Maka 16:17 - Vato Vari Vakameka Voru Ia Batu Ne

¹⁷ Vano vaogoto, God tina teke ne qira karaputa go tarina kakale qira go manuru ro loborona vitoṉoqu era, mana tarina seko ne sekoro kakavata go.

Maka 16:17 ပူးပေါင်းရင်းမြစ်များ

Maka 9:38

Jon ivane dena Jesu, “Valeke vari vatatana, remu qimu mia kaki valeke iva zazua vitoṉomu aro go i kakale ze go manuru sakata ne, do remu qi sine ne mara mamanava, tanego iki ko tavisi qita kaega.”

Luka 10:17

Ria vituṉaulu karua basoero iri ule me, mana iri lete kula, “Batu,” iri go, “manuru sakata ro ne do, iri vaogoto qemu, ṉalu qimu kakale qirae go vitoṉo mu aro!”

Tarama Velaka Ia Jesu Kristo I Karo Go Jon 14:12

Ma sine ne qamu pata ogoto, basoe i vaogoto ava era, tina zazu napu neso pataro qa zazu nego era. Ove to! Ia tina zazu ne kakiaro pata tina sivala ne zazu ro qa zazu bana ne go, tanego era qa zae de koe Mamae.

Zazu Ria Apostoloro 10:46

Tanego iri gata qira iri seko ne soso seko kakavata, mana iri vazaka karaputa ia God. Pita i seko me igo,

Zazu Ria Apostoloro 16:18

Qole seka ne, i sine tarua so seko ro dena, osina ro musaqara, Pol gonae i vasasakate to gata na seko ni sine go qole ne, i tabali mana i sine ne manuru ne, “Loborona vitoṉo na Jesu Kristo, qa sine nigo ono siporo kasi ne qole nae!” Torana so nae manuru sakata ne i siporo kasi ne qole ne.

Zazu Ria Apostoloro 19:6

Pol i siba qirae karisina mana Spirit tabo i lama e de iri koego, iri seko ne soso seko ro iriki rove bana go kaega, mana iri sine vasadake Tarama Velaka ia God.

Zazu Ria Apostoloro 2:33

I za koe karisi matauna God Tamana mana i tonovo ze de ikoe ia Spirit tabo, gerena, i pui bana ne go ia. Iago, pata qamu mia mana gata qamu gogo nini dena ia to sosovolomo ia Jesu, i zeleme ze de qamu koego ramu.

Zazu Ria Apostoloro 5:16

Mana topu sasakata basoero iri lama, iri reqe me komakomala rikisina Jerusalema, iri pala qira me vano mokoso, mana ria i pala qira go manuru sakata ro, gonae osiqira ne iri tavoesi lupo.

Zazu Ria Apostoloro 8:7

Manuru sakata ro, iri koru valavata mana iri siporo kasi ne qira basoe topu ro ne, vano i pala qira mokoso, i makuru qira zaza, mana vano taveqo go, iri velaka lupo.

Kameka Korinti 12:10

De koe kaki basoe, Spirit tabo i teke ne karaputa go tina zazu ne zazu vari vapoloso. Kene basoe i teke ne karaputa go tina sine vasadake tarama ia God, kene basoe i teke karaputa go i mazala mia rove na sosovolomo ro ia spirit velaka ba spirit sakata go. Kene basoe napu i teke karaputa go i mazala seko ne seko kakavata ro. Kene basoe napu i teke ne karaputa go i mazala sine lukase na seko ro igogo ne.

Kameka Korinti 12:28

Loborona eklesia ne, God i taru qira koko na basoero. Kenaqa na i taru qirae ria apostoloro, varuana ria propeta ro, vapisana ria vano vari vatatana, mana ria iri zazu nego zazu vari vapoloso ro, kakiaro vano iri mazala go vole va velaka qira go vano mokoso, kakiaro vano iri mazala tavisi ne qira basoero, mana kakiaro iri mazala seko ne seko kakavata ro.

Kameka Korinti 12:30

ba vole va velaka qira vano mokoso, ba seko ne seko kakavata ro, ba sine lupase ne seko kakavata ro igogo ne.

Kameka Korinti 13:1

Qa mazala so seko ne, seko ria basoero mana seko ria aqelo ro, do ṉalu qaki mamaligara ne qira kaega basoero ne, seko ro era i vari vaiqi gere so naki na kuvili, ba moki lubilubi iri lubia go.

Kameka Korinti 14:2

Ria iri seko ne seko kakavata, iriki seko tabe kaega basoe, tanego i makuru gata lupase na, do iri seko tabe God. Iri seko ne pata ogoto ni ko pipika go mana iri vazazua karaputa ia Spirit tabo.