Maka 11:23 - Vato Vari Vakameka Voru Ia Batu Ne

²³ Ma sine ne qamu to pata ogoto, ṉalu basoe i kaega ne ruama loborona puṉu na mana i taru ze to vaogoto ia sauna pata i sine go, ianae tina lama ogoto bana so pata i sine go. Basoe nae i mazala so sine nena kubolo dona, mo tarapusu mana za degere masi dona. Ianae tina ziki bana so.

Maka 11:23 ပူးပေါင်းရင်းမြစ်များ

Matiu 14:13

Ṉalu Jesu i gata soba tarama na pata i doka go Jon na bapitema, i age kaki koluka mana i za ko vamiki e de iki koe kaega basoena. Do ṉalu basoero ne iri gata soba de i zae go Jesu, iri kasine komala ro ria iri goe sasaniqa mana iri kale muzi ne ia go.

Matiu 17:20

Jesu i vataule ne qira, “Tanego vaogoto ramu iara lete suka so. Masine ne qamu pata ogoto, ṉalu vaogoto ramu tara gere lavata na paturu na moki mastad, qamu mazala so sine ne kubolo dena, ‘Kasi ne dena mana za koe dona go kubolo ne tina ziki so, mana qamu mazala so zazu ne na topu na pata go.”

Matiu 21:21

Jesu gonae i vataule ne qira, “Ma sine ne qamu pataogoto, ṉalu qamu vaogote God, mana i kaega ne qamu nanao ruama go, qamu mazala so zazu ne na pata qa zazu ne ze go era moki piqi dena. Mana iki ianae so kaega, do qamu mazala sine ne kubolo suka dona, ‘Degere mana za vana zigoe tanumu masi ne,’ mana tina mazala so.

Luka 17:6

Batu ne i vataule, “Ṉalu ramu tara kone qamu vaogoto i gere go lavata na paturu na mastad ne, qamu mazala so sine ne moki dena, ‘Ono tarapusu mana za podoe masi dona,’ mana ia tina va ogoto qamu so.”

Tarama Velaka Ia Jesu Kristo I Karo Go Jon 14:13

Mana ṉalu qamu pene ze kakia pata loborona vitoṉoqu, era tuna teke ne qamu. Go karaputa mazala ia Mamae tina sadake loborona sale ia.

Tarama Velaka Ia Jesu Kristo I Karo Go Jon 15:7

Ṉalu qamu ko vanadue de qa koego era, mana seko ro era i ko vanadue de qamu koego, qamu mazala so pene na kaki pata qamu soko go, mana Mamae tina teke ne qamu so.

Kameka Korinti 13:2

Ṉalu tara ko nava karaputa go na sine vasadake seko ia God, ba tu lete tarove mana tu nanao rove osina pata pupuika, mana tu toṉove osina vaogoto go tu vazikia kubolo ro, do ṉalu qaki mamaligara ne qira kaega basoero ne, era qa patavolomo so.