Matiu 11:21 - Vato Vari Vakameka Voru Ia Batu Ne

²¹ Jesu i sine ne qira igo, “Manava sakata de qamu koego ramu komala Betsaida. Tanego zazu vari vapoloso ro i sadake go de qamu koego ne, tara vasadaka bana ne qira go basoero na Taia mana Saidon, qa nanao basoero nae tara manava sakata bana ne so vasakata pata ro ria, mana tara ria vakeba ne poga taridaka ro mana kuru ze lodu kuzuku qira go.

Matiu 11:21 ပူးပေါင်းရင်းမြစ်များ

Matiu 11:22

Ma sine ne qamu pata ogoto, musaqara ṉalu God tina zazu ne go vivine ia, kimata tamuna pala go, tina sivala ne kimata iri pala bana go basoero na Taia mana Saidon.

Matiu 15:21

Jesu i kasi ne dego mana i zae kena i garogaro go karua komala lavata Taia mana Saidon.

Matiu 18:7

Manava sakata de iri koego basoero na vudu pua dena, tanego sauna pataro iri vasoru qirae vasakata pata basoero ne, tina sadaka bana so, do basoe izazu ne go pataro igcgo ne tina miasoka go.

Matiu 26:24

Era Tuna basoe tuna le gerena i sine go Buka tabo ne, do manava sakata de ikoego basoe tina vabesa nava go era, itora basoe nae tara kasi podo bana so.”

Maka 3:8

Kakiaro iri reqeme komala lavala Jerusalema mana komala garogaro na Idumea mana kene kavana uguru Jodan mana komala ro iri koego kena iru kome go karua komala lavata Taia mana Saidon. Basoero dena iri lama, tanego iri gata pataro izazu neze go nae Jesu.

Maka 6:45

Taramuzina nae Jesu iva age qira disipoloro ia koluka go mara ria za kenaqe kene kava ne masi pipika ne igo. Do tanuna mara vazazao qira tekere basoero igo.

Maka 7:24

Gonae Jesu i kasi ne nae mana izae kena garogaro na komala lavata Taia, iza koe loborona kaki pade tanego iki soko kaega basoero ne mara ria rove go igo, do imakuru to tina pipika go.

Maka 7:31

Gonae Jesu mana disipoloro ia iri kasi ne kena Taia mana iri za dokae komala lavata Saidon. Lupo nae iri za napue tepa kena Dekapolis. Taramuzina iri ara za dokae go masi pipika na Qalili.

Maka 8:22

Ṉalu iri lama dokae go Betsaida, kakiaro basoe iri pala me kameka valeke kodo de ikoego Jesu, mana iri lete pene iago mara siba valeke ne iri go.

Luka 4:26

Gonae tane do, Ilaiza iki zae kaega de koe basoero Izirel, do ia izae so de ikoego qole nanaro na Zerepat kaki komala tepa kena na Saidon.

Luka 6:17

Ṉalu Jesu i qoqoro me kubolo ne, i lulu qira apostoloro ia, i za degere kaki dia i nabo mana topu ria disipoloro ia iri ko tavisi de go. Topu sasakata basoero iri koe de igogo ne, iri reqe me osina dia tepa Judia mana Jerusalema, mana karua komala iri koe rikisi masi, Taia mana Saidon.

Luka 9:10

Apostoloro ne iri ule me mana iri lama sine lupo ne Jesu osina pataro iri zazu ne. I lulu ne qira mana iri zaza vamiki to tanuqira, iri zae kaki komala vitoṉo na Betsaida.

Tarama Velaka Ia Jesu Kristo I Karo Go Jon 1:44

Pilipi i reqe napu meso Betsaida komala iri koego Aduru mana Pita.

Tarama Velaka Ia Jesu Kristo I Karo Go Jon 12:21

Iri za mia Pilipi, disipolo ia Jesu, i reqe mego Betsaida tepa Qalili, mana iri go, “Batu remu qi soko mia na Jesu.”

Zazu Ria Apostoloro 12:20

Erode i lete muma ne qira basoero na Taea mana Saidon, iago basoero na karua kena igogo ne, iri qoqoṉo, go tarina za mia Erode. Iri za kenaqe de ikoego Balastus, valeke ni miasoka go pade Lavata ia Erode, go tina tavisi ne qira. Goto nae iri zae de ikoego Erode mana iri za pene bule, tanego tepa vudu ia so batu lavata Erode iri pala ze go pata gege ria.

Zazu Ria Apostoloro 27:3

Bakubakuna ne qemu dokae Saidon. Juliasi i nanao Pol, iago i va mao neiago mara za mia qira vakitaka ro ia, go mara teke ne ia kaki pata go tina tavisi ne go.

Judi 1:11

Iago iri na miasoka! Tanego iri lulua go vatovato i lulua bana go Ken. Iri lulu napua de igogo propeta Belam, ipala ze kesa loborona seko poqe ro ia. Iri vae vato gerena de igo bana go Kora i vae vato e de ikoego God. Iago God tina lete vasakata sivala ne qira gere de ivane go Kora.

Revaleson 11:3

Torana kameka mao karua vasa onomoṉaulu musaqara nae, era tuna turi ne qiru karua basoe era, tiruna va keba ne poga mode, mana tiruna tarama vasadaka seko ia God.”

Revaleson 6:12

Qa mia napua Tunana Sipi ne i kaqolo vakuziki napua vaonomo na pata va rorotona vivolo na pepa ne. Gonae kameka nunu lavata i vizua vudu pua ne, pasi nae saṉa ne iki tatavata to kaega osina dia ne i rodoko lupo, mana inaqa ne i taitana i mesara gere parasa ne.