Maka 5:35 - Vato Vari Vakameka Voru Ia Batu Ne

³⁵ Pasi iara sekoseko so Jesu, iri lama doka to kakiaro basoero iri reqeme pade ia Jairus mana iri sine ne Jairus, “Sale qole aro i le bana to, iago oniki aro vanula ne valeke vari vatatana ne.”

Maka 5:35 ပူးပေါင်းရင်းမြစ်များ

Matiu 26:10

Do Jesu i rove pata iri vari sine ne go, iago i sine ne qira, “Avigo tane qamu seko vasakate go qole nae, pata velaka so i zazu ne ze go de qa koego era, qole dena.

Matiu 26:18

Jesu i sine ne qira, “Zae komala lavata ne, za mia valeke qa rove go era, mana sine ne, ‘Valeke vari vatatana ne igo, ṉalu era i garogaro to, iago era mana disipoloro era timuna ge ze pata gege na Pasova dena loborona pade aro.’ ”

Matiu 9:18

Torana iara seko go Jesu i lama kakia batu ria vano Jiu, i koloku tutuṉe tarakenaqana Jesu mana igo, “Sale qole era iara le aqe so, do ono lama sapu ze aro karisimu mara too napu.”

Maka 10:17

Ṉalu Jesu i vele zaza, kameka valeke vavagado i lama koloku tutuṉe tarakenaqana Jesu mana i tana ne igo, “Valeke vari vatatana velaka, avana to pata tuna zazu ne go era go tuna pala go too gado kutona i kaega.”

Maka 5:22

Gonae kameka valeke vitoṉona Jairus iza lama, valeke dena i batu na Pade Lotu ria vano Jiu. I lama koloku tutuṉe tarakenaqana Jesu.

Luka 8:49

Iara sekoseko so Jesu, i lama kameka valeke i lama sine ne Jairus, “Sale qole aro i le to, iago oniki ara va nula ne valeke vari vatatana ne,” igo.

Tarama Velaka Ia Jesu Kristo I Karo Go Jon 11:21

Mata i vane de Jesu, “Batu, ṉalu go to ko bana go aro, vavaniqu taraki le bana kaega!

Tarama Velaka Ia Jesu Kristo I Karo Go Jon 11:25

Do Jesu i sine ne ia, igo, “Era to qa mazala go vatoo na basoe mana teke ne too go. Ka basoe i vaogoto ava go era, patavolomo i le, ia tina pala too i ko sivala go,

Tarama Velaka Ia Jesu Kristo I Karo Go Jon 11:28

Taramuzina i sine lupo ne Jesu sekoro dena, Mata i ule za pade ne. I koru mikia Maria mana i sine ne ia, “Valeke vari vatatana ne i lama, mana i tana nigo aro go.”

Tarama Velaka Ia Jesu Kristo I Karo Go Jon 11:32

Gonae Maria i za dokae de ikoego Jesu, mana ṉalu i mia soba ia, i sorue makena Jesu mana igo, “Batu ṉalu go to ko bana go aro, vavaniqu taraki le bana kaega!”

Tarama Velaka Ia Jesu Kristo I Karo Go Jon 11:39

Jesu i sine ne qira, “Ikolo vakuziki ne ipaka ne.” Do Mata, vavanina Lazarus igo de, “Batu, pasi dena i noli bana to, tanego i sapu bana neto kavasi musaqara.”

Tarama Velaka Ia Jesu Kristo I Karo Go Jon 5:25

Ma sine ne qamu pata ogoto, tinara lama doka ṉalu, mana ṉalu nae i lama doka bana to, ṉalu vano le tarina gata ovaṉa na Tuna God, mana ria iri gata go tarina too ule napu me tepa le.