Maka 9:29 - Vato Vari Vakameka Voru Ia Batu Ne

²⁹ Jesu igo, “Qamu rove, pene so i mazala go kakale vakuziki ne manuru sakata igogo dena.”

Maka 9:29 ပူးပေါင်းရင်းမြစ်များ

Matiu 12:45

Gonae i za lulu napu qira me kavitu manuru sakata sivala ro mana tanuna to go ne iri lama koe basoe nae. Pasi nae basoe nae i lete sakata sivala, sivala ne de igo bana go. Iago, iadena to pata tina doka qamu go ramu basoero na ṉalu ninidena tanego i lete sakata go too mana vatovato ramu.”

Matiu 17:20

Jesu i vataule ne qira, “Tanego vaogoto ramu iara lete suka so. Masine ne qamu pata ogoto, ṉalu vaogoto ramu tara gere lavata na paturu na moki mastad, qamu mazala so sine ne kubolo dena, ‘Kasi ne dena mana za koe dona go kubolo ne tina ziki so, mana qamu mazala so zazu ne na topu na pata go.”

Maka 9:28

Taramuzina nae Jesu ikeba za kaki kameka pade, gonae disipoloro ia iri tana vamiki ne ia, “Avigo tane remu i makuru qemu go kakale na manuru ne na?”

Maka 9:30

Jesu mana disipoloro ia iri kasi ne komala nae mana iri zaza sivala za Qalili. Jesu iki soko kaega basoero ne tarina rove go de ikoego,

Luka 11:26

Gonae i siporo za mana lulu me qira kavitu napu manuru sakata ro iri lete sakata sivala ne tanuna mana iri lama siqana napua valeke ne. Valeke ne i lete sakata sivala ne to de igo bana me kenaqana ne.”

Zazu Ria Apostoloro 14:23

Nogotona komala ne, iru vine qira kazigarata ro tarina kenaqa ne lotu, iri pepene, iri qaniqani mana iri teke ne too ria de ikoego Batu ne, tanego de i koe ia, iri taru ze vaogoto ria.

Kameka Korinti 9:27

Qa dupo tarua so tokamaqu, gogo tuna valulu ze de qa soko go tanuqu, go tina vaogoto ava era. Tanego ṉalu tuna koru qira kero ne basoero tarina lama tavisi go varivose dena, mara kasi lama sine na, “Era qa vae tamana na varivose ne,” mana vakuziki navae varivose dena.

Karua Korinti 11:27

Qa zazu vokara topu na ṉalu, qaki kamuku kaega, qaki ṉaṉa kaega mana qa kaṉoso go, topu na ṉalu i kaega nava pata gege, pade, ba poga tuna vazao go.

Karua Korinti 12:8

Kapisa ṉalu qa pene Batu ne, go mara pala vakuzika ne pata i gogo ne.

Karua Korinti 6:5

Iri sima qemu, iri taru qemue bara ne, mana basoero topu iri varitarae de qimu koego, qi zazu sivala qimuki kamuku velaka kaega, mana ṉaṉa velaka kaega go.

Epesus 6:18

Ṉalu qamu zazu ne go osina pataro dena, muna lotu mana pene God go tina tavisi ne qamu go. Pene osina ṉalu go karaputa ia Spirit tabo tina kenaqa ne qamu go. Go tamuna vanama taru mana tamuniki pela kaega go. Mana muna pene napu ne qira basoero ia God go.

Jemisi 5:15

Mana pepene iri zazu ne go dena tina reqeme to vaogoto ria de ikoe go God gogo tina vavelake go basoe mokoso ne. Mana basoe mokoso ne mara nanao ule ne sauna vasakata pata ia izazu ne go, gogo Batu ne tina teke napu ne ia too velaka.