Maka 8:34 - Vato Vari Vakameka Voru Ia Batu Ne

³⁴ Taramuzina nae Jesu i koru me qira basoero topu ne mana ria disipoloro ia de ikoego igo, “Ṉalu kaki basoe i soko go lulu ava era, ia tina vaqoqore tanuna mana pala koluse ia osina musaqara mana lulu ava era, go tinara disipolo ogoto era go.

Maka 8:34 ပူးပေါင်းရင်းမြစ်များ

Matiu 10:38

Mana ka basoe iki toqe ne kaega vagore na koluse ia mana luluava era gogo ne, iki tora kaega na luluava era.

Matiu 16:24

Gonae Jesu i sine ne qira disipoloro ia, “Ṉalu ka basoe i soko lulu ava era, ia tina vaqoqore tanuna, ina pala koluse ia, mana lulu ava era go.

Matiu 27:32

Ṉalu iri siporo za, iri za soba kameka valeke na Saerina vitoṉona Saimon. Soldia ro iri vatutubo ze ia vagorena koluse ia Jesu.

Maka 10:21

Jesu i reṉa velaka ne valeke ne mana ilete mamaligara ne, iago ivane ia dena, “Kameka so pata iara ko nigo tono zazu ne go. Ono za mana za volivoli ne pataro qo toṉove go, mana kesa na ne ono soso ne qira vano iri situ go, mana aro tono tonovo napua too vavagadona rani ne. Lupo nae aro ono lama mana lulu ava era.”

Maka 7:14

Jesu ikoru qira basoero ne go mara ria lama vavaroṉono va velaka, igo. Ivane qira dena, “Muna gata vavelaka me go tamuna nanao rove go pataro dena.

Luka 13:24

“Ramu muna lete pada ne keba za na siporaṉa suka nae, tanego topu ria iri pada ne, do tina makuru qira keba za na loboro.

Luka 14:33

Gerena napu so ramu,” igo Jesu, “kaega kaki kameka ramu tina disipolo era ṉalu iki tarua kaega pataro i toṉove go.”

Luka 18:22

Ṉalu Jesu i gata pataro dena, i sine ne ia, “Kameka so pata iara ko ni go, tono zazu ne. Ono volivoli ne osina pataro qo toṉove go mana ono teke ne qira vano situ, kesa na patapataro aro, mana aro tono ara pala vavagado tepa rani, mana lama luluava era.”

Luka 20:45

Ṉalu basoero ne iri gatagatae de ikoego ia, Jesu i sine ne qira ria disipoloro ia,

Luka 9:23

Mana i sine napu ne qira, “Ṉalu kaki basoe i soko lulu ava era, ia tina va qoqore tanuna mana pala koluse ia osina musaqara mana lulu ava era.

Tarama Velaka Ia Jesu Kristo I Karo Go Jon 10:27

Sipi ro era, iri gata seko ro era, era qa rove qira, mana iri luluava go,

Tarama Velaka Ia Jesu Kristo I Karo Go Jon 19:17

Loborona zaza ria ne, Jesu i vagore koluse ia mana iri za dokae kaki dia iri vitoṉo ze ‘Kovila na kuzuku’, vano Iburu iri vitoṉo ze ‘Qolqota.’

Zazu Ria Apostoloro 14:22

Iru seko vakaraputa qira basoero iri vaogoto go mana iru seko vatalasara qira, go mara ria vanadua vaogoto ria, iru va rove qira e basoero ne, “Ita tatana soba topu na makuru, go tatana ra keba za go de i koe go vari miasoka ia God.”

Leta Ia Pol I Karo Ne Qira Basoero Na Rom 6:6

Go God tina pero vakuziki ne go karaputana vasakata pata ita, go ita mata kasi seka ia vasakata pata.

Leta Ia Pol I Karo Ne Qira Basoero Na Rom 8:17

Ita qata salero ia God, iago ita tatana toṉove go pataro i toṉove go God ni soti ne qita go ita basoero ia, go tina vamakaolo qita, mana ita napu tatana soti tavisi ze Kristo pataro ni soti bana go ia. Tanego ṉalu ita qata pala tavise go vokara ro ia Kristo, ita napu tatana tonovo tavise kulakula na rani ne.

Kameka Korinti 15:31

Vakitaka ro era, osina musaqara era qa vele le so, ma sine vasadake, tanego, i sauna vari vakameka ita de ikoego Batu ita Jesu Kristo.

Kameka Korinti 8:13

Iago ṉalu pata gege i teke vasakata pata vakitaka aro, era tuniki ara ge kaega, niki go va soru ze vasakata pata vakitaka era.

Kameka Korinti 9:19

Era Pol qa basoe ko talukasa, qaki seka ia kaega ka basoe, do qa basoe seka ria to osiqira basoero, go tuna mazala go tavisi ne qira go tarina vaogote go Kristo.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Qalesia 5:24

Vano iri ke iago Jesu Kristo, iri vae vale bana to ria too na vudu pua dena ni soko go zazu ne na osina pata sakata ro ne.

Qalesia 6:14

Do de qa koego era ne, tuna vazakanapu ne koluse ia Batu ita Jesu Kristo. Tanego pata izazu ne go Kristo ṉalu ile go koluse ne, i sauna to vatovato na vudu pua dena i le bana ne to nanaoqu era mana era qa le palu bana to Kristo. Iago, ma kasi luluna vatovato ia vudu pua dena.

Pilipae 3:10

Pata qa soko go era, rove na mana nanao rove na de go karaputa na too napu ia Jesu tepa le ne. Ma kena tavise vokara ia, mana ma gere ia i le go.

Pilipae 3:7

Do osina pataro nae era qa pala lupo bana, ninidena qa vana valupo neto tanego era qa lulua to Kristo.

Kolosia 1:24

Ṉalu ninidena era qa kula ne vokara qa pala go sauqamu ramu, tanego talupasa na vokara na tokamaqu, era qa tavisi valupo na pata iara ko sivale go vokara ivae go Kristo, i tokamana, go eklesia ne.

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Karua Tesalonika 3:11

Qimu sine pata dena, tanego qimu gata zatu kakia ro basoe iri koego de qamu koego iri muaka ne zazu, iri telo volomo so, do iri poro sine ne qira basoero ne pata ro mara zazu ne go iri go.

Taetusi 2:12

Mana ia God dena ne, ivatatana qita, ego mata vana ne pataro iki totoloṉo ego kaega dekoe God, mana mata kasi lulu na nanao sakata na vudu pua dena. Do mata vatotoloṉe too ita mana lulua soko ia, go God tina kula ne qita.

Iburu 13:13

Iago ita mata za ko tavisi ze ia taramuzina komala lavata ne, go basoero ne tarina vasasakata ne qita, gere na so de iri vane bana go Jesu.

Kameka Pita 4:1

Ṉalu Kristo ikoego pua dena i pala vokara tokamana, iago, ramu napu muna vakaraputa tanuqamu gerena nanao ia ni pala go. Tanego basoe iva vokare go tokamana tiniki lulua kaega vatovato ia vasakata pata.

Kameka Pita 4:13

Do ramu muna kula qamu pala tavise go vokara ia Kristo, go ia ramu tamuna lete kula tavise ia, ṉalu tina sadaka mego karaputa lavata ia God.

Karua Pita 1:14

Era qa rove too era pua dena tiniki umata kaega, gerena Batu ita Jesu Kristo i sine bana nava.

Kameka Jon 3:16

Go tatana rove go ita zazaona mamaligara, Kristo iteke ne qita too ia tanuna. Iago, ita itora mata teke napu ne qira turaqitaro too ita tanuqita.

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.