Maka 13:27 - Vato Vari Vakameka Voru Ia Batu Ne

²⁷ Ṉalu nae era tuna turine qira aqeloro, tarina zae osina dia kolabana vudu pua, go tarina pala teṉo me qira basoero ia God iri koego kavasi maqana vudu pua ne.”

Maka 13:27 ပူးပေါင်းရင်းမြစ်များ

Matiu 12:42

Ṉalu musaqara God tina zazu nego vivine ia, qole batu na Seba tina degere mana sine vasadake ramu basoero na ninidena qamu lete kebu, tanego qole batu na Seba i lete ko valaqalaqa, do ia i lama mana igata seko tarove ro ia batu lavata Solomon, do masine ne qamu i kogo dena kaki pata i lete lavata sivala ne Solomon.”

Matiu 13:41

Era Tuna basoe tuna turine qira aqelo ro era tarina za pala vakuziki ne osiqira vano iri va soru qirae vasakata pata kero ne basoero, mana basoero i sakata go too ria. Tarina pala vakuziki ne qirae basoero dena, de ikoego Too vari miasoka ia God.

Matiu 13:49

Tina gere to vapadapada dena ṉalu musaqara muzimuzi ne, ria aqelo ro ia God tarina lama vota vakuziki ne qira basoero sakata de iri koego basoero velaka ro ne,

Matiu 24:22

Do God i nanao bana tina vapusia ṉalu na makuru igogo ne, tanego ṉalu iki vapusia kaega, kaega ka basoe tina mazala go too. Do God i vapusia so, tanego inanao qira basoero tavine ia.

Matiu 24:24

Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go.

Matiu 24:31

Tarina puqo kuvili go tuna turine qira aqelo ro era go tarina zae kavasi tumu na kolabana pua ne, go tarina pala qira me basoero qa vine bana qira go.”

Maka 13:20

Ṉalu God tariki vine bana me kaega vapusina ṉalu makuru nae, kaega to kaki basoe na vudu pua dena tara kavele go. Do sauqira to basoero ne tarina kavele iago, God ivapusia so ṉalu na makuru ro dena.

Maka 13:22

Tanego Mesia poqepoqe ro mana propeta ro go, tarina lama sadaka mana zazu ne topuna ro pata van vapoloso mana lala ro, go tarina vasoru qirae basoero tavine ia God.

Maka 13:28

Jesu i sine napu ne qira, “Muna nanao rove zaqe so, ṉalu moki piqi ni sisiri mana i luqu me igogo ne, ramu qamu rove i vele zavarata to.

Luka 16:22

Ṉalu valeke situ dena i le, aqelo ro iri lama sua ia mana iri vakoluku ze rikisina Abra-am tepa rani ne. Valeke vavagado ne i le, mana iri za vou ia,

Luka 18:7

Iago avigo qamu nanao God tiniki va totoloṉo kaega makuru ro ria vano i vine qira go, iri dae taru zaqe ia nogotona kuse mana musaqara? Avigo qamu nanao God tiniki tavisi katikili ne qira kaega?

Tarama Velaka Ia Jesu Kristo I Karo Go Jon 10:16

Era iko napu nava kakiaro sipi, iri ara kaebo lama kebae na bara ne. Era tuna pala valama qira, go ria tarina gata rove seko qu era, mana osiqira tarina kameka ko, mana kameka basoe so tina miasoka qira go.

Tarama Velaka Ia Jesu Kristo I Karo Go Jon 11:52

Tiniki le ne qira so kaega vano Jiu, do sau napu qira salesalero ia God iri repe go soso dia ro, Jesu tina le, go osiqira basoero tarina kameka qoqoṉo mana kameka basoe so go.

Leta Ia Pol I Karo Ne Qira Basoero Na Rom 8:33

Akena to tina seko vasakata qira go basoero tavine ia God? Tanuna God to i sine vatatavata bana me, igo, iriki kebu kaega.

Kolosia 3:12

Ramu qamu basobasoero ia God, i mamaligara ne qamu mana i vine qamu tamuna ke ia tanuna. Iago vakeba ze too ramu, vari vatatavisi, dego va velaka ne na kene basoe, vaqoqoro na too ramu, vamanakamana basoe mana va totoloṉe basoe i zaza kakavata go, va losia nanao qamu, kasi muma katikili go.

Karua Tesalonika 2:1

Sauna lama napu na Batu ita Jesu Kristo, go tatana kameka teṉo tavise go ia ne, qa pene vakaraputa qamu turaquro.

Karua Timoti 2:10

iato go era qa zazu so, patavolomo iri vasasakata nava. Qa soko tavisi ne qira basoe ia God i vine bana qira go, go tarina vakameka ne Jesu Kristo. Go God tina vakavele qira mana teke ne qira too iki rove go kaega lupo.

Kameka Pita 1:2

Ramu qamu basoero tavine bana ia God Tamaqita, mana i vatabo bana qamue Spirit tabo ia tanuna, go ia ramu tamuna vaogote Jesu Kristo, mana daloe parasana ia. Qa pene God mara Mana ne qamu mana mara teke ne qamu bule osina ṉalu topu ro ne.