Luka 9:51 - Vato Vari Vakameka Voru Ia Batu Ne

⁵¹ I lama garogaro to ṉalu God tina pala vaule zaqe rani ne Jesu, ia ivanadua nanao na mana i tasibaka za Jerusalema.

Luka 9:51 ပူးပေါင်းရင်းမြစ်များ

Maka 16:19

Taramuzina Jesu Batu ne i seko tabe lupo qira disipoloro ia ne, God i pala vapopoka zaqe Jesu rani ne, mana ia iza kolokue tepa matauna God Tamana.

Luka 12:50

Do kameka bapitema iara ko nava tuna toṉove go. Makuru tina sapuava go i gere loka i sapua go basoe ṉalu i suala zunu nego bapitema. Mana makuru nae iara kaebo sivale na deqa koego mana puṉuqu i lete maqata sasakata.

Luka 13:22

Jesu i zaza sivale komala lavata ro, mana komala suka ro. Iva tatana qira basoero mana iza dokae Jerusalema.

Luka 17:11

Loborona zaza ia Jesu i vele zae go Jerusalema, ia i zuka goe varikuto na pua Samaria mana Qalili.

Luka 18:31

Jesu i pala vamiki qira ria manoga karua disipoloro ia mana i sine ne qira, “Gata! Ita mata zae Jerusalema, de igogo ne osina seko ro iri sine bana go ria propeta ro ne, tina lama sadaka ogoto.

Luka 19:11

Ṉalu basoero ne iri gatagata pepeu ro ia Jesu, i sine napu ne qira vapadapada dena. Torana nae ne Jesu i garogaro to za doka ena Jerusalema, iago basoero ne iri nanao Too ikoego vari miasoka ia God i garogaro to lama sadaka.

Luka 19:28

Jesu i sine lupo to pataro dena mana i zaza kenaqa za zuka na Jerusalema.

Luka 24:51

Ṉalu i vatabo lupo qira, Jesu i kasi ne qira mana God i pala va popoka zaqe ia rani ne.

Luka 9:57

Loborona zaza iri vae go zuka ne, kaki kameka valeke i sine ne Jesu, igo, “Era tuna lulu go aro osina to dia tono goe go.”

Tarama Velaka Ia Jesu Kristo I Karo Go Jon 13:1

Bakubaku na to tina musaqara kelo na Pasova ne. Gonae Jesu i rove ṉalu ia tina kasi nego kolabana pua dena, mana tina gado ule za de ikoego Tamana, i lama garogaro to. Jesu i mamaligara taru bana ne qira so basoero tavine ia, iri koego vudu pua dena, i mamaligara ne qira go za doka so ṉalu ia i le go.

Tarama Velaka Ia Jesu Kristo I Karo Go Jon 16:28

I ogoto era qa reqe me de koe Mamae, mana qa lamae kolabana pua dena, iago tuna kasi ne kolabana pua dena, mana ule za de i koego Mamae.”

Tarama Velaka Ia Jesu Kristo I Karo Go Jon 16:5

Do ninidena, i garogaro to ṉalu era tuna ule za de ikoego ia ni turi nava mego, do kaega kakia ramu i tana ne, adepa tane qa vele zae go era.

Tarama Velaka Ia Jesu Kristo I Karo Go Jon 17:11

Era tuna gado atu to, tuniki koe kaega vudu pua dena, do ria de tarina koe vudu pua de. Mamae, aro qo Tabo go! Bara ne qirae karaputa na vitoṉomu, iato vitoṉo qo teke nava go era, go ria tarina kameka so, gere qituru ituru qaturu kameka go.

Tarama Velaka Ia Jesu Kristo I Karo Go Jon 6:62

Ṉalu igogo nae nanao qamu, ava tamuna go ṉalu tamuna mia va era Tuna basoe na popoka ule za go de qa ko banae go?

Zazu Ria Apostoloro 1:2

mana idokae go musaqara ipopoka za go rani ne. Tarakenaqana Jesu ipopoka za go rani ne, loborona karaputa ia Spirit tabo, ia i vatatana qira basoero i vine bana qira go tarina apostoloro ia.

Zazu Ria Apostoloro 1:9

Taramuzina i sine ne qira sekoro dena, iri mia ria God ipala vapopoka za Jesu rani ne, i lama kameka toba i vamidiki ne ia, mana iriki mia to kaega ia.

Epesus 1:20

God i vazazua go i vatoo ze go Jesu tepa le ne. God ipala vapopoka ia mana i vakoloku ze tepa matauna tanuna tepa rani ne.

Pilipae 3:14

Iago era qa lete pada ne teteṉe totoloṉo za lala ne, go ma pala sasarapaqu, iato i koru ia God, iva goe ze Jesu Kristo, too ogotona vudu rani ne.

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.

Iburu 12:2

Mata reṉa taru vanadu ne Jesu, tanego de koe ia i tupi e mana i valupolupo ego vaogoto ita. Ṉalu ia i le go koluse ne, iki pela ne kaega, “Kaega to,” tanego la i nanao va mazala zaqe kulakula iara ko mego, iki nanao vamazale so kaega vokara mana le i pala ze go koluse ne, la to go ninidena i kolokue tepa matauna God mana i vatovato tavisi ne rago.

Iburu 6:20

Go tina tavisi ne qita, Jesu i kenaqa bana za de igogo, mana i za batu lavata ria patere loborona sinaqe patere ia Melkizadek mana zazu patere ia tiniki rove kaega lupo go.

Kameka Pita 3:22

Jesu dena i popoka za go rani ne, mana iza kolokue tepa matauna God. I Batu ne qira aqeloro, mana osina vano karaputana rani ne.