Maka 9:25 - Vato Vari Vakameka Voru Ia Batu Ne

²⁵ Jesu i mia rove basoero ne iri lete lamae de ikoego, iago i sine vamoqere ne manuru sakata ne igo, “Aro manuru ikiki mana kikibu nae ono siporo kasine sale valeke nae mana oniki ara keba ule napu go!”

Maka 9:25 ပူးပေါင်းရင်းမြစ်များ

Matiu 12:22

Taramuzina nae, basoero ne iri valame ne Jesu kaki valeke kodo i makure seko, tanego manuru sakata i siqane ia. Jesu iva velake valeke ne, go iara malumua go seko mana iara mimia go.

Matiu 17:18

Gonae Jesu i seko lavate manuru sakata ne, gonae i kasi ne sale valeke ne, mana torana so nae sale ne i velaka to.

Maka 9:15

Ṉalu basoero ne iri miasoba zaqe Jesu iri poloso mana iri teteṉe za soba ia.

Maka 9:24

Tamana sale ne i za seko me mana idae, igo, “Iko nava vaogoto, do iki karaputa kaega, iago tavisi nava go mara karaputa vaogoto era?”

Maka 9:26

Manuru sakata ne i koru valavata i vana ze sale ne pua ne mana iza siporo me mana pasi nae sale ne igere pata ile, basoero ne iri go, “Ile to sale ne!”

Luka 11:14

Jesu i kakale vasipore kaki manuru ikoe kaki valeke iki seko kaega. Ṉalu manuru ne i kasi ne ia, valeke ne iara seko to, gonae basoero topu iri lete nureke.

Luka 4:35

Jesu i seko lavate manuru ne igo, “Kasi seko, mo kasi ne valeke nae.” Gonae manuru ne i vana va soru ze valeke ne tarakenaqa qira basoero ne, mana i paqa siporo za, do iki vapaleka kaega valeke ne.

Luka 4:41

Manuru sakata napu to go iri kasi ne qira basoero topu ne. Gonae iri koru va lavata iri go dena, “Aro qo Sale ia God!” Jesu i muma ne qira manuru ro, i vakaega qira tarina seko go, tanego iri rove ia i Kristo.

Luka 8:29

I sine iadena tanego Jesu i teke bana ne tamana manuru sakata ne go tina kasi ne valeke ne. Topu na ṉalu manuru ne i pala tarua so ia, basoero ne iri qolo taru ze seni karisina mana makena loborona pade ne, do ia i korote so mana manuru sakata ne i pala vazao ze ia de iki koe kaega ka basoe.

Luka 9:42

Pasi i lama za sale valeke ne, manuru sakata ne, ivae va soru ze ia pua ne mana i nenedere go, do Jesu i kakale manuru sakata ne mana iva velake sale valeke ne, goto nae i teke vaule ne tamana.

Zazu Ria Apostoloro 16:18

Qole seka ne, i sine tarua so seko ro dena, osina ro musaqara, Pol gonae i vasasakate to gata na seko ni sine go qole ne, i tabali mana i sine ne manuru ne, “Loborona vitoṉo na Jesu Kristo, qa sine nigo ono siporo kasi ne qole nae!” Torana so nae manuru sakata ne i siporo kasi ne qole ne.

Judi 1:9

Aqelo Maekolo batu ria aqeloro ne do iki sine ne kaega Satana seko sakata ṉalu iru pera ne go pala na sinara na Mosese do ia i seko go so dena, “Batu ne so ṉara rovi go aro.”