Maka 2:20 - Vato Vari Vakameka Voru Ia Batu Ne

²⁰ Do iko ṉalu na tarina pala vakuziki ne ze to ia de iri koego ria, ṉalu nae to ria tarinara qaniqani go.

Maka 2:20 ပူးပေါင်းရင်းမြစ်များ

Matiu 26:31

Gonae Jesu i sine ne qira, “Kuse ninidena so osiqamu tamuna paqa kasi lupo nava era, tanego Buka tabo ne i sine bana, ‘Era tuna vae vale valeke miasoka sipi, mana sipi ro ia tarina soso vari paqae lupo.’

Matiu 9:15

Jesu igo, “Avigo, qamu nanao ria iri lama kotavisi go ṉaṉa vari va busi ne tarina maqata, ṉalu iara ko tavisi qira go valeke busi voru ne ba? Kaega! Ṉalu tarina pala vakuziki ne qirae to valeke busi voru ne, ṉalu nae to iri ara mazala go qaniqani go.

Maka 2:19

Jesu ivataule ne qira igo, “Qamu nanao qamu mazala va qaniqani qira basoero iri lama kotavise go ṉaṉa na vari vabusi ne? Kaega! Ṉalu valeke busi ne iara ko tavisi qira go vakitaka ro ia, iki tora kaega ria tarina qaniqani go.

Maka 2:21

Iki tora kaega kaki basoe tina pala go taridakana poga voru ne mana sira komu ze go poga bana ne. Ṉalu tina gogo nae ara lete ridake to poqa bana ne.

Luka 17:22

Conae i sine ne qira disipoloro ia, “Kaki kameka ṉalu tinara lama go, ramu tamuna lete soko to mia ava era Tuna basoe, do tamuniki miasoba so kaega.

Luka 5:35

Ṉalu na iko, ia tina pala vakuziki neze de in koego valeke busi voru, mana ṉalu nae to tarinara qaniqani go.”

Tarama Velaka Ia Jesu Kristo I Karo Go Jon 12:8

Basoero situ, tarina koe deqamu koego osina ṉalu, do era tuniki ko tavisi qamu kaega osina ṉalu.”

Tarama Velaka Ia Jesu Kristo I Karo Go Jon 13:33

Salero era, tuniki kotavisi vaumata qamu kaega. Ramu tamuna taqiava era, seko qa sine bana ne qira go batubatu ria vano Jiu ne, ma sine napu ne qamu, ‘I makuru qamu garetu na de tuna zae go era.’

Tarama Velaka Ia Jesu Kristo I Karo Go Jon 16:28

I ogoto era qa reqe me de koe Mamae, mana qa lamae kolabana pua dena, iago tuna kasi ne kolabana pua dena, mana ule za de i koego Mamae.”

Tarama Velaka Ia Jesu Kristo I Karo Go Jon 16:7

Do ma sine ne qamu pata ogoto, i velaka to era tuna zaza go, tanego ṉalu tuniki zaza go kaega era, Spirit tabo, basoe vari tatavisi ne tiniki lama ne qamu kaega. Do ṉalu era tuna zaza go, era ṉara turine mego.

Tarama Velaka Ia Jesu Kristo I Karo Go Jon 17:11

Era tuna gado atu to, tuniki koe kaega vudu pua dena, do ria de tarina koe vudu pua de. Mamae, aro qo Tabo go! Bara ne qirae karaputa na vitoṉomu, iato vitoṉo qo teke nava go era, go ria tarina kameka so, gere qituru ituru qaturu kameka go.

Tarama Velaka Ia Jesu Kristo I Karo Go Jon 17:13

Era tuna gado atu to. Qa sine sekoro dena, pasi qara koe vudu pua dena, go ria tarina kula gerena so de igogo kula qu era.

Tarama Velaka Ia Jesu Kristo I Karo Go Jon 3:29

Ṉalu kaki valeke i ara busia kaki qole, qole nae i ke iato valeke nae, do vakitaka ia valeke ni busi go i lama ko garogaro mana gatagata go, ia tina lete kula sivala ṉalu tina gata go seko na valeke busi ne. Tina go napu so kula era go.

Zazu Ria Apostoloro 1:9

Taramuzina i sine ne qira sekoro dena, iri mia ria God ipala vapopoka za Jesu rani ne, i lama kameka toba i vamidiki ne ia, mana iriki mia to kaega ia.

Zazu Ria Apostoloro 14:23

Nogotona komala ne, iru vine qira kazigarata ro tarina kenaqa ne lotu, iri pepene, iri qaniqani mana iri teke ne too ria de ikoego Batu ne, tanego de i koe ia, iri taru ze vaogoto ria.

Zazu Ria Apostoloro 3:21

Ia tina koeso rani ne, go tina doka so ṉalu osina pata tina va vorua go, gerena so God ni sine bana ne qira go ria propeta tabo ro ia ṉalu bana ne.

Kameka Korinti 7:5

Ramu qamu vano busi, kasi va makuru na tokama qaburu, ṉalu kakia i va kaega tokamana, go mara pepene igogo ne, i velaka so, taramuzina nae qaburu mazala kameka kamuku napu. Ṉalu tamuna zazu ne to iadena, ramu tamuna vasivala ne pada ro ia Satana, tanego qaburu ki karaputa kaega, niki go velaka raburu za kuziki.

Karua Korinti 11:2

Era qalete nanao qamu gerena God i lete nanao qamu go ramu. Ramu qamu gere kameka qole i lete dalo sivala, mana era tane qava tamatura ze ia kameka valeke nae, iato valeke nae tanuna to Kristo.

Karua Korinti 11:27

Qa zazu vokara topu na ṉalu, qaki kamuku kaega, qaki ṉaṉa kaega mana qa kaṉoso go, topu na ṉalu i kaega nava pata gege, pade, ba poga tuna vazao go.

Karua Korinti 6:5

Iri sima qemu, iri taru qemue bara ne, mana basoero topu iri varitarae de qimu koego, qi zazu sivala qimuki kamuku velaka kaega, mana ṉaṉa velaka kaega go.

Revaleson 19:7

Ita mata kula mana gasi, mata vazakazaka vitoṉona ia! Tanego ṉalu ia Tunana Sipi ne tina busi go, i lama doka to, mana qole ia i vanama napu neto busi riru go.

Revaleson 21:9

Kaki kameka aqelo i za lamae de qa koego era, aqelo dena iato vavituna go aqelo i pala bana go ebata lavata i purake go vavituna pata vari va makuru ne. Gonae igo dena, “Lama go ma vamia goe era qole ia Tunana Sipi niara busia go.”