Luka 9:48 - Vato Vari Vakameka Voru Ia Batu Ne

⁴⁸ Mana i sine ne qira, “Ka basoe iva velaka ne sale suka dena loborona vitoṉo qu era, ia iva velaka nava era, mana ka basoe iva velaka nava era, iva velaka napu neso ia ni turi nava go era. Tanego ia i lete sukae to de qamu koego ramu, iato i lete mazala sivala ne qamu go.”

Luka 9:48 ပူးပေါင်းရင်းမြစ်များ

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Matiu 18:14

Igere napua so Tamaqamu ikoego rani ne, iki soko kaega kaki kameka ria salero suka ia tarina rore go.”

Matiu 19:28

Jesu i vataule ne qira, “Ma sine ne qamu pata ogoto, ṉalu God tina va voru lupo osina pata, era Tuna basoe tuna koloku e de koko batubatu ne mana vatovato e loborona karaputa ia God. Ṉalu nae ramu manoga karua qamu lulu ava go era, tamuna koloku napue de kolokoloku batubatu mana kenaqa ne qira manoga karua sinaqe na Izirel go.

Matiu 25:40

Era tuna vataule ne qira, ‘Masine ne qamu pata ogoto, ṉalu qamu zazu ne ze pataro dena, de ikoe kakia basoero era iri mimia volomo go, igerena so qamu zazu ne zeto deqa koego era go!’

Matiu 25:45

Era tuna vataule ne qira, ‘Masine ne qamu pata ogoto, ṉalu qamu kasi go tavisi ne qira basoero era iri mimia volomo gogo dena, i gere napuna so qamu kasi tavisi nava era.’

Maka 9:37

“Ka basoe iva velaka ne go sale suka ro iri gogo dena loborona vitoṉoqu era i velaka nava to era go. Mana ka basoe iva velavelaka nava era, iva velavelaka napu neso ia i turi nava go era.”

Luka 10:16

Jesu i sine ne qira disipoloro ia, “Ka basoe igata qamu ramu, i gatava era. Ka basoe iki soko qamu kaega ramu, iki soko ava kaega era. Mana ka basoe iki soko ava kaega era, iki soko kaega ia ituri nava me era.”

Luka 14:11

Gerena napu so basoe ni vazaka go tanuna, God tina va qoqore, mana basoe niva qoqore go tanuna, God tina va zakazaka.”

Luka 22:26

Do vatovato dena mari kasa koena de qamu koe go ramu. Ia i basoe lavate de qamu koe ramu mara gere sale suka, mana ia i kenaqa e de qamu koego ramu, mana gere seka ne.

Luka 22:30

Ramu tamuna ṉaṉa mana besi tavisi e tevolo na vari miasoka era mana ramu tamuna koloku e de kolokoloku ria batu ro, mana tamuna kenaqa, ne qira manoga karua sinaqe na Izirel.”

Luka 7:28

Masine ne qamu igo napu Jesu, “Jon i lavata sivala ne basoero iri podoe go pua dena, do ia i lete suka sivale go de ikoego vari miasoka ia God, iara lete mazala sivala ne Jon.”

Tarama Velaka Ia Jesu Kristo I Karo Go Jon 13:20

Masine ne qamu pata ogoto, basoe i vavelaka ne ia qa turi ne go era, i vavelaka napu nava era go. Mana basoe i vavelaka nava era, i vavelaka napu neso ia ni turi nava go era go.”

Tarama Velaka Ia Jesu Kristo I Karo Go Jon 14:21

Ka basoe i toqe ne mana lulua go tamana era, basoe nae i mamaligara nava era. Mamae tina mamaligara ne iani mamaligara nava era. Era tuna mamaligara ne ia mana tuna vasadaka ne ia tanuqu go.”

Kameka Tesalonika 4:8

Iago, basoe iki soko go kaega vari vatatana dena. Iki talukasa goe kaega iki soko kaega nanao na basoe, kaega! Basoe nae iki soko kaega nanao ia God ni teke ne qamu go Spirit tabo ia.

Kameka Pita 5:6

Iago muna ko va qoqoroe tanuqamu polana karisi varavarana mazala sivala ia God, go ia tanuna tina pala va popoka qamu.

Revaleson 21:14

Bari na komala lavata ne, i vakutama ne manoga karua ipaka lavata. Manoga karua ipaka dena iri karo ze vitoṉo qira manoga karua apostoloro ia Tunana Sipi ne.

Revaleson 3:21

Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.