Maka 4:8 - Vato Vari Vakameka Voru Ia Batu Ne

⁸ Do kakiaro paturu ro ne iri sorue to pua velaka, iago iri podo velaka mana iri ure velaka, kakiaro ipisaṉaulu to ure qira, kakiaro ionomo ṉaulu, mana kakiaro i kameka vasa to ure qira go.”

Maka 4:8 ပူးပေါင်းရင်းမြစ်များ

Matiu 13:23

Mana paturu ro iri soru ego pua velaka i gere qira to ria iri gata go Tarama Velaka ia God mana iri nanao rove go, iri ure kakiaro kameka vasa, kakia ro onomoṉaulu mana kakiaro pisaṉaulu go.”

Matiu 13:8

Do kakiaro paturu iri sorue pua velaka, iri podo velaka mana ure velaka go, kakiaro i kameka vasa urena, kakiaro onomoṉaulu mana kakia ro pisaṉaulu go.”

Maka 4:20

Do paturu i sorue go pua velaka ne, igere qira to vano iri gata seko ia God iri toqe velaka ne go. Iago, kakiaro ipisaṉaulu to urena mana kakiaro onomoṉaulu, mana kakiaro i kameka vasa to urena go.”

Maka 4:7

Kakiaro paturu ro ne iri sorue to sasaniqa iri koego qolo paqoro ne, iago qolo paqo ro ne iri pipisi vale qira ia go podo kaega iri go.

Maka 4:9

Valupolupona nae Jesu i sine ne qira igo, “Osiqamu ikone qamu qeqele muna gata va velake to.”

Luka 8:15

Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”

Luka 8:8

Mana kakiaro iri sorue pua velaka, iri podo velaka mana iri ure velaka go, kakiaro i kameka vasa to urena.” Mana Jesu i sine napua igo, “Gata! Ṉalu go iko qeqele qamu.”

Tarama Velaka Ia Jesu Kristo I Karo Go Jon 15:5

Era to qa moki na vino, mana ramu to paqapaqarana ro, basoe iko vanadue de qa koego era, era qa koe de ikoego ia, mana ia ne tina ureure go, tanego i makuru qamu vapuro na kapata, ṉalu qamuki ko vanadue kaega de qa koego era.

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Zazu Ria Apostoloro 17:11

Basoero na de gogo ne nanao qira i velaka sivala ne nanao qira vano Tesalonika. Iri lete soko gatana tarama ia Pol. Gonae iri lete gata vavelake mana osina musaqara iri toere tarua mana lukase pata ni sine go Buka tabo ne mana pataro i sine go Pol i ogoto sivala go.

Epesus 2:21

Mana tanuna to Kristo i vari palataru ne go osina ro vari somana pade nae mana i vazazao popoka go mara kameka pade lotu tabo ia God.

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Kolosia 1:6

Tarama Velaka i valame tarua makaolo mana i zadavae kolabana pua ne, gere na so de igogo lama doka kenaga i vae go de gamu koego. Ramu, qamu gata go de igogo Mana ia God, mana gamu rove go pata i ogoto go.