Maka 10:18 - Vato Vari Vakameka Voru Ia Batu Ne

¹⁸ Jesu i vane dena, “Avigo tane qo koru zave go era velaka? I kaega kaki basoe i velaka go, do tanuna so God i velaka go.

Maka 10:18 ပူးပေါင်းရင်းမြစ်များ

Matiu 19:17

Gonae Jesu i vataule ne ia, igo, “Avigo tane qo tana zave go era sauna pata i velaka go? Tanuna so God i velaka go. Ṉalu qo soko go toṉove na too iki rove go kaega lupo, ono lulua Tamana.”

Maka 10:17

Ṉalu Jesu i vele zaza, kameka valeke vavagado i lama koloku tutuṉe tarakenaqana Jesu mana i tana ne igo, “Valeke vari vatatana velaka, avana to pata tuna zazu ne go era go tuna pala go too gado kutona i kaega.”

Maka 10:19

Aro qo rove bana so Tamana ni sine go pataro dena igo, ‘Oniki vae vale basoe, oniki taunata, oniki siko, oniki poqe ne qira basoero ne, oniki tatakiu ne pala valuna pata, mana ono vamazala tamamu mana sinamu ni gogo.’”

Luka 18:19

Jesu i tana ne ia, “Avigo qo koru ve go era velaka? Kaega ka basoe i velaka go, do tanuna so God, ni velaka go.

Leta Ia Pol I Karo Ne Qira Basoero Na Rom 3:12

Osiqira basoero iri tabali kasi ne God mana iri zaza kakavata lupo so go. Kaega to ka basoe izazu ne go pata velaka, kameka mine na basoe do kaega to.

Jemisi 1:17

Osina sosovolomo na pata ni velaka go iri reqeme so rani ne. God i valame go pata velakaro dena, mana tanuna God iki rove kaega kavalena vatovato ia. Iki gere kaega pataro ivazaria go iri koe go zakazaka varioka dona iri tatavata mego, do iri rove so kavala osina ṉalu.

Kameka Jon 4:16

Iago ita tanuqita qata rove mana vaogote mamaligara ia God i koe go de qata koego. God tanuna i mamaligara, iago, basoe i tooe go mamaligara ikoe loborona God, mana God ikoe loborona basoe nae go.

Kameka Jon 4:8

Basoe iki mamaligara ne qira kaega basoero ne, basoe nae iki rove kaega God, tanego God to imamaligara go.