Maka 8:38 - Vato Vari Vakameka Voru Ia Batu Ne

³⁸ Basoero na ṉalu ninidena iri zazu ne soso adoadona pata sakata mana iriki soti ze kaega tanuqira de ikoego God. Iago, ṉalu ka basoe i agava nava era, era tuna agava napu ne so ia, ṉalu tuna lamae go karaputa na tatavata ia Mamae mana aqeloro tabo ia ne go.”

Maka 8:38 ပူးပေါင်းရင်းမြစ်များ

Matiu 12:39

Do Jesu i vataule ne qira, “Ke! Basoero na ninidena, too ramu i sakata, qamuki osaka ne kaega God, go qamu soko go miana zazu mazala ro. Tuniki vasadaka ne qamu kaega, do ke qamu mazala go miana, iato ke ia Zona.

Matiu 13:41

Era Tuna basoe tuna turine qira aqelo ro era tarina za pala vakuziki ne osiqira vano iri va soru qirae vasakata pata kero ne basoero, mana basoero i sakata go too ria. Tarina pala vakuziki ne qirae basoero dena, de ikoego Too vari miasoka ia God.

Matiu 16:27

Tanego era Tuna basoe tuna ule me loborona karaputa mazala ia Mamae mana ria aqeloro iago, ṉalu nae tuna voli qira basoero ne lulua so pataro iri zazu ne go.

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 16:4

Ava igoto tane ka lete sakata qira basoero na ṉalu ninidena, iriki soko kaega rove na de igogo God, do iri soko mia na zazu vari vapoloso ro. Kameka zazu vari vapoloso tuna vamia qamue go era i ke ia propeta Zona.” Iago i kasi ne qira mana zaza to igo.

Matiu 24:30

Torana to nae, lala i vasadake go lama qu era Tuna basoe tina sadake toba ne, mana osiqira basoero na kolabana pua ne, tarina dae va lavata ṉalu tarina miava era Tuna basoe tuna goe mego toba ro ne mana lulu me moqere mana tatavata na karaputa mazala ia God go.

Matiu 25:31

Jesu i sine napua, “Ṉalu era Tuna basoe na lama Batu lavata go mana aqelo ro ne tarina luluava, tuna kolokue de ko batubatu era.

Matiu 26:64

Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”

Matiu 8:20

Jesu i sine ne ia, “Sika piru ro i ko de kamukamu ria mana pale ro i ko kubasa ria, do Tuna Basoe i kaega kade tina zakoe go tina ziṉo velake go.”

Maka 13:26

Ṉalu nae era Tuna basoe, tuna sadaka lulume popokona toba ne, tina lulua go karaputa mazala ia God.

Maka 14:62

“Era to,” igo Jesu, “osiqamu tamuna miava era Tuna basoe tuna kolokue tepa matauna God ni lete moqere sivala mana tuna za lulume toba ikoego rani ne.”

Maka 8:37

Tanego i kaega to kaki pata i soso go, go tina pala vaule ze go too ia.

Luka 19:26

Ma sine ne qamu igo valeke batu ne, ‘Ria basoero iko ne qira, ṉara teke napu ne qira, do ka basoe i kaega ne, pata volomo de suka ikone go, tina pala vakuziki lupo ze ia.

Luka 9:26

Ka basoe i agava nava era mana vari vatatana ro era gogo ne. Era Tuna basoe, tuna agava napu ne ia, ṉalu tuna lamae go tatavata era mana tatavata ia Mamae mana ria aqelo tabo ro iago.

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 1:51

Mana i sine napu ne qira igo, “Ma sine ne qamu pata ogoto, tamuna mia zakazaka ne tina papaqa mana aqelo ro ia God tarina popoka za rani mana qoqoro me de qa koego era, Tuna Basoe.”

Tarama Velaka Ia Jesu Kristo I Karo Go Jon 12:34

Basoero ne, iri go de, “Do Tamana remu igo, Kristo tiniki rove kaega le. Iago avigo tane qo sine go Tuna basoe tarina vaidoko ne go? Akena tane i Tuna go basoe ne?”

Tarama Velaka Ia Jesu Kristo I Karo Go Jon 5:27

Mana i tekene karaputa Tuna go tina zazu ne varitanae de iri koego basoero ne, tanego iato i Tuna go Basoe ne.

Zazu Ria Apostoloro 10:22

Iri vataule, “Konilias batu ria vano soldia, i turine qemu go, i valeke velaka mana i vazaka God, mana osiqira vano Jiu iri mia vamazale ia. Aqelo ia God i sine ne ia tina koru vakeba zigoe aro pade ia, go mara gata go pataro tono sine go aro.”

Zazu Ria Apostoloro 5:41

Pasi ria apostoloro ne iri kasi ne qira vano pepeu ne, iri lete kula, tanego God i vine qira tarina pala kimata tanego i sauna zazu ia Jesu.

Leta Ia Pol I Karo Ne Qira Basoero Na Rom 1:16

Qa taru lupo zeto ruruqe era loborona Tarama velaka. Tanego iato i karaputa iago God go i mazala go va kavele qira go osiqira basoero iri vaogote go. Vano Jiu iri gata kenaqa mego, mana taramuzina iri ara gata go vano iri ki Jiu go kaega.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Kameka Tesalonika 2:19

Do ramu to ikoego ruruqe, gasigasi ba nanao vakaraputa reremu sauna sine vasadake na karaputa reremu. Ṉalu tina lama napu go Batu ita Jesu Kristo. Tanego ramu napu to go tamuna ko tavisi go ṉalu nae.

Kameka Tesalonika 3:13

Loborona to zuka dena, nanao qamu tina karaputa napu. Mana ṉalu Batu ita Jesu Kristo tina ule palu me qira basoero ia, ramu tamuna degere tarakenaqana God Tamaqita, tanego too ramu i velaka mana tabo go.

Karua Timoti 1:12

Pata nae to era qa gata vokara ne go de, do qaki agava ne kaega, tanego qa rove velake basoe qa vaogote go. Mana qa rove ia tina miasoka velake Tarama Velaka dena i taru ze de qa koego, go tina za doka so musaqara muzimuzi go.

Karua Timoti 1:16

Era qa pene Batu ne, go mara nanao ule mana manava ne Onesiporosi mana vano pade ia, tanego topu na ṉalu i tavisi nava mana i vakula va era go. Mana iki agava nava kaega patavolomo era qa koe bara ne.

Karua Timoti 1:8

Oniki agava ne tarama ne Tarama Velaka ne, ba agava nava era qa koego bara ne tanego i sauna Kristo. Do aro ne, ono pala tavise vokara sauna vasadake na Iarama Velaka ne, tanego God i teke bana nigo karaputa go tono zazu ne go.

Iburu 11:16

Do kaega, ria iri le ne vudu voru iato rani ne. Mana God iki agava ne kaega tarina koru ze ia God ria, tanego i vanama ne qira kameka komala lavata ria.

Iburu 11:26

Ia i nanao zaqe ṉalu God tina teke nego sasarapana, iato go, patavolomo basoero ne tarina vasasakata nava, gerena so de i vane go Mesia ne, vari vasasakata nae, i lete sivala ne osina pata velaka ro ikoego Izipito.

Iburu 13:13

Iago ita mata za ko tavisi ze ia taramuzina komala lavata ne, go basoero ne tarina vasasakata ne qita, gere na so de iri vane bana go Jesu.

Jemisi 4:4

Qamu ki basoe totoloṉo kaega, qamu lulua so vatovatona too na vudu pua. Tanego vatovatona vudu pua dena i kana ne God. Iago basoe ilulua go vatovatona vudu pua dena ivakana ze God de ikoe go tanuna.

Kameka Jon 2:23

Basoe i sila go Tuna God i sila napu to God Tamana go. Do basoe i vaogote go tuna God ivaogoto napua to God Tamana.

Kameka Jon 2:28

Iago salero era, muna ko vanadu tarue so loborona Kristo osina ṉalu, go tatana purake go karaputa ṉalu tina lama sadaka qita go. Mana ita mara kaega ne qita agava de ikoego ia musaqara tina lama go.

Revaleson 14:10

Basoe nae God tina vakimate ia, basoe nae tina besia kapuna vino ikoego osina karaputa na muma ia God. Basoe nae tina lete vokara ne ilana nako, i gere go nako kamu i poto sadaka mego loborona pua ne, tarakenaqa qira aqelo tabo ro ne mana Tunana Sipi ne go.