Matiu 12:50 - Vato Vari Vakameka Voru Ia Batu Ne

⁵⁰ Ka basoe i zazu ne pata i soko go Mamae ikoego rani ne, basoe nae to i kanae, i vavaniqu, mana i kaequ go era.”

Matiu 12:50 ပူးပေါင်းရင်းမြစ်များ

Matiu 12:49

Gonae i susuku qira disipoloro ia mana igo de, “Mia! Ria to de kanae ro, mana kaequ ro go!

Matiu 13:1

Kameka musaqara na so nae Jesu i kasi ne pade ne mana iza kolokue rikisina na masi pipika mana i vatatana qira basoero ne.

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Matiu 25:40

Era tuna vataule ne qira, ‘Masine ne qamu pata ogoto, ṉalu qamu zazu ne ze pataro dena, de ikoe kakia basoero era iri mimia volomo go, igerena so qamu zazu ne zeto deqa koego era go!’

Matiu 25:45

Era tuna vataule ne qira, ‘Masine ne qamu pata ogoto, ṉalu qamu kasi go tavisi ne qira basoero era iri mimia volomo gogo dena, i gere napuna so qamu kasi tavisi nava era.’

Matiu 28:10

Jesu i sine ne qiru, “Kasi sareki, za mana sine ne qira vakitaka ro era mara ria zae Qalili, de go tarina garetu mia vego era.”

Maka 3:35

Basoe izazu ne to pata isoko go God tarina kanae ro, kaequro mana vavaniqu ro go.”

Luka 8:21

Do Jesu i vane qira dena, “Kanae mana kaequ ro go, ria iri gata go seko ia God mana iri va zazua go.”

Tarama Velaka Ia Jesu Kristo I Karo Go Jon 15:14

Ramu to qamu vakitaka ro era, ṉalu qamu zazu nego pata ro qa sine ne qamu go era.

Tarama Velaka Ia Jesu Kristo I Karo Go Jon 20:17

Jesu i sine ne ia, “Oniki siba va, tanego qara kaebo ule za na de ikoego Mamae. Do ono zae de iri koego vakitaka ro era mana sine ne qira, era tuna ule za de koe Mamae iato i Tamaqamu, mana i God era, iato i God ramu go.”

Tarama Velaka Ia Jesu Kristo I Karo Go Jon 6:29

Jesu i vataule ne qira, “Pata i soko God ne, muna vaogoto ava era, tanego God i turi nava go era.”

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Zazu Ria Apostoloro 17:30

Ṉalu basoe iki rove go kaega ia, God iki nanao tarua kaega sakata ro ia. Do ninidena ia i soko osina basoero iri koego osina dia mara vana neto sakata ro ria.

Zazu Ria Apostoloro 26:20

Kenaqana tepa Damaskus, mana loborona Jerusalema, taramuzina nae, qa za tarama napu e topu na dia loborona Izirel, mana de iri koego vano iriki Jiu go kaega. Qa tamana ne go tarina manava sakata ne vasakata pata ro ria, mana tabali ze de ikoego God, mana tarina zazu ne pataro go tina vasadake, go ria iri manava sakata go.

Leta Ia Pol I Karo Ne Qira Basoero Na Rom 8:29

Tanego ria i vine bana qira go dena God, ria to tarina lama gere go sale ia ne, mana sale kenaqa iadena iato i toga qira go osiqira ne.

Kameka Korinti 9:5

Avigo iki totoloṉo kaega era tu lulua qole era gere qira kero ne apostoloro, mana vakitaka ro ia Batu ne, mana Pita, iri lulua qole ro ria loborona zaza ria?

Karua Korinti 11:2

Era qalete nanao qamu gerena God i lete nanao qamu go ramu. Ramu qamu gere kameka qole i lete dalo sivala, mana era tane qava tamatura ze ia kameka valeke nae, iato valeke nae tanuna to Kristo.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Qalesia 6:15

I patavolomo so basoe ikosi ba iki kosi kaega. Pata ilete mazala sivala go basoe mara pala too voru de ikoego God.

Kolosia 3:11

Sauna to ianae, i kaega so kapata iri vari vakakavatae ne vano Jiu ba vano iriki Jiu go kaega, vano iri kosi ba vano iriki kosi go kaega, vano iri pala vari vatatana ba iri ko piru, vano iri seka ba vano iri ko talukasa go. Tanego Kristo i sapu lupo qira mana Kristo i koe loboro qira, iago osiqira iri kameka basoe lupo so.

Kameka Timoti 5:2

Qolero kazigarata ro vagere qirae sinamu, mana qole suka ro ono vagere qirae vavanimu ro, loborona too dalo mana totoloṉo go.

Iburu 5:9

Ṉalu i valupo to osina zazu, God i vazakazaka ia, iato i vari va kevele ogoto, ria iri toqe ne ia tarina pala too i ko sivala go,

Kameka Pita 4:2

Iago, pasi ninidena too qamu vae go pua dena muna lulua, too ia God. Mana kasi luluna too ni soko go basoe na vudu pua dena.

Kameka Jon 2:17

Vudu pua, mana osina pataro iri lete soko go basoero ne iri pata kavakava so, tarinara za kaega so. Do basoe i lulua mana i zazu ne go soko ia God, tina too sivala.

Revaleson 22:14

Kula sivala ria vano iri saboro vadalo go roku ria. Tanego ria nae tarina ge go urena moki na too mana tarina za kebae go siporaṉa na komala lavata ne.