Maka 13:5 - Vato Vari Vakameka Voru Ia Batu Ne

⁵ Jesu i sine qira, “Muna miasoka mara kasi vaqalo qamu.

Maka 13:5 ပူးပေါင်းရင်းမြစ်များ

Maka 13:4

“Sine ne qemu, ava ṉalu to tina lama sadaka go pataro dena, mana avana lalana go tina sadaka go timuna mazala go mia rove zego remu lama sadaka na pataro nigogo ne.”

Maka 13:6

Tanego topu basoero tarina vazazua vitoṉoqu era mana tarina sine, ‘Era to qa Kristo!’ Mana tarina pala vasoru qira basoero topu.

Luka 21:8

Jesu i sine ne qira, “Muna miasoka, mara kasi va qalo qamu, tanego topu ria basoero ne tarina va zazua vitoṉoqu era, mana tarina sine, ‘Era to qa Kristo! Osina pata i lama doka to!’ Do muniki vaogoto qira.

Kameka Korinti 15:33

Miasoka iri niki go poqe qamue seko dena, “Ṉalu qata kameka zazu tavisi qira vano sakata, iri mazala vasakate na vatovato velaka ita.”

Epesus 5:6

Kasi toqe ne na basoe go mara vasoru qamue go seko bulabulaṉoe ro. Tanego pataro dena to tina valame go muma ia God, de iri koego ria iriki lulua go kaega vatovato ia.

Kolosia 2:8

Iago muna miasoka tanuqamu, go tariniki va seka qamue kaega tarove volomo na vudu pua dena, i reqe me vari vatatana ria basoero iri pepeu vari soma me, i lulua go tarove na pua dena, iki reqe me kaega Kristo.

Karua Tesalonika 2:3

Muniki vamao ne qira basoero ne mara poqe qamu, tanego musaqara muzimuzi tiniki lama volomo kaega. Kenaqana ne basoero ne tarina varitarae de ikoego God, mana basoe iri vitoṉo ze, “Basoe vae tamana”, tina za lama kenaqa napu go. Basoe nae to, God tina lete vasakate go.

Kameka Jon 4:1

Ramu turaquro kasi vaogoto qira basoero iri go, iri toṉove Spirit tabo. Do muna pada mana mia va velake ṉalu go Spirit iri toṉove go ireqe ogoto me de ikoe God. Tanego topu propeta poqepoqe iri zaza goe to osina dia.