Maka 9:31 - Vato Vari Vakameka Voru Ia Batu Ne

³¹ tanego ivatatana qira disipoloro ia mana ivane qira dena, “Era Tuna basoe tarina pala vazao ve karaputa ria basoero ne, go tarina vae vale ava go, do taramuzina vapisana musaqara tuna too napu me.

Maka 9:31 ပူးပေါင်းရင်းမြစ်များ

Matiu 16:21

Tupi to ṉalu nae, Jesu i lete vatatana velaka qira disipoloro ia igo, “Era tuna za bana eso Jerusalema, tuna za pala ze vokara de iri koego vano kazigarata, vano batu ria patere ro mana vano vari vatatana na Tamana go. Tarina vae vale ava, do taramuzina so kapisa musaqara era tuna too napu me.”

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Matiu 26:2

“Ramu qamu rove zarika tina kelo na musaqara nanao taruna na ṉalu God i vasiporo qirae vano Izirel tepa Izipito. Mana ṉalu nae to tarina pala va go era Tuna basoe mana tarina paqipaqi ve koluse ne.”

Matiu 27:63

mana iri sine ne ia, “Remu qi nanao tarua so seko i sine bana go valeke poqepoqe dena igo, ‘Taramuzina kapisa musaqara era tuna too ule napu me tepa le ne.’

Maka 10:34

go tarina vakari nava mana damuava, tarina suelapava, tarina simava mana vae vale ava, do vapisana musaqara era tuna too napu me tepa le ne”.

Maka 8:31

Gonae Jesu i vatatana qira disipoloro ia igo, “Era Tuna basoe tuna pala vokara tanego tariniki soko ava kaega. Ria to vano kazigarata ro, vano batu ria patere ro, vano vari vatatana na tamana go. Ria to nae tarina vae vale ava, do taramuzina kapisa musaqara era tuna too napu me tepa le ne.”

Maka 9:12

Jesu i vataule igo, “Pata ogoto Ilaiza to tina lama kenaqa, go tina vanama go osina pata, do avigo tane Buka tabo ne i sine go, ‘Tuna basoe tarina va vokare mana tarina lete vasakata nego igogo?’

Luka 24:26

Avigo iki tora kaega Mesia tina vokara ne pataro dena go tina ra keba za go Too ikoego vari miasoka ia God?”

Luka 9:44

Muniki nanao kasupe ne pata qa vele sine ne qamu go, “Era Tuna basoe tarina pala va zao ve karaputa ria basoero ne.”

Tarama Velaka Ia Jesu Kristo I Karo Go Jon 10:18

Kaega ka basoe i mazala go vae vale ava ṉalu tuki va mao go kaega. Do qa toqe ne tanuqu mara vae vale ava. Era i ko nava karaputa tu vamao go vae vale na too era, mana i ko nava karaputa tuna too ule napu me tepa le ne. Iato dena pata i sine nava go era Mamae tuna zazu nego.”

Tarama Velaka Ia Jesu Kristo I Karo Go Jon 2:19

Jesu i vataule ne qira igo, “Ṉalu tamu papate go ramu Pade lotu dena, qa mazala so era vadegere ule napu na torana kapisa musaqara so”.

Tarama Velaka Ia Jesu Kristo I Karo Go Jon 3:14

Ṉalu bana ne loborona ulana ne Mosese i pala kameka dole iri zazu ne ze aeana mana i vaidoko vazakazaka ne, de qa koego era Tuna basoe ne tina gere napua so, basoero tarina vaidoko vazakazaka va,

Karua Timoti 2:12

Ṉalu qatiki pela ne kaega vaogoto na ia, tatana vatovato tavise ia. Ṉalu qata go, qatiki rove kaega ia, Ia tina go napu so, iki rove qita kaega.