Matiu 13:22 - Vato Vari Vakameka Voru Ia Batu Ne

²² Paturu ro iri soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne iki ure kaega de iri koego.

Matiu 13:22 ပူးပေါင်းရင်းမြစ်များ

Matiu 12:32

Mana ka basoe i seko sakata va era Tuna basoe, God i mazala nanao ule ne ia. Do ka basoe i seko sakate zazu ia Spirit tabo, God iki mazala to kaega nanao ule ne ia, pasi ninidena ba ṉalu iara ko mego.”

Matiu 13:39

Mana basoe vari kanae i leba go seuseu sakata ne, Satana. Ṉalu vuiti i ṉara go, iato ṉalu musaqara muzimuzi, mana vano tarina vaego urena vuiti ne ria to aqeloro ne.

Matiu 13:40

De go tarina pala go seuseu sakata mana subi zaqe nako ne go, ianae tina gere napua so pata tina sadaka go musaqara muzimuzi.

Matiu 13:7

Kakiaro paturu iri soru e de ikoego qolo paqo ro, iago ṉalu qolo paqo ro ne iri podo me iri pipisi vale lupo qira so.

Luka 12:15

Gonae i sine ne qira, “Muna miasoka ze de qamu koe sauna palana topuna pata. Tanego too ogoto ia basoe iki lulua kaega pataro i toṉove go. Pata volomo i toṉove go topuna pata.”

Luka 12:21

Mana valupo lupona Jesu igo, “Iato nae de tina gogo basoe i teṉo ne go vavagado ia tanuna. Do tepa ia God, i kaega neso kaki vavagado ia.”

Luka 21:34

Muna miasoka tanuqamu mana kasi va riqo zena kelo lavata ro, ba ge loka, mana poro nanao na too na ninidena, niki go musaqara igogo ne niki lama pala va poloso qamu.

Luka 8:14

Paturu ro i soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne, iki ure kaega de iri koego.

Zazu Ria Apostoloro 8:18

I mia igo Saimon vano iri vaogoto go, iri toṉove go Spirit tabo ne ṉalu Pita mana Jon iru va kapata ze karisiqiru de iri koego basoero ne, ia i soko mara teke ne qiru kesa Pita mana Jon

Leta Ia Pol I Karo Ne Qira Basoero Na Rom 12:2

Kasi vamao ne na too ramu mara lulua go vatotovato na vudu pua dena. Do muna vamao ne God, go mara kavele nanao qamu. Iato nae go ramu tamuna mazala go mia rove na pata ni soko go God, mana go tamunara rove go pata velaka ni va kula go God.

Kameka Korinti 1:20

Iago, ade iri koe tane vano tarove go? Ba vano tarove ne tamana? Ba vano iri karaputa ne vari valegu na seko? God i vatatavata bana, tarove na kolabana pua dena i kaki pata vari vaqoqo.

Kameka Korinti 2:6

I ogoto era qa tarama ne tarove de iri koego vano iri kazigarata go mana i karaputa go vaogoto ria. Do iki tarove na kaega kolabana pua dena, ba tarove ria vano iri kenaqa ne go kolobana pua dena, batu ro nae karaputa ria tina i za qoqoro so.

Kameka Korinti 2:8

Kaega kaki ria vano kenakenaqana kolabana pua dena, iri rove go tarove dena. Ṉalu go tara ria rove go, ria tariki paqipaqi ze kaega koluse Batu na rani ne.

Kameka Korinti 3:18

Kaega ka basoe mara va bulaṉoe tanuna, ṉalu kaki basoe i nanao, i tarove ne patana ro pua dena, ia tina vana lupo ne tarove ia, mana vaqoqore tanuna go tina pala tarove igogo ne.

Karua Korinti 4:4

Ria ne iriki vaogote kaega Tarama Velaka ne, tanego Satana, god sakata na kolabana pua de, i lete va kodo qira. Iriki miasoba kaega tatavata i damara poka qira go, tatavata dena i vazazao go Tarama Velaka na tatavata mazala ia Kristo, ia i gere napua so God.

Qalesia 1:4

Kristo iteke ne tanuna tina le ne sauna vasakata pata ro ita, go ita mata talukase too sakata na pua dena. Loborona vatovato dena to i lulua go soko ia God Tamaqita.

Epesus 2:2

Ṉalu nae ramu qamu lulua vatovato sakata na vudu pua, mana qamu lulua Satana, i batu lavata ria manuru na ro varioka ne. Mana iato i kenaqa ne qira go basoero iri legulegua go God.

Kameka Timoti 6:17

Sine ne qira basoero iri vavagado ne patana ro too ninidena, mara kasi vazakanapu ne, mana taru ze ruruqe ria go, tanego i mazala so za kaega ba lupo go. Do mara vanadu ze nanao ria de ikoego God, iato tina teke ne qita pata velaka ro, go tatana ko kulakula go.

Karua Timoti 4:10

Qa rove Demas, ia i kasi nava era, tanego i lete mamaligara ne patana ro vudu pua dena, mana i za banae to Tesalonika go. Kresen i za banae to Qalesia mana Taetusi i za bana to Dalmatia go.