Maka 5:22 - Vato Vari Vakameka Voru Ia Batu Ne

²² Gonae kameka valeke vitoṉona Jairus iza lama, valeke dena i batu na Pade Lotu ria vano Jiu. I lama koloku tutuṉe tarakenaqana Jesu.

Maka 5:22 ပူးပေါင်းရင်းမြစ်များ

Matiu 2:11

Mana ṉalu iri keba za pade ne, iri zamia qiru tamasina Maria, iri koloku tutuṉu iri vabatua Jesu, gonae iri papaqa pata vavagado ria, iri sosovolomo ne Jesu qolu, tala i nonoli velaka mana lodu i nonoli velaka ṉalu iri subia go.

Maka 5:33

Qole ne i rove to pata i doka go, iago i lamae de ikoego Jesu, i sareki mana i nenedere, i lama koloku tutuṉu e tarakenaqana Jesu mana i sine ne ia pata ogoto i doka go.

Maka 5:38

Ṉalu iri lama dokae go pade ia Jairus, Jesu i mia qira basoero iri dae qanaqana valavata mana iri maqata.

Luka 13:14

Ṉalu valeke batu na Pade Lotu ne i mia Jesu iva velake go qole ne musaqara Sabat i lete muma i koru me, mana i sine ne qira basoero ne igo, “Iko bana so kaonomo musaqara qata mazala go zazu, iago muna lama musaqara ro nae go mara vole qamu, do musaqara Sabat kaega.”

Luka 5:8

Ṉalu Saimon Pita i mia pata i sadaka go, i koloku tutuṉue tarakenaqana Jesu igo, “Kasi nava era Batu, era qa valeke vasakata pata.”

Luka 8:28

Pasi i miasoba Jesu, i dae valavata mana i sorue tarakenaqa na makena Jesu, i koru valavata igo, “Jesu Sale ia God ni lete zakazaka go, avana tane qo soko ve go era? Qa pene go oniki va kimata ava.”

Zazu Ria Apostoloro 13:15

Taramuzina iri toere Tamana ia Mosese mana karo ria propetaro ne. Ria batuna ro Pade Lotu ne iri sine ne qiru, “Karua vakitaka remu, ṉalu ikone qaburu seko vakaraputa de iri koego basoero dena, remu qimu soko raburu buruna sekoe de iri koego.”

Zazu Ria Apostoloro 18:17

Basoero ne iri pala Sostinesi, ia ni kenaqa ne go Pade Lotu ria vano Jiu, mana iri vari sima ze ia, tarakenaqana pade varitanae ne. Do Qalio, iki va kapata so kaega pata iri zazu ne go.

Zazu Ria Apostoloro 18:8

Kripus vitoṉona valeke ni kenaqa nego Pade Lotu ria vano Jiu, i vaogote Batu ne, osiqira to ria tatamana ro, mana topu napu ria basoero na Korint iri gata Tarama Velaka ia Batu ne iri vaogoto mana iri bapitema go.

Revaleson 22:8

Era, Jon, tane qa gata mana qa mia go osina pataro dena. Ṉalu qa gata mana qa mia lupo go pataro dena, qa koloku tutuṉue tarakenaqana aqelo ne, go ma vabatua, qa go.