Maka 12:1 - Vato Vari Vakameka Voru Ia Batu Ne

¹ Jesu i sine ne qira basoero ne seko vapadapada dena, “Kaki kameka valeke i leba barue vaeni ia mana i zazu ne kameka bara, ikolo ze go. I zazu ne de tina puqo ze go vaeni ne, mana i vadegere ze kameka pade zakazaka go tina za koe basoe tina miatarua go. Lupo nae i vamao ne qira kakia ro basoero barue vaeni, iago tarina vazazua mana teke vaule ne tanuna kadia volina urena nogotona ave, mana tanuna valeke ne i zaza, iza koe kaki dia kakavata.

Maka 12:1 ပူးပေါင်းရင်းမြစ်များ

Matiu 13:3

Gonae Jesu iva zazua seko vapadapada i vatatana qirae go, ia igo, “Kameka basoe i za go mara za leba pata lebaleba ia igo

Matiu 21:28

Jesu i sine ne qira, “Avana to qamu nanao go? Iko kameka valeke i kone karua sale valeke. I sine ne ke lavata ne, ‘Sale era, za mana za zazue barue ne nini dena.’

Matiu 21:33

Jesu igo, “Gata napua varuana seko vapadapada dena, Iko kameka valeke i leba barue vino ia, i zazu bara e rikisina ne, mana i sola bolu go tina puqo ze vino ia, mana i zazu ne pade sadere iago. Goto nae ia, i va vamao ne qira kakiaro basoero tarina vazazua barue vino ia ne, gonae valeke ne i kasi ne komala mana za koe tekere de kakavata go.

Matiu 21:34

I doka to ṉalu tarina vae go urena vino ne, valeke ne i turi vazao qira vano zazu ia de iri koego vano iri vazazua go barue ne, go tarina za pala todo na.

Matiu 25:14

Jesu i sine napua, “Too ikoego vari miasoka ia God i gere ṉalu kameka valeke batu i vanama ne zae na kaki vudu, gonae i koru qira vano zazu ia mana i teke ne qira patapata ro ia go tarina miasoka go.

Maka 11:33

Iago iri vataule ne Jesu iri go, “Qimuki rove kaega.” Jesu i sine ne qira, “Era do qaki mazala kaega sine ne qamu ava karaputana tane qa pala, go qa vazazua go dena.”

Maka 13:34

Tina gere valeke i vele kasi ne pade ia, i vanama ne qira vano zazu ia soso zazu ro tarina zazu ne go. Ṉalu i teke lupo ne qira to zazu ro ria, i sine ne valeke i miasoka go siporoṉa na pade ne, ina mimia taru so osina ṉalu.

Maka 3:23

Iago Jesu i koru qira mana i sine ne qira vapadapada ro dena, “Avigo qamu nanao Satana tina mazala kakale napu na Satana ba?

Maka 4:2

Topu pataro i vatatana qirae go, do i sine ne qirae so seko vapadapada ro. Pataro i vatatana qirae go igo dena.

Luka 15:13

Taramuzina kavia musaqara i sivala, ke suka sale valeke ne i volivoii lupo ne osina patapataro ia i teke ne go tamana. I pala kesa ne i kasi ne komala ia mana izae vudu laqalaqa, mana iva lupo ze kesa ia too na vatovato sakata ro.

Luka 19:12

Iago Jesu i sine ne qira vapadapada dena, “Kameka basoe lavata isoko vele zae na kaki vudu laqalaqa, go tarina za teke ne ia karaputa go tina batu lavata go, mana taramuzina nae ia tinara za ule me, mana tina lama batu lavate go komala ia.

Luka 22:9

Riru iru tana ne ia, “Adepa tane qo soko qarue go raru taruna vanama zego na?”

Luka 8:10

Jesu iva taule ne qira igo, “God iva malumu ne qamu tamuna rove go pata pupuika mana pata ogoto na de ikoego vari miasoka ia God, ba de iri koego basoero ne, era qa sine go vapadapada dena, go tarina mia, do tariniki mia rove kaega, tarina gata, do tariniki gata rove kaega.”

Zazu Ria Apostoloro 7:38

Mosese iato i ko tavisi qira basoero na Izirel iri teṉo e ulana ne, i ko tavisi qira me vanovano bana ita, mana aqelo i seko tabe ze ia Kubolo Sinae mana iato i pala mego tarama too ia God i ara teke ne qita go ita.