Maka 16:16 - Vato Vari Vakameka Voru Ia Batu Ne

¹⁶ Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi.

Maka 16:16 ပူးပေါင်းရင်းမြစ်များ

Matiu 28:19

Iago muna zae osina dia vudu pua dena, mana sine qira basoero ne mara lulu ava era. Muna bapitema qirae vitoṉo na Tamana mana Tuna mana Spirit tabo go.

Maka 1:15

Igo dena, “I lama doka to ṉalu Too ikoego vari miasoka ia God ilama ko garogaro to! Muna nanao ule mana vana ne vasakata pata ro ramu mana vaogote Tarama Velaka!”

Luka 8:12

Keni sorue go zuka ne, ria to basoero iri gata go seko ia God do ṉalu i lama Satana, i lama pala vakuziki ne ze puṉuqira, go tariniki vaogoto mana za kavele go kaega.

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Tarama Velaka Ia Jesu Kristo I Karo Go Jon 3:5

“Masine nigo pata ogoto,” igo Jesu, “ṉalu ka basoe iki podo e kaega besi mana Spirit tabo gogo ne, basoe nae tina makure keba zana Too ikoego vari miasoka ia God.

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Tarama Velaka Ia Jesu Kristo I Karo Go Jon 6:29

Jesu i vataule ne qira, “Pata i soko God ne, muna vaogoto ava era, tanego God i turi nava go era.”

Tarama Velaka Ia Jesu Kristo I Karo Go Jon 6:35

Do Jesu i sine ne qira igo, “Era to qa bureri na too, ka basoe i lama va era tiniki ara saqo kaega, mana ka basoe i vaogoto ava era tiniki ara kaṉoso kaega go.

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Tarama Velaka Ia Jesu Kristo I Karo Go Jon 8:24

Iato go qa sine ne qamu, tamuna le ne sauna vasakata pata ro ramu. Ṉalu qamuki vaogoto ava kaega, ‘Era To Qa Basoe Qa Ko Osina Ṉalu,’ ramu tamuna le, tanego vasakata pata ramu i ko taru so.”

Zazu Ria Apostoloro 10:43

Osiqira ria propetaro iri seko bana ne ia, osiqira basoero iri vaogote go loborona ia, vasakata pata ro ria tina talukasa lupoe loborona karaputa na vitoṉo na ia.”

Zazu Ria Apostoloro 13:46

Do Pol mana Banabasi iru seko vakaraputa iru, go dena, “I torato raru taruna tamana kenaqa qamue ramu seko ia God. Do ramu qamu vasadake to qamu kasia pataro dena, iago iki tora bana qamu to kaega pala na too gado kutona ikaega. Ia go raru maru kasine qamu mana zae de iri koego vano iriki Jiu go kaega.

Zazu Ria Apostoloro 2:38

Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu.

Zazu Ria Apostoloro 2:41

Topu ria iri vaogote go seko ia iri bapitema, mana torana pisamao ria iri lama vatopu napu qira vano iri vaogote go Jesu musaqara nae.

Zazu Ria Apostoloro 22:16

Avigo qo ara piri vaumata go? Degere mana bapitema, go vasakata pata ro aro mara talukasa lupo, ṉalu aro qo pepene e loborona vitoṉo na Batu ne.’ ”

Leta Ia Pol I Karo Ne Qira Basoero Na Rom 3:6

Kaega! Ṉalu God tariki totoloṉo go kaega, ava tina gogo tina vari tanae napu ne qira go vano basoe na vudu pua ne.

Leta Ia Pol I Karo Ne Qira Basoero Na Rom 4:24

Do iri karo napu ne qita to ita go. Tanego God i toqe ne qita qata totoloṉo ṉalu qata vaogote ia, i vatoo napu me Batu ita Jesu Kristo tepa le ne.

Karua Tesalonika 1:8

tina pala me nako ugulu, go tina vakimata qira basoero iri legulegua go God, mana ria iriki lulua kaega Tarama Velaka ia Jesu Kristo Batu ita go.

Karua Tesalonika 2:12

Ureṉa vatovato nae, osiqira basoero iri ki lulua go kaega seko ogoto ia Jesu Kristo, mana iri kula ne luluna vatovato sakata gogo ne, God tina tulaṉa vale ne qira.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Pita 3:21

mana besi dena i lalana bapitema iva kavele qamue go God. Sauna bapitema dena iki besi saboro va dalo na kaega korena tokama, do i sauna go muna zazu ne pui de ikoego God, ireqe mego nanao velaka ramu, mana iato i vakavele qamue go loborona too ivae napu me tepa le Jesu Kristo.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”