Maka 3:7 - Vato Vari Vakameka Voru Ia Batu Ne

⁷ Jesu mana disipoloro ia iri kasi ne komala nae mana zae masi pipikana Qalili, mana topu sasakata basoero iri zaza muzi nego ia. Basoero dena iri reqe me karua kena, Qalili mana Judia.

Maka 3:7 ပူးပေါင်းရင်းမြစ်များ

Matiu 10:23

Ṉalu iri vasasakata qamue kaki komala, katikili kasi ne, mana za napue kaki komala go. Masine ne qamu pata ogoto, tamuniki valupo kaega zazu ramu loborona ro komakomala na ro Izirel do era Tuna basoe tuna za ule me.

Matiu 12:15

Jesu i rove kakiaro basoero iri nanao vae vale na ia, iago i kasi ne de go. Topu basoero iri lulu muzi ne ia, mana i vatavoisi qira basoero iri mokoso go.

Matiu 12:16

Mana i sine va moqere ne qira, tariniki pepeu ne kakia basoe sauna tanuna.

Matiu 4:25

Topu sasakata basoero iri muzi ne go Jesu, iri reqe me Qalili, Dekapolis, Jerusalema, Judia mana kaki tepa Jordan.

Maka 1:39

Iago, i zaza gozato osina dia komala ro iri koe go liqutu na Qalili. Jesu itamanae to loborona Pade Lotu ro ria mana ikakale vakuziki ne qira manuru sakata ro i siqana qira go basoero ne go.

Maka 1:45

Do valeke ne iza tarama ze osina dia igoe go, iago sauna to ianae i makure Jesu za sadaka na komala ro iri koego basoero topu ne. Iago Jesu ikoe so de iriki koego kaega basoero ne. Do basoero ne ara lama mia so iri go.

Maka 3:20

Gonae Jesu i gado ule za pade ne. Pasi nae topu sasakata basoero iri lama teṉokolo go ia. Gonae ria disipoloro ne mana tanuna Jesu go i kaega ne qira to ka ṉalu go tarina ṉaṉa go.

Maka 4:1

Jesu i vari vatatana napue rikisina masi pipika na Qalili. Topu sasakata basoero iri lama teṉo kolo ia. Iago Jesu i za kolokue loborona kameka koluka, mana basoero ne iri degere so rikisi karakoni na masi ne.

Luka 23:5

Do basoero ne iri seko vakaraputa napu zaqe, “Vari vatatana ia valeke nae i vatupia to vari vapera ne qira basoero na osina dia loborona Judia. I vatupi bana ze Qalili mana ninidena i lama doka napu eto dena.”

Luka 6:12

Ṉalu igogo ne Jesu i popoka za kaki kubolo go tina za pene, mana lodana kuse nae ia i pene God.

Luka 6:17

Ṉalu Jesu i qoqoro me kubolo ne, i lulu qira apostoloro ia, i za degere kaki dia i nabo mana topu ria disipoloro ia iri ko tavisi de go. Topu sasakata basoero iri koe de igogo ne, iri reqe me osina dia tepa Judia mana Jerusalema, mana karua komala iri koe rikisi masi, Taia mana Saidon.

Tarama Velaka Ia Jesu Kristo I Karo Go Jon 7:41

Kakiaro iri go, “Iato i Mesia go, do kakiaro iri go, Mesia ne, tiniki reqe me kaega Qalili!”

Tarama Velaka Ia Jesu Kristo I Karo Go Jon 7:52

Batubatu ria vano Jiu, iri vataule ne ia, “Avigo aro qo valeke na Qalili? Toere mana nanao luluse Buka tabo ne, tono mia, kaega kaki propeta lavata tina reqe mego Qalili.”

Zazu Ria Apostoloro 17:10

Kuse na so nae, vano lotu iri turi ne qiruaqe Pol mana Banabasi komala Berea. Ṉalu iru za dokae go Berea iru zae Pade Lotu ria vano Jiu.

Zazu Ria Apostoloro 17:14

Gonae vano lotu iri katikili turi ne zaqe Pol tepa babatena ne. Do Saelas mana Timoti iru koe Berea.