Maka 16:20 - Vato Vari Vakameka Voru Ia Batu Ne

²⁰ Taramuzina to nae, disipoloro ne iri za tamana zeto osina dia Tarama Velaka, mana Batu ne i zazu tavisi qira mana tamanaro ria i lama ogoto ṉalu iri zazu ne go topu pata vari vapoloso ro, i reqeme go karaputa ia.

Maka 16:20 ပူးပေါင်းရင်းမြစ်များ

Maka 16:19

Taramuzina Jesu Batu ne i seko tabe lupo qira disipoloro ia ne, God i pala vapopoka zaqe Jesu rani ne, mana ia iza kolokue tepa matauna God Tamana.

Luka 1:1

Ke! Tiopilus. Era qa mia ria iri pada ne karo na pepeu na, deni gogo pataro isadaka e de qata koego ita.

Luka 1:2

Iri karo va lulu ze so, pataro iri sine bana ne qita go, ria iri za mia bana mego, kokoso va tupiana na me, mana ria iri vasadake go seko ro dena.

Zazu Ria Apostoloro 14:3

Do Pol mana Banabasi iru seko vakaraputa sauna Batu ne, mana iru ko vaumata qe Ikonium, iri tarama ne Mana ia God. Batu ne iteke qiru karaputa go iru zazu ne go zazu vari vapoloso ro mana zazu vari vanureke ro go.

Zazu Ria Apostoloro 4:30

Ono vasadaka me karaputa aro, go mara va velaka qira vano iri mokoso, mana vamao qemu go di zazu ne zazu vari vapoloso, mana zazu mazala ro mara sadake vitoṉo tabo na Jesu valeke zazu aro.”

Zazu Ria Apostoloro 5:12

Topu na zazu mazala ro mana zazu vari vapoloso go, iri vasadaka ze de iri koego basoero ne, ria apostoloro ne. Osiqira vano iri vaogoto go iri vari sobae tepe na pade ia Solomon.

Leta Ia Pol I Karo Ne Qira Basoero Na Rom 15:19

Ia ivazazua karaputa na lala mana pata vari vapoloso i palua go karaputa ia Spirit tabo. Iago, osina dia qa zae go, reqe Jerusalema za dokae Ilirikam, qa vasadaka lupo ze tarama velaka ia Kristo.

Karua Korinti 6:1

Loborona zazu vari vakameka remu de ikoego God, remu qi pene vakaraputa qamu, ramu qamu pala go too velaka ia God mara kasi vana volomo.

Iburu 2:3

Iago avigo? Mata paqa ne, tanego qatiki mia rove kaega vari vakavele lavata ne? Tanuna Batu ne i sine vasadaka kenaqe go vari vakavele dena, mana ria iri gata bana go, iri vasadake go i pataogoto bana.

Iburu 2:4

Tanuna God i vakaraputa napua seko dena loborona ro zazu mazala ro mana zazu vari vapoloso go, mana kenakena na sosovolomo i reqe me Spirit tabo de koe basoero i soko go tanuna.