Matiu 10:41 - Vato Vari Vakameka Voru Ia Batu Ne

⁴¹ Mana ka basoe i va kapo velaka ne kaki propeta, tanego i mia rove i propeta, God tina teke ne ia volina, gere so volina propeta nae. Mana ka basoe i vakapo velaka ne basoe velaka, tanego i rove basoe nae i totoloṉoe tarakenaqana God, God tina teke ne ia volina, gere so volina basoe velaka nae.

Matiu 10:41 ပူးပေါင်းရင်းမြစ်များ

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 25:44

Basoero ne tarina tana nava era, ‘Batu! Ava ṉalu tane qi mia go qo saqo go, qo kaṉoso ba qo basoe zaza sivala, ba qo sisinaqa, qo mokoso ba qo koego loborona bara ne, do qiki garetu tavisi nigo kaega na?’

Matiu 25:45

Era tuna vataule ne qira, ‘Masine ne qamu pata ogoto, ṉalu qamu kasi go tavisi ne qira basoero era iri mimia volomo gogo dena, i gere napuna so qamu kasi tavisi nava era.’

Matiu 6:1

Jesu igo napu dena, “Vatovato velaka ro qamu zazu ne ze dekoe God, kasi vasadaka ze de in koego basoero ne sauna go mara mia pata qamu zazu ne go. Ṉalu qamu zazune vatovato igogo ne God Tamaqamu ikoego rani ne tiniki voli qamu kaega.

Matiu 6:18

Gonae kaega ka basoe tina rove ramu qamu qaniqani. Mana God Tamaqamu i mia osina pataro qamu zazu pipika ne tina ṉara voli qamu go.”

Matiu 6:4

Sosovolomo aro mara pipika do Tamaqamu i mia go osina pataro qamu zazu pipika ne ṉara voli qamu.”

Matiu 6:6

Ṉalu qamu pene go, za koe kova ramu mana kokoqua siporaṉa. Gonae munara pene go Tamaqamu qamuki mia go kaega, mana Tamaqamu i mia go pataro qamu zazu pipika nego, tinara voli qamu.

Matiu 7:8

Tanego basoe i pene go God, ia tina pala banaso, basoe i taqia, tina soba mana basoe i tetedeke siporoṉa tina papaqa bana neso.

Zazu Ria Apostoloro 16:15

Taramuzina nae, tanuna mana basoero iri koego pade ia iri bapitema lupo. Lidia i pene qemu remu igo, “Lama koe pade era, ṉalu qamu nanao era ogotona to qa vaogote Batu ne.” Mana i pene vamoqere qemu go timuna lulu ia.

Leta Ia Pol I Karo Ne Qira Basoero Na Rom 16:23

Qaiusi valeke itaruve go pade ia dena, mana vano lotu go iri teṉo tavise go pade ia dena i vagaretu seko kula ia de qamu koe go ramu. Erastus valeke i miasoka go kesa na komala lavata dena mana vakitaka ita Kuatas go iru vagaretua seko kula riru de qamu koe go ramu.

Kameka Korinti 9:17

Do ṉalu tanuqu tu vine go zazu dena, era tuna pala voli qu, do era qaki vine kaega na pala voli. Qa toqe ne zazu dena, tanego qa zazu neso pata i sine nava God na zazu ne go.

Iburu 6:10

Ṉalu God i zazu ne vivine ia, iki tavisi kale kaega. Iki nanao kasupe ne kaega zazu qamu zazu ne go ba mamaligara qamu vasadaka ze go de ikoego, ṉalu qamu teke go sosovolomo ramu de iri koego kero ne vano lotu.

Karua Jon 1:8

Iago, muna miasoka napua tanuqamu, niki go ramu vana ne zazu vokora ramu. Do pata itora go, ramu muna pala lupo voli qamu i vanama bana go God.