Matiu 13:11 - Vato Vari Vakameka Voru Ia Batu Ne

¹¹ Jesu i vataule ne qira, “De qamu koego ramu God i papaqa bana nanao qamu go tamuna rove pata pipika na Too ikoego vari miasoka ia God, ba de iri koego basoero nae God iki papaqa ne qira kaega.

Matiu 13:11 ပူးပေါင်းရင်းမြစ်များ

Matiu 13:10

Gonae disipoloro ia iri lama tana ne Jesu, “Avigo tane qo vazazua go seko vapadapada ṉalu qo seko e go de iri koego basoero ne?”

Matiu 16:17

Jesu i vataule ne ia, “Saimon tuna Jon, kula sivala de qo koego aro. Kaega ka basoe na vudu pua dena i va rove zigoe aro, tarove ogoto nae, do Mamae i koe rani ne tane i teke vatotoloṉo nigo aro.

Matiu 19:11

Do Jesu ivataule ne qira, “Vari vatatana dena iki ke ria kaega osiqira basoero tarina lulua go, do i ke ria so basoero i vine bana qirae go God.

Matiu 20:23

Jesu i sine ne qiru, “Pata ogoto raburu taburu na besi napua so kapu era. Do vine na kaki tina koloku e go tepa matauqu ba tepa gede qu gogo ne, iki era kaega tuna vine go. Mamae so tina teke ne qira de koko igogo ne, de iri koego basoero ivine bana qira tanuna.”

Maka 10:40

Do kolokue na tepa matauqu mana tepa gedequ ne, iki era kaega tuna vine go, do God iko nego velaka go tina teke ne go kolokoloko nae basoero ni vine bana ne qira go.”

Maka 4:11

Jesu i vane qira dena, “God iteke bana ne qamu ramu pataro iko pipika mego de ikoego too vari miasoka ia, go tamuna rove go. Do ria kero ne basoero iri ara kaebo keba mego, tarina gata zeso seko vapadapada.

Luka 8:10

Jesu iva taule ne qira igo, “God iva malumu ne qamu tamuna rove go pata pupuika mana pata ogoto na de ikoego vari miasoka ia God, ba de iri koego basoero ne, era qa sine go vapadapada dena, go tarina mia, do tariniki mia rove kaega, tarina gata, do tariniki gata rove kaega.”

Tarama Velaka Ia Jesu Kristo I Karo Go Jon 6:65

Iato go qa sine go, “Kaega ka basoe i mazala go lulua va era, ṉalu Mamae iki vamao ne go kaega ia.”

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Zazu Ria Apostoloro 16:14

Kaki kameka ria, i gata go seko remu, vitoṉona Lidia, i reqe me Taetira, qole dena i volivoli ne poga qore i lete voli makuru go, ia i vazaka God, mana Batu ne i papaqa nanao na ia, go tina vavaroṉo no velaka ne pataro i sine go Pol.

Leta Ia Pol I Karo Ne Qira Basoero Na Rom 11:25

Turaquro, qa soko varove qamue ramu, kameka pata pipika dena, go tina tavisi ne go nanao qamu. Sauna iri ki soko go kaega, gata na pata vano Izirel nae ne, tina zaza so, go tina ko za doka so ṉalu vano iriki Jiu kaega, ni vine bana qira go God tarina lamae go de ikoego.

Leta Ia Pol I Karo Ne Qira Basoero Na Rom 16:25

Mata vazaka God! Iato imazala go vanaduna vaogoto, go tamuna lulua go Tarama Velaka qa tamana qamue go era. Sauna Jesu Kristo, iago, Tarama Velaka dena to ivasadaka va velaka me ze go God seko igoto i pipika bana mego ṉalu bana ne.

Kameka Korinti 13:2

Ṉalu tara ko nava karaputa go na sine vasadake seko ia God, ba tu lete tarove mana tu nanao rove osina pata pupuika, mana tu toṉove osina vaogoto go tu vazikia kubolo ro, do ṉalu qaki mamaligara ne qira kaega basoero ne, era qa patavolomo so.

Kameka Korinti 15:51

Gata! Seko ogoto dena, i pipika bana ne qamu, igo, osiqita tataniki le kaega, do ṉalu kuvili muzimuzi tina naki me, ita tatana katikili kavala gere so katikili na kapurena mata ne. Ṉalu kuvili tina naki me, vano iri le bana tarina too napu me, mana tariniki ara le kaega go, mana osiqita tatana kavala lupo.

Kameka Korinti 2:14

Ka basoe iki toṉove go kaega Spirit tabo, i makuru tina pala go sosovolomo ia Spirit ia God. Basoe igogo nae, iki rove bana so kaega kapata mana iki nanao rove napua so kaega Spirit tabo go. Tanego Spirit tabo nae to tina mazala go tavisi ne qita go ita, go tatana mia rove go sosovolomo ro ia.

Kameka Korinti 2:7

Tarove qa tarama ne era i tarove ia God ni ko vapipika go, i ko pipika ne qira basoero. Do tarakenaqa na God iara kaebo vazari na kolabana pua ne, seko tarove ia dena i taru bana ne qita so, iato zuka nigogo ne qata mazala go doke na de koe God tepa rani ne.

Kameka Korinti 4:1

Ramu muna nanao rove remu qi vano zazu ia Kristo, qi sine vasadake seko ogoto ia God iki sadaka bana go kaega.

Kameka Korinti 4:7

Akena tane i vine qamu ramu, qamu mazala sivala qira kero ne basoero ne na? Osina pata qamu toṉove go nae, God so i teke ne qamu. Iago avigo tane qamu vazakanapu nego, i gere pata qamu vazaria go tanuqamu.

Epesus 1:18

Qa pene God go mara papaqa nanao qamu go ramu muna mia tatavata ia, go ramu tamuna rove go ruruqe ikoru qamue tamuna pala go taramuzi na. Go tamuna mia rove go pata velaka sivala ro i pui ne qamu go ramu basoero ia ne.

Epesus 1:9

Tanego iva voto pata inanao bana mego mana i vasadaka ne qita nanao pipika ro ia itaru bana mego, mana i valupo ze de ikoego Kristo.

Epesus 5:32

I lete lavata sivala to nanao pipika i sadaka mego loborona seko pipika dena, iago era qa mia rove ia i seko ne Kristo mana eklesia ia.

Epesus 6:19

Mana muna pene napu nava era go God mara teke nava pata tuna sine go ṉalu na vanama ne go seko, go era tuna seko vakaraputa mana vasadaka vavelaka seko pipika ogotona Tarama Velaka ne.

Kolosia 2:2

Qa zazu ne iadena go tina ko ne qamu karaputa mana vari kameka loborona vari mamaligarae, sauna pataro dena ramu tina ko ne qamu nanao nadu, mana tamuna rove va velake, loborona to zuka dena ramu tamuna rove pata i pika go God, iato Kristo tanuna.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Kameka Timoti 3:9

Mara vanadua vaogoto i ko bana me, mana kasi ara karua nanao go.

Jemisi 1:5

Do ṉalu kakia ramu ikaega ne go tarove, ia mara pene God, mana God ina teke ne ia, tanego soso ia ilete velaka sivala me de ikoego basoero topu.

Kameka Jon 2:20

Do ramu ne Kristo i zele bana qamue Spirit tabo, go tamuna rove pata ogoto.

Kameka Jon 2:27

Do ramu Kristo i teke bana qamu Spirit tabo. Mana Spirit tabo nae i ko tarue loboro qamu, iago qamuki ara taqia kaega kaki vari vatatana napu. Tanego Spirit tabo nae to iva tatana qamue go osina pata. Iago osina pata i vatatana qamue go i pata ogoto, iki poqe kaega, iago nuna ko vanadue loborona vari vakameka ia Kristo, gerena i vatatana qamue go Spirit tabo.