Matiu 1:23 - Vato Vari Vakameka Voru Ia Batu Ne

²³ “Qole suka iara kaebo soba na valeke, tina kakate mana tina vapodo kameka sale veleke, mana tina vitono ze Imanuela,” vitoṉo dena talupasana, “God i ko tavisi qita.”

Matiu 1:23 ပူးပေါင်းရင်းမြစ်များ

Matiu 1:24

Ṉalu Josepo i dogara me, i lulua seko i sine ne go aqelo ia Batu ne, mana i busia to Maria go.

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Luka 20:44

Davita i koru ze ia Batu, do ava tina goto tane Mesia tinara reqe mego vapopodo ia Davita na?”

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Zazu Ria Apostoloro 18:9

Kaki kameka kuse Pol i miadua Batu ne i lama i sine ne ia, “Oniki sareki ne qira basoero nae, ono seko e de iri koego, mana oniki mamanava zazu ne na zazu aro,

Leta Ia Pol I Karo Ne Qira Basoero Na Rom 8:31

Ṉalu qata nanao lulusu zaqe go pataro dena, avana mata vane to? Mana ṉalu God ikoego tepa ita, akena to go i mazala go vakuziki ne qitae go ita? Kaega to kaki basoe i mazala go.

Leta Ia Pol I Karo Ne Qira Basoero Na Rom 9:5

Ria to iri reqeme go tutuluna popodo ireqeme go kazigarata bana ro ria. Mana Kristo i lama podo basoe me sinaqe ro nae. Iago osiqita mata vazaka God ia i Batu ne qita go osiqita. Amen!

Karua Korinti 5:19

Iato dena tarama i taru ne qemu remu, “De koe Kristo, God i vine qira osiqira basoero ne tarina vakitaka ia.” God iki nanaotarua kaega vasakata pata ro ria, do tarama i taru ne qemu igo, ria tarina vakitaka ro ia.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Karua Timoti 4:17

Do Batu ne i tavisi nava mana i teke nava karaputa, go i malamu ava era sine vasadake na tutukunu na Tarama Velaka ne, de iri koego vano iriki Jiu go kaega tarina gata, mana i vakavele ve era saqena laioni go.

Karua Timoti 4:22

Timoti, Batu ne ina ko tavisi go, mana Mana ia God na koe de qamu koego.