Maka 8:17 - Vato Vari Vakameka Voru Ia Batu Ne

¹⁷ Do Jesu i rove bana pata iri vari sine ne go, iago i sine napu ne qira, “Avigo tane qamu vari sine ne so koto qamu go ramu pata nae? Avigo qamuki pala kaega ka bureri? Nanao qamu iara koe so rodoko?

Maka 8:17 ပူးပေါင်းရင်းမြစ်များ

Matiu 12:15

Jesu i rove kakiaro basoero iri nanao vae vale na ia, iago i kasi ne de go. Topu basoero iri lulu muzi ne ia, mana i vatavoisi qira basoero iri mokoso go.

Matiu 15:17

Qamuki nanao rove so kaega pata qa seko ne go era? Talupasana iato de, pata i ge go basoe, kenaqana i keba za saqe, gonae i qoqoro za sopa ne taramuzina tina siporo kasi napu na tokamana basoe ne go.

Matiu 16:7

Pasi nae disipoloro ne iri tupia vari sine ne tanuqira, “Jesu i sine pata igogo ne, tanego ita qatiki pala me kaega bureri,” iri go.

Maka 16:14

Valupolupona sadaka ia, Jesu i sadaka qira manoga kameka disipoloro ia, ṉalu iri ṉaṉa go. I lama seko lavata qira, tanego kuzuku qira i losi sakata nanao rove na pata, iato go iriki vaogote go kaega pata iri sine ne qira go basoero iri mia paqale go ia, ni too napu mego.

Maka 2:8

Jesu i rove nanao qira ria, iago i sine ne qira, “Avigo tane qamu taru ze go puṉu qamu nanao sakata igogo nae?

Maka 3:5

Iago Jesu ilete muma ne qira mana ireṉa vale ne qira. Do i nanao ule ule napu ne qira, tanego i makuru bana to tarinara kavale go nanao qira, iago i sine ne valeke ne, “Ono kazara ne karisimu.” Ṉalu i kazara ne, karisina valeke ne i velaka napu to.

Maka 6:52

Tanego iri ara kaebo so nanao rove na ria tane talukasana pata vari vapoloso ni vaṉaṉa qirae go lima mao valeke ro kalima minena bureri. Tanego nanao qira iara kokoqu so.

Maka 8:16

Disipoloro ne iri vari sine ne tanuqira iri go, “Kadigo gata pala kaega ita bureri tanego i sine go ia bureri ne.”

Luka 24:25

Gonae Jesu i sine qiru, “Avana to ka bulaṉoe qaburu, i makuru qaburu vaogoto katikili na osina pataro iri sine go ria propeta ro ne!

Tarama Velaka Ia Jesu Kristo I Karo Go Jon 16:30

Remu qi rove to, aro qo rove osina pata, ka basoe i kone tana do aro qo mazala so sine lukasa kenaqa nena ia, go tinara tana go basoe nae. Ianae to go, remu qi vaogote aro qo reqe me de ikoego God.”

Tarama Velaka Ia Jesu Kristo I Karo Go Jon 21:17

Gonae Jesu i tana napu ne ia vapisana zaza, igo, “Saimon, sale ia Jon, avigo qo mamaligara nava era ba?” Pasi nae Pita i lete maqata, tanego kapisa zaza to, Jesu i tana ne ia, igo, “Avigo qo mamaligara nava era ba?” Iago i vataule ne igo de, “Batue, aro qo rove osina pata, mana qo rove, era qa mamaligara nigo.” Iago Jesu i sine ne ia, “Ono miasoka velaka qira sipi ro era.

Revaleson 2:23

Mana ria iri lulua go ia, era tuna vae vale lupo qira, go osiqira basoero na eklesia ne tarina rove, era qa rove lupo osina nanao ro ria mana pataro iri soko go. Era tuna teke vaule ne ia lepulepu i tora go kebu ro ia.