Matiu 11:7 - Vato Vari Vakameka Voru Ia Batu Ne

⁷ Ṉalu disipoloro ia Jon iri ule, Jesu i sine ne qira basoero ne de igogo Jon igo, “Ṉalu qamu zae de i kaega go pata podopodo lavatana ne qamu za gata go Jon, avana tane qamu nanao go tamuna za mia go? Kaki basoe i gere loda na seseu i vizuvizu go ṉalu seva i kiure go ba?

Matiu 11:7 ပူးပေါင်းရင်းမြစ်များ

Matiu 11:8

Ba, avigo, avana tane qamu soko go za mia na? Kaki basoe iva keba ne roku menomeno? Ramu qamu rove basoe i vakeba nego roku menomeno ro ne, i koe pade ria batu ro.

Matiu 12:20

Ia tina va meloto ne qira vano iri pela go, mana tina manava ne qira ria i pela go nanao qira mana too ria go. Tina goso nae goza doka so ṉalu osiqira basoero ne tarina zazu ne vatovato totoloṉo ro.

Matiu 21:25

Akena tane i teke nego karaputa Jon, go ni bapitema qira basoero ne? God, ba, basoe?” Iri vari vatanatana tanuqira, “Avana tatana sine go? Ṉalu qata go ‘God,’ ia tina go, ‘Avigo qamuki vaogote go kaega Jon?’

Matiu 3:5

Ria basoero iri zamia go Jon, iri reqe me Jerusalema mana osina dia loborona kena Judia, mana basoero iri ko garogaro go uguru Jodan go.

Luka 8:18

Muna miasoka ṉalu qamu vavaroṉono ne go pata, tanego ka basoe i kone go, God tina teke vatopu napu ne, do ka basoe i kaega ne, pata volomo de suka i kone go, God tina pala vakuziki lupo ne.”

Tarama Velaka Ia Jesu Kristo I Karo Go Jon 1:38

Jesu i tabali mana i mia qiru iru kale muzi ne, i tana ne qiru, “Avana tane qaburu taqia go?” Iru vataule ne, “Rabae! Ade tepa tane qo koego na?” Seko ‘Rabae’ dena talupasana, “basoe vari vatatana.”

Tarama Velaka Ia Jesu Kristo I Karo Go Jon 5:35

Jon i gere pazi, i kamu taru mana i tatavata go, do desuka so ṉalu ramu qamu kula ne go seko ro ia.

Epesus 4:14

Iago, ita mata kasi gere qira salero iri teteṉe ne go za gata na vari vatatana poqepoqero iri gere go pupuakana masi i lama kiuru pero vanaqe go sokoro ne. Iago ita mata kasi lulu qira vano vari vatatana poqepoqe ro, iri soko go vazazao vasakata qitae pata tatakiu ro iri zazu ne go.

Jemisi 1:6

Do ṉalu qamu pene go muna vaogote, mana kasiara ruama. Basoe i ruama do pene God igogo ne, igere so kameka tubitubi na masi i ubolo me, do sokoro ne ikiure ia za kaega so igo.