Maka 7:15 - Vato Vari Vakameka Voru Ia Batu Ne

¹⁵ Pataro i reqe go tepa peka dena mana keba za loborona basoe gogo ne, iki vakore kaega basoe. Do pataro i reqe me loborona basoe mana siporo me peka dena, tane ivakore go basoe.

Maka 7:15 ပူးပေါင်းရင်းမြစ်များ

Matiu 12:34

Qamu gere dole ne, i makuru qamu to sine na kaki pata velaka tanego nanao qamu i purake nanao sakata. Pataro i purake go puṉuna basoe tane i vasadake go ṉalu i seko go.

Matiu 15:16

Jesu i sine ne qira, “Ke! Disipoloro era nanao qamu i varitora so nanao qira basoero nae go.

Maka 7:14

Jesu ikoru qira basoero ne go mara ria lama vavaroṉono va velaka, igo. Ivane qira dena, “Muna gata vavelaka me go tamuna nanao rove go pataro dena.

Maka 7:16

Ka basoe i ko qeqele na mara gata seko ro dena.”

Zazu Ria Apostoloro 10:28

Pita i sine ne qira, “Ramu tanuqamu do qamu rove velake vano Jiu i tabo e tamana ria tarina tove ba ko tavisi qira vano iriki Jiu go kaega. Do God iva mia ve era, go makasi nanao vakakata ne basoe ṉalu i dalo, ba ṉalu iki dalo go kaega.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Kameka Korinti 10:25

Ramu qamu talukasa ne so gena miti ro iri volivoli ne ze go de volivoli ro. Iago ikaega so kapata na tamuna ge ze go miti ro nae.

Taetusi 1:15

Basoe i velaka go nanao na, i rove osina pata i velaka mana i tora vazazu na go. Do basoe iki velaka go kaega nanao na, mana iki vaogote kaega God, i rove osina pata iki velaka kaega. Iago basoe nae ne, nanao na mana vatovato ia gogo ne i sakata lupo bana to.

Iburu 13:9

Niki vamao ne varivatatana poqepoqe ro, niki pala va riro qamue zuka totoloṉo ne. I pata velaka Mana ia God qata koego i teke ne karaputa velaka puṉuqita, iato dena pata i tavisi ne qita, tanego lulu na tamana na patagege na ge go ba pata gege niki ge go kaega, iki tavisi so kaega.

Iburu 9:10

Tamana ro dena i patana so pekapeka na basoe, zazaona pata gege, besi, mana de go va vadalo, tamana ro dena tina ko go na doka ṉalu God tina kavale osina pataro mana tina va voru lupo go.