Matiu 11:11 - Vato Vari Vakameka Voru Ia Batu Ne

¹¹ Masine ne qamu pata ogoto, Jon na bapitema i sivala ne qira basoero iri podoe go pua dena. Do ia i lete suka sivale go Too i ikoego vari miasoka ia God, iara lete mazala sivala ne Jon.

Matiu 11:11 ပူးပေါင်းရင်းမြစ်များ

Matiu 11:10

Mana Jon dena to, God i sine ze go Buka tabo ne, igo de, ‘Era tuna turine valeke palapala seko era tina za kenaqa nigo aro. Mana iato tina vanama go zuka aro.’

Matiu 11:12

Tupi me ṉalu Jon na bapitema i tarama nego seko ia God, go i lama doka to ninidena, topu basoero iri pada ne varitara mana vasakate na vari vatatana na Too ikoego vari miasoka ia God.

Matiu 3:1

Torana ṉalu nae Jon na bapitema i lamae de iki koe kaega pata podopodo lavata ro ne mana ivatupia tamana qira basoero ne.

Matiu 3:11

Era qa bapitema qamue ramu besi go tina vasadake ramu qamu manava sakata ne vasakata pataro ramu. Do valeke tinara lama taramuziqu era i lete karaputa sivala nava era. Patavolomo makebotu ia do era ki torava kaega tuna pala ne go. Ia tina bapitema qamue ramu Spirit tabo mana nako.

Matiu 5:19

Iago, ka basoe ki lulua kaega Tamana ro dena, patavolomo seko suka sivala na Tamana, basoe i vae mana va mia qira kerone basoero tarina lulu napua gogo ne, basoe nae tina lete qoqoro sivala ne qira basoero ne. Do basoe i lulua Tamana mana i vamia napu qira kero ne basoero, go tarina lulua, basoe nae tina lete zakazaka sivale dekoe vari miasoka ia God.

Luka 1:15

Tina lete lavate de ikoego loborona nanao ia God, tiniki besia kaega vino, ba ge kaega loka ni karaputa go. Tupiana kokoso ko tina vae go sopana sinana ne, ia tina purake Spirit tabo.

Luka 7:28

Masine ne qamu igo napu Jesu, “Jon i lavata sivala ne basoero iri podoe go pua dena, do ia i lete suka sivale go de ikoego vari miasoka ia God, iara lete mazala sivala ne Jon.”

Luka 9:48

Mana i sine ne qira, “Ka basoe iva velaka ne sale suka dena loborona vitoṉo qu era, ia iva velaka nava era, mana ka basoe iva velaka nava era, iva velaka napu neso ia ni turi nava go era. Tanego ia i lete sukae to de qamu koego ramu, iato i lete mazala sivala ne qamu go.”

Tarama Velaka Ia Jesu Kristo I Karo Go Jon 1:15

Jon na bapitema tane i sine ne qira basoero sauna valeke dena, ia i koru valavata me igo, ‘Tato dena basoe qa pepeu ne qamu go,” qa sine go, “Basoe tina lama go taramuziqu era, i lete mazala sivala nava era, tanego basoe nae i ko bana so ia qara podo go era.”

Tarama Velaka Ia Jesu Kristo I Karo Go Jon 1:27

Ia tina lama taramuziqu era, do era iki ara torava kaega patavolomo lupase na qolo na makebotu ia.”

Tarama Velaka Ia Jesu Kristo I Karo Go Jon 10:41

Topu ria basoero iri lamae de ikoego Jesu, mana iri sine ne iri go, “Jon iki zazu ne kaega kaki zazu mazalaro, do osina pata i sine go Jon sauna valeke dena, i ogoto lupo so.”

Tarama Velaka Ia Jesu Kristo I Karo Go Jon 3:30

Mesia ne tina zaza karaputa mana era tuna zaza qoqoro go.”

Tarama Velaka Ia Jesu Kristo I Karo Go Jon 5:35

Jon i gere pazi, i kamu taru mana i tatavata go, do desuka so ṉalu ramu qamu kula ne go seko ro ia.

Tarama Velaka Ia Jesu Kristo I Karo Go Jon 7:39

Jesu i sine iadena, i vatalupasa ze Spirit tabo, go ria iri vaogote go tarina toṉove. Torana ṉalu nae God iara kaebo sosone Spirit tabo, tanego Jesu iara kaebo pala na karaputa mazala na rani ne.

Kameka Korinti 15:9

Era to qa suka sivala ne osiqira apostoloro, mana iki tora kaega tarina vitoṉo ve apostolo, tanego era to qa vasasakata ne qira go basoero iri vaogote go God.

Kameka Korinti 6:4

Ṉalu kakia pataro dena i lama sadaka go, ramu qamu vazao ne qira basoero iriki vivitoṉo ego kaega eklesia ne sauna vatotoloṉe na.

Epesus 2:3

Pata ogoto osiqita qata gere qira so basoero nae, qata lulua so pata qata soko go, mana qata zazu ne so pata ni soko go tokama qita mana nanaoqita go. Loborona too ita qata gere napu qira so basoero nae. Itora to ita tatana pala go vokara na muma ia God.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Karua Timoti 1:10

do ninidena i lama sadaka to, lama na vari vakavele ita Jesu Kristo. Ia iva lupo karaputa na le, mana loborona zukazuka na Tarama Velaka ne i vasadakae too i ko sivala osina ṉalu.

Iburu 11:40

Tanego God i nanao bana pata tina velaka sivala ne qita osiqita, God i soko tarina piri ne qita mana ita tatana totoloṉo e tarakenaqana ia.

Kameka Pita 1:10

Sauna to vari va kavele dena to iri lete taqia go propetaro ne, mana iri nanao luluse de igogo. Mana iri seseko ne go sauna sosovolomo ia God tina teke ne qamu go.