Matiu 13:19 - Vato Vari Vakameka Voru Ia Batu Ne

¹⁹ Ria iri gata go tarama na Too ikoego vari miasoka ia God, do iriki nanao rove kaega, iri gere to paturu i soru ego zuka ne, i lama Satana mana i lama pala vakuziki ne ze puṉuqira.

Matiu 13:19 ပူးပေါင်းရင်းမြစ်များ

Matiu 12:26

Igere napua so, ṉalu basoero iri koego vari miasoka ia Satana iri tavota mana varitara napu tanuqira, gogo ne, iri vasadake iri tavota bana to, mana vari miasoka ia tiniki loda kaega go.

Matiu 13:20

Paturu i soru ego pua i koe ipaka polana me, igere to basoero iri kula katikili ne ṉalu iri gata go seko ia God.

Matiu 13:38

Barue ne iato kolabana pua ne, paturu velaka ne ria to basoero na Too ikoego vari miasoka ia God. Seuseu sakata ne ria to basoero iri lulua go Satana.

Matiu 4:23

Jesu igoe lupoe osina dia tepa kena Qalili. Iza e loborona Pade Lotu ria vano Jiu i vari vatatana mana i tamana qira basoero ne. I tamana qirae dego velaka ia God mana iva velaka lupo qira osiqira vano i pala qira soso mokoso rone.

Matiu 5:37

pata mo sine ‘O’ ba ‘kaega’ ṉalu qo sine napua kaki pata kakavata, ianae i reqe me dekoe manuru sakata.”

Maka 4:15

Paturu ro iri sorue go zuka ne iri gere qira to basoero iri gata go seko ia God, do kameka lama so Satana pala vakuziki ne ze so nanao qira ne igo,

Luka 10:9

Muna va tavoesi qira basoero iri mokosoe go komala nae mana muna sine ne qira, ‘Too ikoego vari miasoka ia God i lama garogaro qamu ramu.’

Luka 9:2

Go nae ia i turine qira tarina za mana za vatatavata ne qira basoero ne, de go zazao na Too de ikoego vari miasoka ia God, mana za va velaka qira basoero i pala qira go soso mokoso ro ria go.

Tarama Velaka Ia Jesu Kristo I Karo Go Jon 18:38

Pilato i tana napu, “Avana tane i pata ogoto go?” Gonae Pilato i siporo napu me de iri koego vano Jiu mana i sine ne qira, igo, “Era qaki soba ze kaega kaki pata sakata de ikoego valeke dena.

Tarama Velaka Ia Jesu Kristo I Karo Go Jon 8:43

Avigo tane qamuki nanao rove go kaega pataro qa sine ne qamu go na? Ianae ne i sadaka, tanego ramu qamuki soko kaega gatana vari vatatana era.

Zazu Ria Apostoloro 17:32

Ṉalu ria iri gata go Pol i sine go sauna kameka basoe itoo napu mego tepa le ne, kakia ro ria iri vakari ne ia. Do kakia ro iri go, “Remu qimu soko go aro ono sine napu ne qemu sauna pata dena.”

Zazu Ria Apostoloro 18:15

Do ia dena qamu vari valegu neso seko, vitoṉo, mana tamana ro ramu, ianae i tora so tanuqamu vatotoloṉe, era tuniki zazu ne kaega vivine sauna vatotoloṉe na, pataro nae!”

Zazu Ria Apostoloro 20:25

“Era qa go lupoe de gamu koego, qa tarama ne de igogo vari miasoka ia God, mana ninidena qa rove, kaega kakia ramu basoero dena tamunara mia va era.

Zazu Ria Apostoloro 28:23

Iago iri pui ne ṉalu Pol, mana ṉalu nae topu ria basoero iri lama teṉo e de ikoego Pol. Tupi sarusaruku go doka so raravi, Pol i sine vatalupasa ne qira de igogo tarama na Too ikoego vari miasoka ia God, mana i pada ne va rove qira e pataro i sine ne qira go sauna Jesu, i pata ogoto, i pala kavia seko Tamana ro ia Mosese mana karo iri karo go propeta ro, go tarina vaogote mana tarina ruruqe go God go.

Leta Ia Pol I Karo Ne Qira Basoero Na Rom 1:28

Tanego basoero ro iri kasi qira soti ze na nanao ria sauna rove velake na God. Iago, God i taru qira go mara ria lulua to vatovato sakata ro iri zazu nego, mana iri zazu ne to pata ro iki tora go kaega zazu nena.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Leta Ia Pol I Karo Ne Qira Basoero Na Rom 2:8

Ba ria basoero iri soko so zazu ne na pata iri soko go zazu ne na tanuqira mana iriki soko kaega pata velaka do, iri lulua so pata sakata ro, God tina lete muma ne qira mana vakimata qira go.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Karua Tesalonika 2:12

Ureṉa vatovato nae, osiqira basoero iri ki lulua go kaega seko ogoto ia Jesu Kristo, mana iri kula ne luluna vatovato sakata gogo ne, God tina tulaṉa vale ne qira.

Iburu 2:1

Iato dena to kutamana, iago ita mata pala taru vanadua ogotona pata qata gata go, go tataniki zaza kakavata go kaega.

Kameka Jon 3:12

Iago ita mata kasi gerena Keni i sale iago Satana, go ni vaevale napua go kaena ogoto Ebolo. Iago avigo tane Keni i vae vale go kaena? Tanego vatovato ia i zazu ne go i sakata iki totoloṉo kaega, do vatovato ia kaena i totoloṉo.

Kameka Jon 5:18

Qata rove salero ia God iriki zazu taru ne kaega vasakata pata, tanego Sale ia God i miasoka taru qira so, go ia Satana tiniki vasakata qira kaega.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.