Matiu 10:27 - Vato Vari Vakameka Voru Ia Batu Ne

²⁷ Pataro qa sine ne qamu go era ṉalu ni rodoko go, muna sine patu napua ṉalu ni musaqara go. Pataro qata vari sine miki neso tanuqita ne, muna sine vasadaka ne qira basoero go.

Matiu 10:27 ပူးပေါင်းရင်းမြစ်များ

Matiu 24:17

Basoe i za ko banae go popoko na pade ia, mara kasi ara nanao na za pala na patapata ro ia ikoego loborona pade ne.

Luka 12:3

Iago, pata qamu sine pika go kuse, tina gata ṉalu musaqara, mana pataro qamu vari gozogozo ne ze go qeqele qamu loborona kova ne, tinara lama sine valavata ze zakazaka na pade ne.”

Luka 8:10

Jesu iva taule ne qira igo, “God iva malumu ne qamu tamuna rove go pata pupuika mana pata ogoto na de ikoego vari miasoka ia God, ba de iri koego basoero ne, era qa sine go vapadapada dena, go tarina mia, do tariniki mia rove kaega, tarina gata, do tariniki gata rove kaega.”

Tarama Velaka Ia Jesu Kristo I Karo Go Jon 16:1

“Qa sine ne pataro dena, go tiniki pela go kaega vaogoto ramu.

Tarama Velaka Ia Jesu Kristo I Karo Go Jon 16:13

Do ṉalu Spirit tabo tina vasadaka ne qamu ogotona, lama na ia tina kenaqa ne qamue rove na pata ogoto ne. Ia tiniki seko ne kaega nanao ia tanuna, do tina seko ne pataro i gata go, mana tina sine ne qamu pataro tinara lama go.

Tarama Velaka Ia Jesu Kristo I Karo Go Jon 16:25

Jesu i sine napua igo, “Pataro qa sine ne qamu go, qa vazazua so seko vapadapada ro. Do na doka ṉalu na, era tuniki vazazua kaega seko vapadapada, do tuna seko vatatavata neso de i gogo Mamae.

Tarama Velaka Ia Jesu Kristo I Karo Go Jon 16:29

Disipoloro ia iri sine ne ia, iri go, “Ninidena qo seko vatatavata ne qemu to, qoki vazazua to kaega seko vapadapada!

Zazu Ria Apostoloro 17:17

Iago ipala pepeue de iri koego vano Jiu mana vano iriki Jiu go kaega iri vazaka go God iri koego loborona Pade Lotu ria vano Jiu, mana osina musaqara iseko tabe napu qira basoero iri zaza sivalae go loborona peka lavata na komala ne.

Zazu Ria Apostoloro 5:20

“Za mana za degere loborona Pade Lotu ne, mana sine ne qira basoero ne, dego zazao na too voru dena.”

Zazu Ria Apostoloro 5:28

“Remu qi teke ne qamu tamana makuru dena, muniki ara vari vatatana ne vitoṉo na valeke nae, do mia pata ro qamu zazu nego! Ramu qamu vagoe lupo ze vari vatatana ramu loborona ro Jerusalema, mana qamu soko ne vapala qemue remu, le na valeke nae.”

Karua Korinti 3:12

Tanego remu i kone qemu ruqe de, iago remu qi seko ne so tarama velaka ia Batu ne.