Matiu 11:26 - Vato Vari Vakameka Voru Ia Batu Ne

²⁶ Ove to Mamae iato dena de qo soko go aro tina sadaka go.

Matiu 11:26 ပူးပေါင်းရင်းမြစ်များ

Luka 10:21

Ṉalu nae Spirit tabo iva puraka ze Jesu kula mana igo. Mamae Batu na rani mana vudu pua, “Qa seko velaki go, tanego qo vamia qira ria iriki va tatana bana qira go kaega, pataro pipika qo pika ne qira go vano tarove mana vano iri nanao rove go. Ove, Mamae iato dena de qo soko go tina sadaka go.”

Luka 22:42

Mamae igo, “Ṉalu aro qo mao ne go, ono pala vakuziki ne kapu na vokara dena, deqa koego era, mara kasi nanao era tanuqu, do mara lulua so nanao mu aro.”

Luka 23:34

Jesu igo, “Mamae ono nanao ule ne qira, tanego iriki rove kaega pata iri zazu ne go.” Iri kenakena poga ro ia, mana iri ara vaqiso daisi ne go.

Tarama Velaka Ia Jesu Kristo I Karo Go Jon 11:41

Iri ikolo vakuziki ne ipaka ne. Jesu i reṉa qe rani ne mana igo, “Qa seko velaka nigo Mamae, tanego qo gata pene era,

Tarama Velaka Ia Jesu Kristo I Karo Go Jon 12:27

Gonae Jesu igo dena, “Torana dena nanao qu i sakata to, avana to tuna sine go? Mamae vakavele ve vokara tina dokava? Kaega era tuna pala bana so vokara igogo ne, tanego iato go qa lama nego era.

Tarama Velaka Ia Jesu Kristo I Karo Go Jon 12:28

Mamae, vasadaka me karaputa mazala na vitoṉomu!” Gonae kameka ovaṉa i reqe me rani ne igo, “Qa vasadaka bana karaputa mazala na vitoṉoqu, mana tuna vasadaka napua go.”

Leta Ia Pol I Karo Ne Qira Basoero Na Rom 9:18

Iago, God i manava ne qira basoero i soko qira go, mana ki va gata pata qira kaega vano iriki soko go kaega gatana pata.

Epesus 1:11

Osina pata izazu ne go God i va lulu ze so nanao na mana vivine ia. God i vine qita qata basoero ia, loborona vari vakameka ita de ikoego Kristo. Tanego saunaa nanao lavata ia idegere so pata i vine bana mego kokosona bana me.

Epesus 1:9

Tanego iva voto pata inanao bana mego mana i vasadaka ne qita nanao pipika ro ia itaru bana mego, mana i valupo ze de ikoego Kristo.

Epesus 3:11

God i valulu ze nanao ia iko bana mego ikaega go ka valupolupona. Mana i vasadaka ze loborona zazu ia Jesu Kristo Batu ita ne.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,