Maka 1:15 - Vato Vari Vakameka Voru Ia Batu Ne

¹⁵ Igo dena, “I lama doka to ṉalu Too ikoego vari miasoka ia God ilama ko garogaro to! Muna nanao ule mana vana ne vasakata pata ro ramu mana vaogote Tarama Velaka!”

Maka 1:15 ပူးပေါင်းရင်းမြစ်များ

Matiu 10:7

Mana ṉalu qamu za go, muna tarama ne, Too ikoego vari miasoka ia Batu ne i lama garogaro to.

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Matiu 4:17

Torana ṉalu nae Jesu iva tupiana ne tamana qira basoero, “Muna manava sakata ne vasakata pataro ramu, tanego vari miasoka ia God i lama garogaro.”

Luka 10:11

Gausu na loduna pua na komala ramu dena i kapate go polana makeqemu, qimu tavoro vaule ne qamu. I gerena lalana de qamu gogo ramu. Do muna nanao tarua ia dena, de ikoego vari miasoka ia God i lama garogaro e de qamu koego ramu.’

Luka 10:9

Muna va tavoesi qira basoero iri mokosoe go komala nae mana muna sine ne qira, ‘Too ikoego vari miasoka ia God i lama garogaro qamu ramu.’

Luka 24:47

Mana loborona vitoṉo na ia, seko na nanao maqata na vasakata pata ro, mana nanao ule na vasakata pata gogo ne, tina vari vatatana ze osina dia kolabana pua ne, tina tupi e Jerusalema.

Zazu Ria Apostoloro 20:21

De qamu koego ramu vano Jiu mana vano iriki Jiu go kaega, qa sine va moqere ne qamu, muna vanane vasakata pata ro ramu mana tabali za de ikoego God, mana taru ze ruruqe ramu de ikoego Jesu Batu ita go.

Leta Ia Pol I Karo Ne Qira Basoero Na Rom 16:26

Do ninidena ogoto nae i sadaka me to loborona koru ria propetaro ne, mana seko ia God i too go osina ṉalu topu ro ne, i sadaka e to osina dia kolabana vudu pua go osina basoero ne tarina vaogote God mana lulua iago.

Qalesia 4:4

Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Epesus 1:10

Nanao dena tina lama vaogoto ze to ṉalu musaqara na ne. Iato tina teṉo lupo qira osina pataro i vazari zego.

Kameka Timoti 2:6

ia i soso ne too ia, go tina voli vaule qira osiqira basoero na pua dena. Loborona vokara vamiki i vae go Jesu, i va sadaka ogoto me ṉalu velaka God i soko ne go va kavele qira osiqira basoero ne,

Taetusi 1:3

Mana i doka velaka to ṉalu na, ia ivasadake velaka na seko ia loborona Tarama Velaka ne. God iato i vakavele qita go, i sine nava era tuna sine vasadake Tarama Velaka ia de koe osina basoero.