Matiu 11:1 - Vato Vari Vakameka Voru Ia Batu Ne

¹ Ṉalu Jesu i valupo vatatana qira manoga karua disipoloro ia, iri kasi ne de igogo ne, mana iri za napue kero ne komala ro na kena Qalili, mana iri za vari vatatana mana tamana go.

Matiu 11:1 ပူးပေါင်းရင်းမြစ်များ

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Matiu 4:23

Jesu igoe lupoe osina dia tepa kena Qalili. Iza e loborona Pade Lotu ria vano Jiu i vari vatatana mana i tamana qira basoero ne. I tamana qirae dego velaka ia God mana iva velaka lupo qira osiqira vano i pala qira soso mokoso rone.

Matiu 7:28

Taramuzina Jesu i seko lupo, topu basoero iri lete nureke ne dego vari vatatana ia.

Matiu 9:35

Jesu i gadoe osina to komala lavata ro mana komala suka na ro Qalili. Iza vari vatatanae Pade Lotu ro ne sauna Tarama Velaka na de go Too ikoego vari miasoka ia God. Mana i va tavoisi qira basoero i pala qira go soso mokoso ro ria.

Maka 6:12

Iago disipoloro ne iri zaza mana tamana qirae basoero ne seko ia God mana iri sine ne qira, muna nanao ule mana vana ne vasakata pataro ramu.

Luka 23:5

Do basoero ne iri seko vakaraputa napu zaqe, “Vari vatatana ia valeke nae i vatupia to vari vapera ne qira basoero na osina dia loborona Judia. I vatupi bana ze Qalili mana ninidena i lama doka napu eto dena.”

Luka 8:1

Taramuzina ṉalu nae Jesu i goza komala lavata ro mana komala suka ro, i vari vatatana ne Tarama Velaka na Too ikoego vari miasoka ia God. Ria manoga karua disipoloro ia,

Tarama Velaka Ia Jesu Kristo I Karo Go Jon 15:10

Ṉalu qamu lulua tamana ro era, ramu tamuna ko vanadue mamaligara era, gere na era qa lulua go tamana ia Mamae mana qa ko vanadue mamaligara iago.

Tarama Velaka Ia Jesu Kristo I Karo Go Jon 15:14

Ramu to qamu vakitaka ro era, ṉalu qamu zazu nego pata ro qa sine ne qamu go era.

Zazu Ria Apostoloro 1:2

mana idokae go musaqara ipopoka za go rani ne. Tarakenaqana Jesu ipopoka za go rani ne, loborona karaputa ia Spirit tabo, ia i vatatana qira basoero i vine bana qira go tarina apostoloro ia.

Zazu Ria Apostoloro 10:38

Ramu qamu rove napua de igogo pepeu na Jesu na Nazaret mana de igogo God ni zuga ze go ia Spirit tabo mana karaputa. I zae osina dia, i zazu ne pata velaka ro mana iva tavoese qira vano iri koego karaputa ia manuru. I zazu ne pataro dena, tanego God i ko tavise ia.

Zazu Ria Apostoloro 10:42

Mana i sine ne qemu, timuna tamana ne Tarama Velaka ia de iri koego basoero ne, mana sine va karaputa napua, tanuna so Jesu ni vine go God tina zazu ne vivine de iri koego vano too mana vano le go.

Kameka Tesalonika 4:2

Tanego ramu qamu rove bana vari vatatana ro qimu teke bana ne qamu go, i reqe me loborona vitoṉona Batu ita Jesu.

Karua Tesalonika 3:10

Torana kotavisi qimu vae ne qamu go, qimu sine taru ne qamu, “Ka basoe i kasi go zazu kasi teke ne na pata gege.”

Karua Tesalonika 3:6

Ramu turaquro, Remu qimu sine vamazala ne qamu ramu, loborona vitoṉona Batu ita Jesu Kristo, kasi luluna vatovato ria kero ne vano lotu, iri muaka mana iriki lulua kaega seko ro qimu sine bana ne qira go remu.

Kameka Timoti 6:14

ono vaogote mana lulua tamana ro dena, ono sotia mana osaka ne, go na doka so ṉalu musaqara tina lama sadaka go Batu ita Jesu Kristo.