaka nava era, i vavelaka napu neso ia ni turi nava go era go.”

Tarama Velaka Ia Jesu Kristo I Karo Go Jon 20:21

Gonae Jesu i sine napu ne qira, “Dalo ina kotavisi qamu. Era qa turine qamu ramu, gerena so Mamae ni turi nava go era”.

Zazu Ria Apostoloro 1:8

Do ṉalu Spirit tabo tina lamae de qamu koego ramu, ramu tamuna toṉove moqere ia, mana tamuna tarama ne sauqu era loborona komala lavata Jerusalema mana osina dia kena ro Judia, Samaria, mana osina dia kolabana pua ne.”

Leta Ia Pol I Karo Ne Qira Basoero Na Rom 15:18

Do tuna seko vakaraputa ne so sauna pata izazu nave go Kristo, go tuna kenaqa ne qira vano iriki Jiu go kaega go tarina vaogote go God. Ia izazu ne ze pataro dena loborona to karaputa na soko ro era mana zazu qa zazu ne go era go.

Iburu 1:1

Ṉalu bana ne, God i seko tabe qira vano ṉalu bana ro ita topu na ṉalu, loborona topu na dia de iri koego propeta ro ne.

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.